NEWS

SMS (စာတို)ပို့ပြီး လိမ်လည်ရန်ကြိုးပမ်းမှုများလာ

CoverLogo
98 Views
 
မိုဘိုင်းဖုန်းနဲ့အသုံးပြုတဲ့ SIM ကတ်တွေ ကတစ်ဆင့် SMS (စာတို) ပို့ပြီး ပြည်သူတွေ ကို လိမ်လည် ဖို့ အတွက် လုပ်ဆောင်တာတွေ များပြားတာကြောင့် အနှောင့်အယှက်ဖြစ်နေရတယ်လို့ စာပို့ခံရသူတွေကပြောပါတယ်။
စစ်ကောင်စီ မှ ထိုင်းမြန်မာ နယ်စပ် ရှိ ကျားဖြန် လုပ်ဆောင်သူတွေ နဲ့ ကျားဖြန်ဂိုဏ်းတွေက အဓမ္မခေါ်ယူ ခိုင်းစေထားတဲ့ နိုင်ငံခြားသား လုပ်သားတွေ ကို ဖမ်းဆီး ပြီး သက်ဆိုင်ရာ နိုင်ငံ တွေ ကို ပြန်လည် ပို့ဆောင်လာ ချိန် နောက်ပိုင်း မိုဘိုင်းဖုန်း ကနေတစ်ဆင့် SMS ပို့ဆောင် ပြီး လိမ်လည် မှု တွေ လုပ်ဆောင် တာပိုများလာတယ်လို့ ပြောဆိုမှုတွေရှိပါတယ်။
""ပြီးခဲ့တဲ့၃လပိုင်း လောက်ကစပြီး ဖုန်း နံပတ် အစိမ်းနဲ့ SMS တွေ ပို့တယ် ဒီဂိမ်းကစားတာ ဘယ်လောက်ရသွားတယ်တို့ ငါးပစ်ဂိမ်း၊ စလော့ဂိမ်း ကစားပါ ဆိုတာ မျိုးတွေ လင့်ချပေးထားတာနှိပ်ပါတို့ ဆိုတာတွေ ကို ဖုန်းနံပတ် အမျိုးမျိုးနဲ့ နေ့စဉ် နီးပါး စာပို့နေတာ အတော်လေး စိတ်အနှောက်ယှက် အတော် ဖြစ်ရတယ် ငလျင် လှုပ်ပြီး နောက်ပိုင်း ပိုပြီး များလာတယ် ""လို့ ကြုံတွေနေရတဲ့ ရန်ကုန်မြို့ နေ ပြည်သူတစ်ဦးကပြောပါတယ်။
အခုလို ကျားဖြန့် တွေက စာတို SMS ပို့ကာ လိမ်လည်ရန် လုပ်ဆောင်လာတာ များ လာတဲ့ အတွက် လူမှုကွန်ယက်စာမျက်နှာတွေ မှာ လည်း အချင်းချင်း အသိပေး မှု တွေ ကို အင်တာနက်သုံးစွဲ သူတွေ က လုပ်ဆောင်လာတာတွေ့ရပါတယ်။
အခုလို မိုဘိုင်းဖုန်းကတစ်ဆင့် SMS ပို့ဆောင် နေမှု တွေဟာရဲတင်းစွာ ပိုမို လုပ်ဆောင်လာတဲ့ အတွက် ပြည်သူတွေ အလိမ်ခံရတာတွေ မဖြစ်စေဖို့ ပြည်တွင်းရှိ ဖုန်းအော်ပရေတာ တွေအနေ နဲ့ အများပြည်သူ သိရှိရန် အသိပေးလုပ်ဆောင်ပေးဖို့ လိုအပ်တယ်လို့ ပြည်သူတစ်ဦးကပြောပါတယ်။
""အဓိက ကတော့ ဆိုင်ရာ operator call center တွေ ကနေ အများပြည်သူ ကို အသိပေးဖို့ လိုတယ် သက်ကြီးရွယ်အိုတွေ ဖုန်း ကို သေချာစွာမသုံးတတ်တဲ့သူတွေ အနေနဲ့ သွားနှိပ်မိတာတို့ ဆိုရင် ပြည်သူတွေ နစ်နာဆုံးရှုံးတာတွေ ဖြစ်လာမှာစိုးရိမ်တယ်""လို့ ပြည်သူတစ်ဦးကပြောပါတယ်။
လက်ရှိ မှာတော့ MPT၊ ATOM စတဲ့ ဖုန်းနံပတ် တွေ ကတစ်ဆင့် SMS ပို့ ကာ ဂိမ်း များဆော့ကစားရန် ဆွဲဆောင်တဲ့ စာတို တွေ ပို့ပြီး လိမ်လည်ရန် လုပ်ဆောင်လာပေမယ့် မည်သည့် အော်ပရေတာမှ ၎င်းကိစ္စ ကို သတိထားရန် အသိပေးတာမျိုး မရှိသေးကြောင်း သိရပါတယ်။

Related posts

Cover
ဘိလပ်မြေဈေးကြီးမြင့်မှုကြောင့် ဆောက်လုပ်ရေးလုပ်ငန်းအချို့ရပ်နားရ
Apr 29, 2025
Cover
စစ်ကိုင်း ငလျင်ကြီး တစ်လပြည့်သည်အထိ နောက်ဆက်တွဲ ငလျင်များ ဆက်လှုပ်
Apr 29, 2025
Cover
ငလျင်ဘေးအန္တရာယ်ကြောင့် အလုပ်သမားထောင်ပေါင်းများစွာ ဝင်ငွေဆုံးရှုံးရ
Apr 25, 2025
Cover
ရန်ကုန်လေဆိပ်အခွန် ငါးဆနီးပါး တိုးမြှင့်ကောက်ခံ
Apr 24, 2025
Cover
ကယ်ရီမောင်းနှင်များထံမှ စစ်ကောင်စီတပ်ဖွဲ့ဝင်များ ကျပ် ငါးသောင်းမှ ကျပ် ရှစ်သောင်းအထိ ထောင်းယူ
Apr 23, 2025
Cover
လုပ်ငန်းခွင်ဝင် ကျောင်းသားများ တက္ကသိုလ်ဝင်စာမေးပွဲ ပြန်လည်ဖြေရန် ခက်ခဲမှာ အုပ်ထိန်းသူများ စိုးရိမ်
Apr 22, 2025
Cover
မန္တလေးငလျင်ဒဏ်သင့် ပြည်သူများ မီတာခပေးဆောင်ရမည်
Apr 22, 2025
Cover
ငလျင်သင့်ဒေသ များရှိ လူဦးရေ ၄ ဒသမ ၃ သန်းကျော် သန့်ရှင်းသောရေ အရေးပေါ်လိုအပ်နေ
Apr 20, 2025