မြန်မာနိုင်ငံကို စစ်အာဏာသိမ်းပြီးနောက်ပိုင်းဒုတိယအကြိမ်အဖြစ်ရောက်ရှိလာတဲ့တရုတ်မြန်မာအထူးသံတမာန်ဆွန်ကော်ရှန်းဟာယမန်နေ့မနက်ပိုင်းမှာပဲစစ်ခေါင်းဆောင်နဲ့နေပြည်တော်မှာတွေ့ဆုံခဲ့တယ်လို့သိရပါတယ်။

ဆွန်ကော်ရှန်းဟာမြန်မာစစ်ဖက်နဲ့သာမက NLD အရပ်သားအစိုးရနဲ့လဲအတော့်ကို ပနံသင့်ခဲ့သူလို့ဆိုရမှာပါ။

ဆွန်ကော်ရှန်းလာရောက်မှု့နဲ့ပတ်သက်ပြီး
မြန်မာ့နိုင်ငံရေးအခင်းအကျင်းအပေါ် သဘောထားအမြင်ဖလှယ်ခဲ့ကြောင်း၊ မြန်မာ့လူမှုတည်ငြိမ်ရေး၊ ဒီမိုကရေစီ အသွင်ကူးပြောင်းရေး အားထုတ်ကြိုးပမ်းမှုကို နိုင်ငံတကာအသိုင်းအဝန်းနှင့်အတူ အပြုသဘောဆောင် အားထုတ်ကူညီသွားမှာဖြစ်ကြောင်း တရုတ်နိုင်ငံခြားရေးဝန်ကြီးဌာန ပြောခွင့်ရသူက သတင်းထုတ်ပြန်ထားတာကိုတွေ့ရပါတယ်။

ဒီခရီးစဥ်မှာစစ်ခေါင်းဆောင်နဲ့စစ်ခေါင်းဆောင်ခန့်နိုင်ငံခြားရေးဝန်ကြီးဝဏ္ဏမောင်လွင်နဲ့လဲတွေ့ဆုံခဲ့တယ်လို့သိရပါတယ်။

ဆွန်ကော်ရှန်းအပြီးနောက်ထပ်ရောက်သူတဦးကတော့ရက္ခိုင့်တပ်မတော်အေအေနဲ့မြန်မာစစ်တပ်အကြားညှိနှိုင်းပေးခဲ့တဲ့ဂျပန်နိုင်ငံနိပွန်ဖောင်ဒေးရှင်းဥက္ကဌ H.E.Mr.Yohei SASAKAWA ပဲဖြစ်ပါတယ်။

သူကလဲအနေ့ကမနက်ပိုင်းမှာပဲစစ်ခေါင်းနဲ့တွေ့ဆုံခဲ့ပြီးနှစ်နိုင်ငံပူးပေါင်းဆောင်ရွက်မှု့မြှင့်တင်ရေးနဲ့ငြိမ်းချမ်းရေးလုပ်ငန်းစဥ်တွေအတွက်လာရောက်တွေ့ဆုံခဲ့တာဖြစ်တယ်လို့စစ်တပ်ရဲ့ပြန်ကြားရေးကသတင်းထုတ်ပြန်ပါတယ်။

နီပွန်ဖောင်ဒေးရှင်းဥက္ကဋ္ဌ H.E.Mr.Yohei SASAKAWAမှာဂျပန်အစိုးရ ၏ အထူးကိုယ်စားလှယ်နှင့် မြန်မာနိုင်ငံအမျိုးသားပြန်လည်သင့်မြတ်ရေးဆိုင်ရာအတွက်တာဝန်ရှိသူတဦးလဲ ဖြစ်ပါတယ်။  

ဒီလိုတရုတ်နဲ့ဂျပန်ကိုယ်စားလှယ်တွေလာရောက်ဆွေးနွေးတာမြန်မာပြည်သူတွေအပေါ်အကြမ်းဖက်နေတဲ့စစ်တပ်ရဲ့လုပ်ရပ်တွေကိုရပ်တန့်စေမှာမဟုတ်ဘဲ လက်တွေ့ကျကျအရေးယူဆောင်ရွက်မှသာအဆင်ပြေနိုင်မယ်လို့လဲနိုင်ငံရေးလေ့လာသူတွေကသုံးသပ်ပါတယ်။