"ဒီပညာရေးစနစ်က ခပ်ရိုင်းရိုင်းပြောရရင်ကျွန်စော်နံနေတာပဲဗျာ၊ ကျောင်းသားမိဘတွေအနေနဲ့လည်းကိုယ့်သားသမီးကို ပုံစံခွက်ထဲကထွက်လာတဲ့ရုပ်သေးရုပ်လိုအဖြစ်ခံမလားစဥ်းစားရမှာပေါ့"ကိုစိုင်းဆစံ(နိုင်ငံလုံးဆိုင်ရာအခြေခံကျောင်းသားထုအစည်းအဝေးဖြစ်မြောက်ရေးကော်မတီဝင်)

စစ်ကောင်စီရဲ့ပညာရေးစနစ်ကိုအယုံအကြည်မရှိတဲ့အတွက်စစ်ကောင်စီကဖွင့်လှစ်နေတဲ့အခြေခံပညာကျောင်းတွေကိုမတက်ရောက်ပဲသပိတ်မှောက်ကြောင်းဒီကနေ့ပြုလုပ်တဲ့နိုင်ငံလုံးဆိုင်ရာအခြေခံပညာကျောင်းသားထုအစည်းအဝေးကဆုံးဖြတ်ချက်ချလိုက်ပါတယ်။

အဲ့ဒီ့ဆုံးဖြတ်ချက်တွေထဲမှာစစ်ကောင်စီရဲ့စနစ်တွေကိုတိုက်ဖျက်ရာမှာပါဝင်တဲ့မည်သည့်အဖွဲ့အစည်းမဆိုဆက်လက်ပူးပေါင်းဆောင်ရွက်သွားမယ့်အပြင်ကြားကာလပညာရေးဆိုင်ရာအာမခံချက်ပေးဖို့လဲအမျိုးသားညီညွတ်ရေးအစိုးရကိုတိုက်တွန်းလိုက်တယ်လို့သိရပါတယ်။

"ရပ်ရွာအခြေပြုနဲ့လူတန်းစားအားလုံးပါဝင်နိုင်တဲ့ပညာရေးစနစ်တခုကိုဖော်ဆောင်ပေးဖို့လိုတယ်။ကြားကာလမှာပညာရေးဆိုင်ရာပြသနာတွေကိုဖြေရှင်းနိုင်ဖို့အတွက် အားလုံးတန်းတူပညာရေးစနစ်တခုဖော်ဆောင်ပေးဖို့ NUG ရဲ့ပညာရေးဝန်ကြီးဌာနအနေနဲ့ဆောင်ရွက်ပေးဖို့လိုပါတယ်"လို့ကိုစိုင်းဆစံ(နိုင်ငံလုံးဆိုင်ရာအခြေံကျောင်းသားထုအစည်းအဝေးဖြစ်မြောက်ရေးကော်မတီဝင်)ကပြောပါတယ်။

ဒါ့အပြင်စစ်ကောင်စီကအခြေခံပညာကျောင်းသားတွေကိုဖမ်းဆီးနှိပ်စက် သတ်ဖြတ်တာတွေကိုအပြင်းအထန်ရှုံ့ချကြောင်းလဲဒီကနေ့အစည်းအဝေးမှာပြောပါတယ်။