ရန်ကုန်တိုင်းဒေသကြီး အတွင်း ဓါတ်အားစနစ်အတွင်းဝန်အားမနိုင်နင်းမှုကြောင့် ဆိုကာ အလှည့်ကျမီးပျက်ချိန် ၄ နာရီ ထပ်တိုးလိုက်တယ်လို့ ဒီဇင်ဘာ ၁၉ ရက် မှာ မြို့နယ်လျှပ်စစ်ရုံး အချို့က ထုတ်ပြန်လိုက်ပါတယ်။
ည ၉ နာရီမှ နံနက် ၁ နာရီ အထိ တစ်ချိန်ထပ်တိုး၍ အလှည့်ကျဝန်အား လျှော့ခြင်းဆောင်ရွက်သွားမယ်လို့အသိပေးကြေညာထားပါတယ်။
သာကေတမြို့နယ် လျှပ်စစ်ရုံးရဲ့ ကြေညာချက်မှာတော့ အများပြည်သူအား ဓာတ်အားပေးနေတဲ့ Group A and B အား မနက် ၅ နာရီမှ မနက် ၉ နာရီအထိ Group A ဓာတ်အားပိတ်ပြီးမနက် ၉ နာရီမှ နေ့လည် ၁ နာရီအထိ Group. B ဓာတ်အားပိတ်မယ်လို့ဆိုပါတယ်။
နေ့လည် ၁ နာရီမှ ညနေ ၅ နာရီအထိ Group A ဓာတ်အားပိတ်ပြီး ညနေ ၅ နာရီမှ ည ၉ နာရီအထိ Group B ဓာတ်အားပိတ် မှာဖြစ်ကာည ၉ နာရီမှ နောက်နေ့မနက် ၁ နာရီအထိ Group A ဓာတ်အားပိတ်ပါမယ်လို့ သိရပါတယ်။
မနက် ၁ နာရီမှ မနက် ၅ နာရီအထိကိုတော့ Group A and B နှစ်စုလုံးအား ဓာတ်အားပေးထားမယ်လို့ ကြေညာထားပါတယ်။
အခုလိုဓါတ်အားဖြတ်တောက်ချိန် တိုးလိုက်တဲ့ အတွက် ယခင်က ရန်ကုန်တိုင်းအတွင်း အုပ်စုAနဲ့အုပ်စုB နှစ်စု ခွဲပြီး တစ်ရက်ကို ၈နာရီ ဓါတ်အားဖြတ်တောက် ရာ ကနေ လက်ရှိမှာ ၄ နာရီ အချိန် ထပ်တိုး တဲ့ အတွက် တစ်ရက်လျှင် ၁၂နာရီကြာ မီးပျက်တော့မှာ ဖြစ်တယ်လို့ သိရပါတယ်။
#MyanmarLabourNews
