စစ်ကောင်စီရဲ့ အကျဉ်းထောင်တွေမှာ ဘတ်ဂျက်ငွေလျော့နည်းလာလို ဆိုပြီး အကျဉ်းသားတွေကို အစားသောက် လျော့ချကျွေးမွေးတဲ့တာကြောင့်ကိုယ်ခန္ဓာချိနဲ့ပြီး အောက်ပိုင်းမလှုပ်ရှားနိုင်တဲ့ ဝေဒနာခံစားနေရတယ်လို မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက် - PPNMက မေလ ၁၉ရက် မှာ ထုတ်ပြန်ပါတယ်။
အကျဉ်းထောင်တွေက အကျဉ်းသားတစ်ဦးကို တစ်ပတ်တာ ရိက္ခာသတ်မှတ်ရာမှာ တစ်ပတ် နေ့၊ ညထမင်း ၁၄နှပ် ကျွေးမွေးခြင်းအတွက် ကြက်ဥ ၁လုံး၊ နှစ်လက်မအရွယ် ငါးအသား၃တုံးကို လေးနှပ်စာ အတွက်ပဲ ပေးပြီး ကျန်ရက်တွေမှာ ထမင်းနဲ့ ပဲဟင်းအရည်ကြည်ကိုပဲ အဓိကထားကျွေးမွေးတယ်လို ဆိုပါတယ်။
ဘတ်ဂျက်လျှော့ကျလာပြီး နောက် အကျဉ်းသားတွေ စားသောက်ရာမှာ အသား ပမာဏ လျော့နည်းပြီး အာဟာရပြည့်ဝတဲ့ အစားအသောက်တွေ စားသောက်ခွင့်မရတာတွေကြောင့် ကိုယ်ခန္ဓာ ချိနဲ့ပြီး ခန္ဓာကိုယ် အောက်ပိုင်းမလှုပ်ရှားနိုင်တဲ့ (ထောင်အခေါ် တုတ်ဆွဲမှု)ရောဂါ အဖြစ်များလာတယ်လို ဆိုပါတယ်။
ဒီလို ရောဂါ ဖြစ်ပွားမှုဟာ မြင်းခြံအကျဉ်းထောင်တခုတည်းက အကျဉ်းသား ၁၅ရာခိုင်နှုန်း ဟာ တုတ်ဆွဲ ဝေဒနာ ခံစားနေရတယ်လို PPNMက ပြောပါတယ်။
ဒါ့အပြင် အိုးဘိုအကျဉ်းထောင်၊ ပုသိမ်ကြီးလူငယ်ထိမ်းသိမ်းရေးကျောင်း၊ လွိင်ကော်အကျဉ်းထောင်၊ ပေါင်းတည်အကျဉ်းထောင်၊ ဒိုက်ဦးအကျဉ်းထောင်၊ပုသိမ်အကျဉ်းထောင်၊ တိုမှာလည်း အကျဉ်းသား တွေကို အစားအသောက် လျော့ချကျွေးတာ ၊ပုတ်သိုးတဲ့ အသား ငါးတွေကို ကျွေးတာ၊ အစားစာတွေ စားသောက်လို အဆင်မပြေတဲ့ အနေထား ချက်ပြုတ်ကျွေးတာမျိုးတွေ လုပ်ဆောင်နေတယ်လို PPNMက ထုတ်ပြန်ထားပါတယ်။
စစ်ကောင်စီရဲ့ အကျဉ်းထောင်တွေမှာ အဟာရမပြည့်ဝတဲ့အစားအစာတွေ၊ အစားအသောက်လျော့ချ ကျွေးမွေး နေတာတွေကြောင့် မတရားဖမ်းဆီးခံထားရတဲ့ နိုင်ငံရေးအကျဉ်းသားတွေကို ထောင်ဝင်စာပါဆယ်များ အတွက် ကူညီပံ့ပိုးကြဖိုကိုလည်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက် - PPNMက မေတ္တာရပ်ခံ ထားပါတယ်။
