နှစ်ပေါင်းအတော်ကြာ သုံးစွဲသူတွေကြားမှာ ပျောက်ကွယ်နေတဲ့ မြန်မာငွေ ၁ကျပ်တန်နဲ့ ၂၀ကျပ်တန်တို့ကို ပင်စင်ကြေး ထုတ်ပေးတဲ့ ရုပ်သံတခု လူမှုကွန်ယက်မှာ ပျံ့နှံ့နေပါတယ်။
အလွယ်တကူ သုံးစွဲလိုမရတဲ့ မြန်မာငွေ ၁ကျပ်တန်နဲ့ ၂၀ကျပ်တန်တွေကို မြန်မာ့စီးပွားရေးဘဏ် ပုဗ္ဗသီရိ ဘဏ်ခွဲက ပင်စင်ကြေးအဖြစ် ထုတ်ပေးတာကို ရုပ်သံဖိုင်မှာ တွေ့ရပါတယ်။
" ဘဏ်ကထုတ်ပေးတာလေ၊ အဘအဲ့ပိုက်ဆံတွေဘယ်မှာသွားသုံးရမှာတုန်း၊ ပင်စင်ထုတ်ပါတယ်ဆိုမှ ၁ကျပ်တန်တွေ၊၂၀တန်တွေနဲ့မီတာသွားဆောင်လိုက်၊ မီတာဆောင်တာမှာသုံးလိုက်အဘ"လို့ အမျိုးသားတဦးနဲ့အမျိုးသမီး၂ဦးတို့ ပြောဆိုသံက ရုပ်သံဖိုင်မှာ ကြားရပါတယ်။
ပင်စင်လစာမှာ အရွက် ၁၀၀ပါ ၁ကျပ်တန် တစ်အုပ်နဲ့ ၂၀ကျပ်တန် ၅ ရွက်စုစုပေါင်း ကျပ် ၂၀၀ ဖိုး ထုတ်ပေးလိုက်တာဖြစ်ပြီး ဘဏ်တာဝန်ရှိသူ ငွေကိုင်၃ လွင်မိုးနဲ့ ဘဏ်တာဝန်ရှိသူ ငွေကိုင်၂ ဖြူနီခိုင် ဆိုတဲ့ အမည်တွေနဲ့ လက်မှတ်တွေလည်း တွေ့ရပါတယ်။
လက်ရှိ မြန်မာနိုင်ငံရဲ့ ငွေကြေးသုံးစွဲမှုမှာ ၅၀ကျပ်တန်ကိုသာ အနိမ့်ဆုံးငွေကြေးအဖြစ် သုံးစွဲနေပါတယ်။
Photo- cj
