NEWS

နှစ်ဝက်အတွင်းလူကုန်ကူးမှု ၈၀ အရေးယူခဲ့ဟု စစ်ကောင်စီထုတ်ပြန်

CoverLogo
204 Views
 
ယခု၂၀၂၅ ခုနှစ် ၅ လကျော်ကာလအတွင်း မြန်မာနိုင်ငံမှာ လူကူန်ကူးမှု အမှုပေါင်း ၈၀ ကျော်ကို အရင်နှစ်တွေကထက် တိုးမြှင့်ဖော်ထုတ်ကာအရေးယူနိုင်ခဲ့ကြောင်း စစ်ကောင်စီရဲ့ ပြည်ထဲရေးဌာနကထုတ်ပြန်‌ထားပါတယ်။
 
ယခုနှစ် ဇန်နဝါရီလကနေ ဇွန်လ ၂၀ ရက်အထိ ၅ လကျော်ကာလအတွင်း လူကုန်ကူးမှု အမှုပေါင်း ၈၀ ကိုအရေးယူရာမှာ ဖြစ်ပွားခဲ့တဲ့ အမှုအမျိုးအစားတွေကတော့ အဓမ္မလက်ထပ်စေခြင်း၊ ပြည့်တန်ဆာအဖြစ် အဓမ္မပြုလုပ် စေခြင်း၊ အဓမ္မအလုပ်ခိုင်းစေခြင်း၊ ကိုယ်ဝန်အငှားဆောင်စေခြင်းအပြင် အခြားနည်းလမ်းတွေနဲ့ ကာမဆိုင်ရာကိစ္စ အဓမ္မပြုလုပ်စေခြင်းတို့ ဖြစ်ပွားခဲ့တာလို့ဆိုပါတယ်။
 
ပြီးခဲ့တဲ့၂၀၂၄ ခုနှစ်အတွင်း မှာတော့လူကုန်ကူးမှုအနေနဲ့ ၅၃ မှုကို အရေးယူဆောင်ရွက်ခဲ့ရတာကြောင့် ယခု၂၀၂၅ခုနှစ်မှာ ဖော်ထုတ်အရေးယူနိုင်မှုဟာပိုမိုများပြားလာတာဖြစ်ကာ တရုတ်၊ လာအို၊
 
ကမ္ဘောဒီးယား၊ ထိုင်း၊ ဒူဘိုင်းအပါအဝင် ပြည်တွင်းမှာပဲလူကုန်ကူးခံရတဲ့အမှုတွေလည်းရှိနေလို့ ဖော်ထုတ်အရေးယူခဲ့ရတယ်လို့သိရပါတယ်။
လူကုန်ကူးခံရသူတွေအနေနဲ့ တရာမဝင်ပြည်ပထွက်ခွာမှုတွေကနေအများဆုံးဖြစ်ပွားတာကြောင့် နယ်စပ်ဝင်ပေါက်ထွက်ပေါက်တွေကနေ တရားမဝင် သွားရောက်မယ့်သူတွေကို တားဆီးအသိပညာ‌ ပေးဆောင်ရွက်ကာ နေရပ်ဒေသကို ပြန်လည်စေလွှတ်တာတွေကို ဆောင်ရွက်ခဲ့တယ်လို့ ယခုဇွန်လအတွင်းစစ်ကောင်စီရဲ့ နေပြည်တော်ရုံးအမှတ်(၈) မြန်မာနိုင်ငံရဲတပ်ဖွဲ့ ဌာနချုပ်မှာ ကျင်းပတဲ့ လူကုန်ကူးမှုတားဆီးကာကွယ်ရေးနဲ့ လူကုန်ကူးခံရသူများကို အကာအကွယ်ပေးရေးဆိုင်ရာ လုပ်ငန်းကော်မတီ အစည်းအဝေးမှာ သတင်းထုတ်ပြန်ခဲ့တာလည်းဖြစ်ပါတယ်။
 
စစ်ကောင်စီရဲ့ ရဲတပ်ဖွဲ့က နေ ပြည်ပအလုပ်အကိုင်ဆိုင်ရာဥပဒနဲ့ပတ်သက်တဲ့ အမှုတွေကိုလည်း အရေးယူနေခဲ့ရာ၂၀၂၅ ခုနှစ် ဇန်နဝါရီလကနေ ဇွန်လ ၂၀ ရက်အထိ ၄၂ မှု ရှိပြီး ယခင်၂၀၂၄ ခုနှစ်အတွင်း မှာတော့ ပြည်ပအလုပ်အကိုင်ဆိုင်ရာဥပဒေနဲ့အမှု ၂၁၈ မှု အထိအရေးယူခဲ့ကြောင်း စစ်ကောင်စီရဲ့သတင်းဖော်ပြချက်အရ သိရပါတယ်။

Related posts

Cover
နိုင်ငံကူးလက်မှတ်ပြုလုပ်သူ နည်းလာ
Aug 14, 2025
Cover
လွတ်ရက်စေ့ပြီး ထောင်ဗူး၀တွင် ပြန်အဖမ်းခံရသည့် နိုင်ကျဉ်း ၇၄ ဦး အထိ ရှိလာ
Aug 11, 2025
Cover
လာမည့် ၁၀ရက် အတွင်း မြစ်ရေများ လက်ရှိရေအမှတ်ထက် ၁ ပေမှ ၅ ပေအထိ မြင့်တက်မည်
Aug 11, 2025
Cover
နိုင်ငံကူးလက်မှတ် PJ အမျိုးအစား မှ PE အမျိုးအစား သို့ ပြောင်းလဲ ပြုလုပ်ခွင့် ပိတ်ပင်ခံရ
Aug 11, 2025
Cover
တစ်နိုင်တပိုင်လုပ်ငန်းငယ်တွေ အလုပ်သမားခေါ်ဖို့အခက်တွေ့လာ
Aug 11, 2025
Cover
ဆာဗာချိုယွင်းမှုကြောင့်ဆိုကာ တက္ကသိုလ်ဝင်စာမေးပွဲ အမှတ်စာရင်း ထုတ်ပေးမှု ယာယီရပ်ဆိုင်း
Aug 05, 2025
Cover
စစ်မှုထမ်းဟောင်းများ ပုဂ္ဂလိက လုံခြုံရေးဝန်ထမ်း အဖြစ်လုပ်ကိုင်လိုပါက ခွင့်ပြုချက်တောင်းခံရမည်
Jul 29, 2025
Cover
တက္ကသိုလ်ဝင်တန်းစာမေးပွဲကို အကျဉ်းထောင်မှ အောင်မြင်သူ ၁၇ ဦး တွင် ဂုဏ်ထူးပါသူ ၁၄ ဦးရှိ
Jul 28, 2025