(၁၁၄) ကြိမ်မြောက် အပြည်ပြည်ဆိုင်ရာ အလုပ်သမားညီလာခံ (ILC)ရဲ့ "မြန်မာ့အရေးအထူးဆွေးနွေးပွဲ"ကို ဆွစ်ဇာလန်နိုင်ငံ၊ ဂျနီဗာမြို့ရှိ အပြည်ပြည်ဆိုင်ရာအလုပ်သမားအဖွဲ့ (ILO) ရုံးချုပ်တွင် ကျင်းပခဲ့ရာမြန်မာနိုင်ငံလုံးဆိုင်ရာ အလုပ်သမားသမဂ္ဂများအဖွဲ့ချုပ် (CTUM) လက်ထောက်အထွေထွေအတွင်းရေးမှူး ဒေါ်ဖြိုးစန္ဒာစိုးကဒေါ်အောင်ဆန်းစုကြည်ရဲ့ကျန်းမာရေး၊ အသက်ရှင်သန်မှုတိကျစွာသိရဖို့နဲ့နိုင်ငံရေးအကျဉ်းသားများ လွတ်မြောက်ရေးအတွက် နိုင်ငံတကာအသိုင်းအဝိုင်းကိုဆက်လက်ဖိအားပေး တောင်းဆိုရန် တိုက်တွန်းပြောကြားထားပါတယ်။
စစ်ကောင်စီရဲ့ ၂၀၂၁ခုနှစ်မှာ မြန်မာနိုင်ငံကိုအာဏာသိမ်းပြီးနောက်ပိုင်း နိုင်ငံတကာအသိုင်းအဝန်းဟာ ဒေါ်အောင်ဆန်းစုကြည်ရဲ့ ကျန်းမာရေးရယ်၊အသက်ရှင်သန်မှု အတွက်ရယ်ကို လွတ်လပ်တဲ့ အထောက် အထားများ မရရှိကြသေးဘူးလို့ဒေါ်ဖြိုးစန္ဒာစိုးကပြောပါတယ်။
ဒါကြောင့် နိုင်ငံတကာအသိုက်အဝန်းအနေဖြင့် လည်းဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသားများအားလုံးလွတ်မြောက်မှုအတွက် ဆက်လက်တိုက်ပွဲဝင်ပေးရန် နဲ့ဒေါ်အောင်ဆန်းစုကြည်ရဲ့Proof of Life အတွက် တောင်းဆိုပေးကြရန် CTUMက တိုက်တွန်း တင်ပြခဲ့တာလို့သိရပါတယ်။
လက်တွေ့မှာ စစ်ကောင်စီဟာ တရားဥပဒေစိုးမိုးမှု ရှိနေပြီး အကျဉ်းသားများကို တရားမျှတစွာ ဆက်ဆံနေကြောင်း ILC ညီလာခံ၌ နိုင်ငံတကာကို ယုံကြည်စေရန် ကြိုးပမ်းနေပေမယ့်လည်း လက်တွေ့အခြေအနေများမှာ ယင်းပြောဆိုချက်များနဲ့ ကွဲလွဲနေတယ်လို့ဆိုပါတယ်။
ဒါကြောင့် နိုင်ငံတကာအသိုက်အဝန်းအနေနဲ့ စစ်ကောင်စီကို ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသားတွေအပေါ် ပြုမူနေတဲ့စိုးရွားတဲ့ကိစ္စတွေရပ်တန့်အောင် ဆက်လက်ဖိအားပေးတောင်းဆိုကြဖို့ လိုအပ်ကြောင်းသိရပါတယ်။
