ဗီဇာသက်တမ်း ၅နှစ်အထိ သက်တမ်းရှည်ရှိပြီးနေထိုင်ခွင့်ကာလ ရက်ပေါင်း ၁၈၀ ရှိ ဗီဇာ အမျိုးအစား တစ်ခုကို စိစစ်ခွင့်ပြုပေးသွားဖိုရှိတယ်လို့ မြန်မာနိုင်ငံဆိုင်ရာ တရုတ်နိုင်ငံ သံရုံးအနေက အသိပေးထားပါတယ်။ သတ်မှတ်ချက်နဲ့ ကိုက်ညီတဲ့ မြန်မာ့စီးပွားရေး လုပ်ငန်းရှင် တွေကို ၂၀၂၅ ခုနှစ် ဇွန် ၉ ရက် က စပြီး စိစစ်ခွင့်ပြုသွားမယ်လို့ ဆိုပါတယ်။
"သတ်မှတ်ချက်နဲ့ ကိုက်ညီတဲ့ မြန်မာ စီးပွားရေးလုပ်ငန်းရှင်တွေနဲ့ အိမ်ထောင်ဖက်တွေ၊ သားသမီးတွေ အတွက် အကြိမ်များစွာ ဝင်ထွက်သွားလာနိုင်မယ့် (Multiple Entry) နဲ့ အရှည်ဆုံး ဗီဇာသက်တမ်း ၅ နှစ်ထိ၊ အရှည်ဆုံးနေထိုင်ခွင့်ကာလ ၁၈၀ ရက် ရှိတဲ့ တရုတ်နိုင်ငံဗီဇာအမျိုးအစားတွေကို ၂၀၂၅ ခုနှစ် ဇွန် ၉ ရက် က စတင်ပြီး စိစစ်ခွင့်ပြုသွားမှာဖြစ်ပါတယ် " လို အာဆီယံဗီဇာ လျှောက်ထားခြင်း အသိပေးချက်ကို သံရုံးက ထုတ်ပြန်ထားတာပါ။
ခွင့်ပြုပေးမယ့် ဒီ ဗီဇာအမျိုးအစားက အရင် နေထိုင်ခွင့် ရက်၉၀ သုံးလနီးပါးထက် စီးပွားရေး လုပ်ငန်းရှင်တွေကို ခွင့်ပြုပေးတဲ့ အရှည်ကြာဆုံး အာဆီယံဗီဇာအမျိုးအစားဖြစ်တယ်လို့ ဆိုပါတယ်။
လျှောက်ထားလိုသူတွေအနေနဲ့ တရုတ်သံရုံးဖုန်း_ 0095-9894853188 သို ရုံးတက်ရက် နေ့လယ် ၂ နာရီကနေ ညနေ ၆ နာရီထိ အီးမေးလ် _yangon@csm.mfa.gov.cn နဲ့ မန္တလေးကောင်စစ်ဝန်ချုပ်ရုံး ဖုန်း : 0095-9401470875 , 001070230 ကို ရုံးတက်ရက် မွန်းလွဲ ၁ နာရီမှ ညနေ ၅ နာရီ ၃၀ မိနစ်အထိ အီးမေးလ်: mandalay@csm.mfa.gov.cn တွေကို စုံစမ်းလျှောက်ထား နိုင်တယ်လို့ သိရပါတယ်။
