မြန်မာပြည်တွင်း ပဋိပက္ခတွေကြောင့် ထိခိုက်ခံစားနေရတဲ့ စစ်ဘေးဒဏ်သင့်ပြည်သူ တွေကိုဥရောပသမဂ္ဂကနေယူရို ငွေ၃၃ သန်းထောက်ပံ့ပေးမယ်လို့ ကြေညာလိုက်ပါတယ်။
ဥရောပသမဂ္ဂအနေနဲ့ လူသားချင်းစာနာထောက်ထားမှုအကူအညီအရ မြန်မာပြည်က စစ်ဘေးဒုက္ခခံစားရသူများအတွက်ငွေကြေးအထောက်အပံ့ပြုဖို့မတ်လ၇ရက် မှာ အသိပေးလိုက်တာလို့သိရပါတယ်။
တောင်အာရှနဲ့ အရှေ့တောင်အာရှရှိ အကျပ်အတည်း တွေကြောင့် ထိခိုက်ခံစားရသူ တွေအတွက် လူသားချင်းစာနာထောက်ထားမှုအကူအညီ အရ ဥရောပသမဂ္ဂမှ ယူရိုငွေ ၇၆ သန်း ခွဲဝေချထားပေးရာအဲ့ဒီ့ထဲက တချို့ကို မြန်မာပြည်သူတွေအတွက်ခွဲဝေထောက်ပံ့တာဖြစ်ကြောင်းဖော်ပြထားပါတယ်။
မြန်မာနိုင်ငံအတွင်းစစ်ရေးပဋိပက္ခတွေ ဖြစ်ပွားနေမှုဟာ တစ်နိုင်ငံလုံးရဲ့နေရာအနှံ့အပြားမှာဖြစ်နေတာဖြစ်ပြီး စစ်ဘေးရှောင်အရေအတွက်ဟာ ၃ ဒဿမ၅သန်းခန့်ရှိနေရာအဲ့ဒီထဲမှာ အမျိုးသမီးနဲ့ကလေးအရေအတွက်က ပိုများတယ်လို့ ကမ္ဘာကုလသမဂ္ဂ ရဲ့အဖွဲ့အစည်း တွေဖြစ်တဲ့ ယူနီဆက်နဲ့ UNOCHA တို့ရဲ့စာရင်းထုတ်ပြန်ချက်အရသိရပါတယ်။
ဥရောပသမဂ္ဂ(EU)အနေဖြင့် အလိုအပ်ဆုံးသောသူ တွေထံ ရောက်ရှိစေရန်နဲ့ နောက်ထပ်သေချာတဲ့ရန်ပုံငွေများ ရရှိရန် မိတ်ဖက်များဖြင့် လုပ်ဆောင်လျက်ရှိကြောင်း အသိပေးထားတာလည်းရှိနေပါတယ်။
