NEWS

ကိုဗစ်ကာကွယ်ရေး စက်မှုဇုန်တွေမှာ ဆောင်ရွက်မှုရှိထားတယ်လို့ စက်မှုဇုန်ကော်မတီတာဝန်ရှိသူပြော

CoverLogo
535 Views

ကိုဗစ်ရောဂါကာကွယ်ရေးလုပ်ဆောင်မှုတွေစက်မှုဇုန်တွေမှာ အရင်ကတည်းကဆောင်ရွက်ထားတာရှိနေကြောင်း ရွှေသံလွင်စက်မှုဇုန်ကော်မတီရဲ့တာဝန်ရှိသူကပြောပါတယ်။

" ကိုဗစ်ကာကွယ်ဆေးထိုးတဲ့အပိုင်းတွေကတော့ လက်ရှိမှာ စက်မှုဇုန်ကော်မတီအနေနဲ့ မသိနိုင်တော့ဘူး။ အရင် ပထမအကြိမ်နဲ့ ဒုတိယအကြိမ် ဆေးထိုးတုန်းကတော့ စက်မှုဇုန်ကော်မတီအနေနဲ့ပါဝင်တယ်။အခု booster ထပ်ဆောင်းကာကွယ်ဆေးကတော့ မြို့နယ်ကျန်းမာရေးဌာနနဲ့စက်ရုံပိုင်းတာဝန်ရှိသူတွေအချင်းချင်းပဲလုပ်တော့တယ်။ အခြားကာကွယ်ရေးအပိုင်း ကိုဗစ်ရောဂါအသိပညာပေးပိုစတာကပ်တာ maskတပ်ဖို့ အစရှိတာတွေညွှန်ကြားထားတာကရှိတယ်။ အရင်ကတည်းကလည်းသူ့ဟာသူရှိထားတယ်လို့" ရွှေသံလွင်စက်မှုဇုန်ကောမတီရဲ့တာဝန်ရှိသူကပြောပါတယ်။

တစ်ကျော့ပြန်ကိုဗစ်ကူးစက်မှုတွေဟာ ပြည်တွင်းကူးစက်မှုတွေများပြားလာနေပြီး လူအများနဲ့လုပ်ဆောင်ရတဲ့စက်ရုံအလုပ်ရုံတွေမှာလည်း ရောဂါမကူးစက်ရန် ကာကွယ်မှုတွေရှိနေဖို့လိုအပ်နေတာလည်းဖြစ်ပါတယ်။

စစ်ကောင်စီကကျန်းမာရေးဝန်ကြီးဌာနရဲ့သတင်းထုတ်ပြန်ချက်အရ ပြီးခဲ့တဲ့ရက်ပိုင်းအတွင်းကိုဗစ်ကြောင့် နေ့စဉ် လူ၁ဦးနှုန်းဆက်တိုက်သေဆုံးမှုတွေရှိခဲ့ပြီး ရက်သတ္တပတ် တစ်ပတ်ကြာကာလအတွင်း ကိုဗစ်ရောဂါပိုးကူးစက်ခံရသူ အရေအတွက် ၃၀၀ကျော်အထိရှိနေပါတယ်။

စက်တင်ဘာလ၂ရက်နေ့ည ၈နာရီအထိကိုဗစ်ရောဂါအကြောင်းနေ့စဉ်သတင်းဖော်ပြထားချက်အရ  ဓာတ်ခွဲနမူနာပေါင်း ၈၉၅၁ခုကိုစစ်ဆေးခဲ့ရာမှာ အတည်ပြုလူနာအသစ် ၈၄ ယောက်တွေ့ရှိခဲ့ရပြီးအဲ့ဒီထဲမှာ ပြည်ပကပြန်လာသူ၅ဦးနဲ့ပြည်တွင်းမှာရောဂါပိုးကူးစက်ခံရသူ ၇၉ဦးပါဝင်တယ်လို့ဖော်ပြထားပါတယ်။
MyanmarLabourNews


Related posts

Cover
ဝန်ကြီးဌာန တရားစွဲဆိုထားတဲ့ W & F Group အထည်ချုပ် စက်ရုံ အချိန်ပို ပြန်လည် ခေါ်ယူနေ
Aug 16, 2023
Cover
ဆိုင်ကယ်နဲ့ ဘေးတွဲဆိုင်ကယ် ဖမ်းဆီး သိမ်းယူမှုများကြောင့် ကယ်ရီသမားများ အလုပ်လက်မဲ့ဖြစ်၊ သွားလာရခက်ခဲလာ
Jul 03, 2023
Cover
Pepsi စက်ရုံကအလုပ်သမားတွေအပေါ် အခွင့်အရေးချိုးဖောက်မှုတွေကြောင့် Boycott အဖြစ်သတ်မှတ်
Jun 12, 2023
Cover
YFAစက်ရုံလုပ်ငန်းရှင်ကို အလုပ်သမားတရားစွဲဆိုမှု တိုင်းတရားရုံးကစေ့စပ်ညှိနှိုင်းရန်အမိန့်ချ
May 05, 2023
Cover
သင်္ကြန်ပိတ်ရက်အတွက် တနင်္ဂနွေပိတ်ရက်တွေကိုအစားထိုးအလုပ်ဆင်းခိုင်းတာတွေအများအပြားရှိခဲ့
Apr 13, 2023
Cover
ပဲခူးက ခွဲစိတ်ခန်း ကာကွယ်ရေးသုံး ဝတ်စုံများ ချုပ်လုပ်တဲ့ GNS (Bago) Healthcare စက်ရုံလုပ်သားတွေဖိနှိပ်ခံရမှုတွေများလာလို့တောင်းဆိုချက် ၈ ချက်တောင်းဆို
Mar 31, 2023
Cover
တရားမ၀င်ဒေါ်လာအရောင်းအ၀ယ် ဂရုများကိုတရားစွဲဆိုမည်ဟု စစ်ကောင်စီဆို
Oct 18, 2022
Cover
စားအုံးဆီပြင်ပဈေးနှုန်းတစ်ပိဿာကျပ် ၇၀၀၀ အောက်သို့ကျဆင်းလာ
Oct 04, 2022