တရားဝင်နိုင်ငံခြားသုံးငွေလုပ်ငန်း လုပ်ကိုင်ခွင့်လိုင်စင်မရှိဘဲ နိုင်ငံခြားငွေ ရောင်းဝယ်ခြင်း ဆောင်ရွက်သူများအား အရေးယူဆောင်ရွက်လျက်ရှိရာမှာ လူမှုကွန်ရက်စာမျက်နှာပေါ်မှာ တရားမ၀င်ရောင်း၀ယ်နေခြင်းတွေကိုလည်း တရားစွဲဆိုသွားမယ်လို့ စစ်ကောင်စီဗဟိုဘဏ်က ထုတ်ပြန် ထားပါတယ်။
"သူတို့ထုတ်ပြန်ချက် ကြောင့်ပဲလားပေါ့။ ၀ယ်ချင်သူတွေရှိနေပေမဲ့ ရောင်းသူသိပ်မတွေ့ရတော့ဘူး။ ၀ယ်ချင်သူကို Cb ခေါ်ရောင်းနေတဲ့သူတစ်ဦးစနှစ်ဦးစတော့ရှိတယ်။ သူတို့ကလည်းလုပ်နေကြတာကြာနေပြီဆိုတော့ သူတို့တရားစွဲဆိုမယ်ဆိုတဲ့အပေါ် သိပ်ပြီးဂရုစိုက်ပုံမပေါ်ပါဘူး။ ကျယ်ကျယ်ပြန့်ပြန့်အထိလုပ်နိုင်မယ်လည်းမထင်ဘူး။ မှောင်ခ်ိုဈေးကွက်ကရှိနေမှာပဲလေ သူတို့ဘယ်လိုပဲစည်းကြပ်စည်းကြပ်ရှိနေမှာပဲ ပျောက်မှာမဟုတ်ဘူး။ သူတို့ကိုယ်တိုင်ကသာ ၂၁၀၀ နဲ့ပြန်ထုတ်ရောင်းပေးမယ် လူတိုင်းစေ့
လိုသူတိုင်း၀ယ်ယူနိုင်မယ်ဆိုရင်တော့ ပျောက်မှာ။ ခုလိုထိန်းချုပ်နေတဲ့အတိုင်းကတော့ ဘယ်လိုမှမရဘူး ဆက်ရှိနေမှာပဲ။ အဓိက ကတော့ အပြင်ငွေလဲ ဈေးက အရောင်းရော အဝယ်ရော MC တွေ လက်ကြီးသမားတွေထက် ဈေးသာတယ် ဆစ်လို့ရတယ် အရောင်းအဝယ်သွက်တယ် အဲ့ဒီတော့ MC နဲ့လက်ကြီးသမားတွေ ဂွင်ပျောက်တယ်"လို့ ဒေါ်လာဖြင့်အရောင်း၀ယ်ပြုလုပ်သူတစ်ဦးကဆိုပါတယ်။
နိုင်ငံခြားငွေ အမေရိကန်ဒေါ်လာ၊ ထိုင်းဘတ်နဲ့ တရုတ်ငွေရောင်း၀ယ်မှုတွေပြုလုပ်နေကြတာကို လူမှုကွန်ရက်မှာပြုလုပ်နေကြတာတွေရှိနေပြီး Facebook page တွင် Perfect Money နှင့် B to P Money Exchange တို့လည်း နိုင်ငံခြားငွေများအား ရောင်းချခြင်း ၊ ဝယ်ယူခြင်း၊လဲလှယ်ခြင်းကို မြန်မာနိုင်ငံတော်ဗဟိုဘဏ်က နိုင်ငံခြားသုံးငွေလုပ်ငန်းလုပ်ကိုင်ခွင့်လိုင်စင် ထုတ်ပေးထားခြင်းမရှိဘဲ ပြုလုပ်နေတာဖြစ်တယ်လို့ စစ်ကောင်စီကဆိုထားပါတယ်။
၎င်းတို့တရားစွဲဆိုနိုင်ရေးဆောင်ရွက်နေတဲ့ Facebook Page များမှာ နိုင်ငံခြားသုံးငွေစီမံခန့်ခွဲမှုဥပဒေပုဒ်မ ၃၈ကို ဖောက်ဖျက်ကျူးလွန် ကြောင်း တွေ့ရှိရ၍ နိုင်ငံခြားသုံးငွေစီမံခန့် ခွဲမှုဥပဒေပုဒ်မ ၄၂အရ တရားစွဲဆို နိုင် ရေး ဆောင်ရွက်သွားမယ်လို့ ဗဟိုဘဏ်၏အောက်တိုဘာ ၁၆ရက် ထုတ်ပြန်ချက်မှာ ဖော်ပြထားပါတယ်။
MyanmarLabourNews
LocalNews
