ပြည်တွင်းအသုံးပြုသူများနေတဲ့ facebook အပလီကေးရှင်းဟာ ယာယီရပ်နားသွားပေမယ့်လက်ရှိမှာပြန်လည်အသုံးပြုလို့ရနေပြီဖြစ်ပါတယ်။

"အကောင့်ကသုံးနေရင်းသူ့ဘာသာ Log out ဖြစ်သွားတယ်။password တွေပြန်ထည့်ပြီးဝင်လည်းမရဘူး။အစဘာများဖြစ်လဲစိတ်ပူသွားတယ်။အခုတော့တစ်ခြားနိုင်ငံတွေမှာလည်းဖြစ်တယ်လို့ပြောသံကြားတယ်။အခုတော့ပြန်ရနေပြီ"လို့ အသုံးပြုသူတစ်ဦးကပြောပါ‌တယ်။

ဒီလို facebook application ယာယီရပ်နားသွားတာဟာ မတ်လ ၅ ရက်ညဆယ်နာရီဝန်းကျင်မှာဖြစ်ပေါ်ခဲ့တာဖြစ်ပြီး instagram စတာတွေပါရပ်နားခဲ့တာဖြစ်ပါတယ်။အခုတော့ မြန်မာစံတော်ချိန် ၁၁ နာရီ ၄၅ မိနစ်ဝန်းကျင်မှာ ပြန်လည် အသုံးပြုလို့ရနေတာဖြစ်ပြီး အချို့ အကောင့်တွေကတော့ အသုံးပြုလို့မရသေးတာတွေလည်းရှိနေပါသေးတယ်။

"အစကဂျပုယုတ်မာပြန်ပြီလားပေါ့။အခုတော့တစ်ကမ္ဘာလုံးဖြစ်တာဆိုမှစိတ်အေးရတယ် ခုတော့ပြန်ရပါပြီ မက်ဆင်ဂျာလည်းပြန်ရပြီ "လို့သူကပြောပါတယ်။

ပြည်တွင်းမှာ စီးပွားရေးလုပ်ငန်းအများစုဟာ လူမှုကွန်ယက် စာမျက်နှာ တွေအသုံးပြုပြီးရောင်းချနေတာဖြစ်ပြီး လက်ရှိမှာမကြာခဏဆိုသလိုအင်တာနက်လိုင်းမကောင်းတဲ့အခြေအနေတွေလည်းဖြစ်ပေါ်နေပါတယ်။

#MyanmarLabourNews