သထုံခရိုင် လေးကေ့ BGF စခန်းက ပြီးခဲ့တဲ့ နိုဝင်ဘာလ ၁၇ရက်နေ့က  ဒေသခံ ပြည်သူတွေကို "စစ်ကောင်စီ လက်အောက်ခံ နယ်ခြားစောင့်တပ်က ခေါ်တဲ့အခါမျိုးမှာ ထွက်ပြေးတာမျိုးအပြင်  ကျေး ရွာအနီးက ဖြတ်သန်းစဉ် ကေအဲန်ယူဖက်က ပစ်ခတ်မှုမျိုး ပြုလုပ်လာပါက ကျေးရွာအတွင်းက ဒေသခံတွေကိုပါ ဝင်ရောက်ပစ်ခတ်သွားမယ်"လို့ နယ်ခြားစောင့်တပ် (BGF) ၁၀၁၄တပ်ရင်းက ဗိုလ်တင်ဝင်းနဲ့ ဗိုလ်ကြိမ်လုံးတို့က ပြောသွားတယ်လို့ ကေအဲန်ယူ သထုံခရိုင်က ဖေါ်ပြထားပါတယ်။

သထုံခရိုင် နယ်ခြားစောင့်တပ် တပ်ရင်း ၁၀၁၄ က ဘီလင်းမြို့နယ်က ဝင်းတာပန်ကျေးနယ်အုပ်စု၊ မြစ်ကျိုးကျေးနယ်နဲ့ မင်းစောကျေးနယ်အုပ်စုက ကျေးရွာ ၁၁ရွာက ဒေသခံရပ်မိရပ်ဖ  ၄၂ဦးကို ခေါ်ယူတွေ့ဆုံခဲ့တယ်လို့ သိရပါတယ်။

နိုဝင်ဘာလ ၁၅ရက်နေ့ကလည်း KNLA တပ်မဟာ (၁)နှင့် အာဏာသိမ်းစစ်ကောင်စီ လက်အောက်ခံ BGF-၁၀၁၄ တို့ တိုက်ပွဲဖြစ်ပွားခဲ့ပြီး BGF ဖက်က၂ဦးသေ၊ ၃ ဦးဒဏ်ရာရပြီးနောက်ပိုင်း ဒေသခံပြည်သူတွေကို ပေါ်တာဆွဲ အဓမ္မခိုင်းစေမှုများရှိခဲ့တယ်လို့ သိရပါတယ်။

ကရင်ပြည်နယ် CJ