ဧရာဝတီမြစ်၊ ချင်းတွင်းမြစ်၊ ဒုဠဝတီမြစ်၊ နန့်ယင်းချောင်းနဲ့နန့်ကောင်းချောင်း တို့မှ ရေတွေ ဟာ မြို့ကြီး ၁၅မြို့မှာ စိုးရိမ်ရေမှတ်ကို ကျော်လွန် ရောက်ရှိနေတယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာန ရဲ့ ဇူလိုင်၉ရက် မနက်၉နာရီ အချိန် ထုတ်ပြန်ချက်အရ သိရပါတယ်။
ဗန်းမော်မြို့၊ ရွှေကူမြို့၊ ကသာမြို့၊ သပိတ်ကျင်းမြို့၊စစ်ကိုင်းမြို့၊မန္တလေးမြို့၊ခန္တီးမြို့၊ ဟုမ္မလင်းမြို့၊ဖောင်းပြင်မြို့၊မော်လိုက်မြို့၊ကလေး၀မြို့၊မင်းကင်းမြို့၊မုံရွာမြို့၊မြစ်ငယ်မြို့နဲ့ မိုးကောင်း မြို့တို့ရဲ့ စိုးရိမ်ရေမှတ် ထက် ကို ကျော်လွန်ရောက်ရှိနေတယ်လို့ ဆိုပါတယ်။
ယင်းမြို့၁၅မြို့ထဲ မှ ခန္တီးမြို့၊ဖောင်းပြင်မြို့နဲ့ မော်လိုက်မြို့ တို့ မှာ ချင်းတွင်းမြစ်ရေ ဟာ စိုရိမ်ရေမှတ်ထက် ၈ပေခွဲ မှ၉ပေအထိ မြင့်တက်နေတယ်လို့ သိရပါတယ်။
ဧရာဝတီ မြစ်ရေ ကတော့ ဗန်းမော်၊ရွှေကူ၊ကသာ၊သပိတ်ကျင်း၊နဲ့ စစ်ကိုင်းမြို့တို့မှာ စိုးရိမ်ရေမှတ်ထက် ၂ပေ ကနေ ၃ပေကျော် အထိ မြင့်တတ်နေပြီးမန္တလေးမြို့မှာတော့ ပေဝက်ခန့်(၁၁စင်တီမီတာ)ကျော်လွန်ရောက်ရှိကာ ၂၄နာရီ အတွင်း ၁ပေခွဲခန့် ဆက်လက်မြင့်တတ်လာမယ်လို့ ဆိုပါတယ်။
ထို့ကြောင့် ဗန်းမော်မြို့နယ်၊ရွှေကူမြို့နယ်၊ကသာမြို့နယ်၊သပိတ်ကျင်းမြို့နယ်၊စစ်ကိုင်းမြို့နယ်၊မန္တလေးမြို့နယ်၊ခန္တီးမြို့နယ်၊ဟုမ္မလင်းမြို့နယ်၊ဖောင်းပြင်မြို့နယ်၊မော်လိုက်မြို့နယ်၊ကလေးဝမြို့နယ်၊မင်းကင်းမြို့နယ်၊မုံရွာမြို့နယ်၊မြစ်ငယ်မြို့နယ်နဲ့ မိုးကောင်း မြို့နယ် အတွင်းရှိ မြစ်ကမ်းအနီးနဲ့မြေနိမ့်ပိုင်းတွေမှာနေထိုင်သူတွေအနေနဲ့ အထူးသတိပြုနေထိုင်ဖို့ မိုးလေဝသနှင့်ဇလဗေဒညွှန်ကြားမှုဦးစီးဌာန က အသိပေးထားပါတယ်။
Application - https://bit.ly/3oNDLga
Website Link - https://www.myanmarlabournews.com
Telegram Link - https://t.me/myanmarlabournews
Twitter Link - https://twitter.com/mm_labournews
Gmail Link- myanmarlabournews@gmail.com
