လျှပ်စစ်ဓာတ်အားပိုလွှတ်ရေးနှင့်ကွပ်ကဲရေးဦးစီးဌာန က ၅၀၀ကေဗွီ၊ ဘုရားကြီး - လှိုင်သာယာ ဓာတ်အားလိုင်းတည်ဆောက်ခြင်းလုပ်ငန်းဆောင်ရွက်ဖို့ အတွက် ဇူလိုင်၁၂ရက်မှ၁၅ရက်အထိနေ့စဉ် နံနက်၆နာရီမှညနေ၅နာရီ အထိဓာတ်အားပိတ်ပြီး လုပ်ငန်းဆောင်ရွက်မယ်လိုရန်ကုန်လျှပ်စစ်ဓာတ်အားပေးရေးကော်ပိုရေးရှင်းက ဇူလိုင်၁၂ရက်မှာ အသိပေးထားပါတယ်။
အဆိုပါ တည်ဆောက်ခြင်းလုပ်ငန်းဆောင်ရွက်ရာ မှာ မလွတ်ကင်းတဲ့ ၂၃၀ ကေဗွီ မြောင်းတကာ-လှော်ကား၊ မြောင်းတကာ-ဝါးတရာနဲ့ မြောင်းတကာ-လှိုင်သာယာဓာတ်အားလိုင်းတို့ ကို ဇူလိုင် ၁၂ ရက်နေ့မှ ၁၅ ရက်နေ့ထိ နေ့စဉ်နံနက် ၆နာရီမှ ညနေ ၅ နာရီအထိ ဓာတ်အားပိတ်ပြီး လုပ်ငန်းဆောင်ရွက်မှာ ဖြစ်တယ်လို့ အသိပေးထားပါတယ်။
လုပ်ငန်းဆောင်ရွက်နေစဉ်အတွင်း ၂၃၀ကေဗွီ လှိုင်သာယာပင်မခွဲရုံ၊ ၂၃၀ ကေဗွီ မြောင်းတကာပင်မခွဲရုံ၊ ၂၃၀ ကေဗွီ အနောက်ပိုင်းတက္ကသိုလ်ခွဲရုံနှင့် ၂၃၀ ကေဗွီ ကနောင်ပင်မခွဲရုံ များမှ ဓာတ်အားဖြန့်ဖြူးပေးထားသည့် ၃၃ ကေဗွီဖီဒါများအား ဝန်အားထိန်းညှိဆောင်ရွက်ရမှာ ဖြစ်တယ်လို့ ဆိုပါတယ်။
ဒါကြောင့် ရွှေပြည်သာ၊ လှိုင်သာယာ(အရှေ့ပိုင်း)၊ လှိုင်သာယာ(အနောက်ပိုင်း)၊ ရွှေလင်ဗန်း၊ ထန်းတပင်၊ ဆိပ်ကြီးခနောင်တို၊ ဒလ၊ တွံတေး၊ လက်ခုပ်ကုန်း၊ ကွမ်းခြံကုန်း၊ ကော့မှူး၊ ကျိုက်ထော်၊ လှိုင်၊ ကမာရွတ်၊ မရမ်းကုန်းမြိုနယ် စတဲ့ နေရာအချိုမှာ ယာယီဓာတ်အားပြတ်တောက်မယ်လို့ သိရပါတယ်။
