ကိုဗစ်ရောဂါကာကွယ်ရေးလုပ်ဆောင်မှုတွေစက်မှုဇုန်တွေမှာ အရင်ကတည်းကဆောင်ရွက်ထားတာရှိနေကြောင်း ရွှေသံလွင်စက်မှုဇုန်ကော်မတီရဲ့တာဝန်ရှိသူကပြောပါတယ်။
" ကိုဗစ်ကာကွယ်ဆေးထိုးတဲ့အပိုင်းတွေကတော့ လက်ရှိမှာ စက်မှုဇုန်ကော်မတီအနေနဲ့ မသိနိုင်တော့ဘူး။ အရင် ပထမအကြိမ်နဲ့ ဒုတိယအကြိမ် ဆေးထိုးတုန်းကတော့ စက်မှုဇုန်ကော်မတီအနေနဲ့ပါဝင်တယ်။အခု booster ထပ်ဆောင်းကာကွယ်ဆေးကတော့ မြို့နယ်ကျန်းမာရေးဌာနနဲ့စက်ရုံပိုင်းတာဝန်ရှိသူတွေအချင်းချင်းပဲလုပ်တော့တယ်။ အခြားကာကွယ်ရေးအပိုင်း ကိုဗစ်ရောဂါအသိပညာပေးပိုစတာကပ်တာ maskတပ်ဖို့ အစရှိတာတွေညွှန်ကြားထားတာကရှိတယ်။ အရင်ကတည်းကလည်းသူ့ဟာသူရှိထားတယ်လို့" ရွှေသံလွင်စက်မှုဇုန်ကောမတီရဲ့တာဝန်ရှိသူကပြောပါတယ်။
တစ်ကျော့ပြန်ကိုဗစ်ကူးစက်မှုတွေဟာ ပြည်တွင်းကူးစက်မှုတွေများပြားလာနေပြီး လူအများနဲ့လုပ်ဆောင်ရတဲ့စက်ရုံအလုပ်ရုံတွေမှာလည်း ရောဂါမကူးစက်ရန် ကာကွယ်မှုတွေရှိနေဖို့လိုအပ်နေတာလည်းဖြစ်ပါတယ်။
စစ်ကောင်စီကကျန်းမာရေးဝန်ကြီးဌာနရဲ့သတင်းထုတ်ပြန်ချက်အရ ပြီးခဲ့တဲ့ရက်ပိုင်းအတွင်းကိုဗစ်ကြောင့် နေ့စဉ် လူ၁ဦးနှုန်းဆက်တိုက်သေဆုံးမှုတွေရှိခဲ့ပြီး ရက်သတ္တပတ် တစ်ပတ်ကြာကာလအတွင်း ကိုဗစ်ရောဂါပိုးကူးစက်ခံရသူ အရေအတွက် ၃၀၀ကျော်အထိရှိနေပါတယ်။
စက်တင်ဘာလ၂ရက်နေ့ည ၈နာရီအထိကိုဗစ်ရောဂါအကြောင်းနေ့စဉ်သတင်းဖော်ပြထားချက်အရ ဓာတ်ခွဲနမူနာပေါင်း ၈၉၅၁ခုကိုစစ်ဆေးခဲ့ရာမှာ အတည်ပြုလူနာအသစ် ၈၄ ယောက်တွေ့ရှိခဲ့ရပြီးအဲ့ဒီထဲမှာ ပြည်ပကပြန်လာသူ၅ဦးနဲ့ပြည်တွင်းမှာရောဂါပိုးကူးစက်ခံရသူ ၇၉ဦးပါဝင်တယ်လို့ဖော်ပြထားပါတယ်။
MyanmarLabourNews
