ရန်ကုန်တိုင်းဒေသကြီး ၊ ရွှေပြည်သာမြို့နယ် ဝါးတရာစက်မှုဇုန် ရှိ မွမွလေးအကြော်စက်ရုံ မီးလောင်မှု ဖြစ်ပွားခဲ့တယ်လို့ မြန်မာနိုင်ငံမီးသတ်တပ်ဖွဲ့ ထံ မှ သိရပါတယ်။
"အကြော် ကြော်တဲ့နေရာ မှာ အပူလွန်ကဲပြီး လောင်တယ်လို့ သိရတယ် တာဝန်ရှိသူတွေတော့ စစ်ဆေးနေကျတယ် မီးက မိနစ် ၂၀လောက် လောင်တာဆိုတော့ အကြော်ခန်းက စက်ပစ္စည်းတွေတော့ လောင်သွားတယ် ဆုံးရှုံးမှုတန်ဖိုးတော့ မသိရသေးဘူး""လို့ ရွှေပြည်သာမြို့နယ်မှ ဒေသခံတစ်ဦးကပြောပါတယ်။
ယခုမီးလောင်မှု မှာ စက်ရုံ အတွင်း လုပ်သား တွေ ရှိပေမယ့် ထိခိုက်ဒဏ်ရာရရှိသူ မရှိခဲ့ဘူးလို့ သိရပါတယ်။
ဇူလိုင် ၃၀ရက် မနက် ၇နာရီ ၁၅မိနစ် ခန့်က ဝါးတရာစက်မှုဇုန် ငမိုးရိပ်လမ်းရှိ မွမွလေးအကြော်စက်ရုံ မီးလောင်ခဲ့ကာ ရွှေပြည်သာမြို့နယ်မီးသတ်စခန်းမှ မီးငြှိမ်းသတ်ယာဥ် ( ၃) စီး၊ မီးသတ်ရေသယ်ယာဥ် ( ၃) စီး၊ အင်းစိန်မြို့နယ်မီးသတ်စခန်းမှ မီးငြှိမ်းသတ်ယာဥ် ( ၂) စီး၊ ဒေသခံလူမှုကူညီရေးအသင်းတို့မှ ဝိုင်းဝန်းငြှိမ်းသတ်ရာ ၇ နာရီ ၂၉ မိနစ်အချိန်တွင် မီးထိန်းနိုင်ခဲ့ပြီး ၇ နာရီ ၃၅ မိနစ်အချိန်တွင် မီးငြိမ်းသွားခဲ့တယ်လို့ ဆိုပါတယ်။
