မြန်မာနိုင်ငံ ဆေးနှင့်ဆေးပစ္စည်းလုပ်ငန်းရှင်များအသင်းကဦးဆောင်ပြီး ရန်ကုန်နှင့် ပဲခူးတို့ တွင် အရောင်းစင်တာ တွေ ဖွင့်လှစ်ပြီး ဆေးဝါးလိုအပ်နေတဲ့ ပြည်သူတွေထံ ဆေးကုမ္ပဏီ တွေ က တိုက်ရိုက်ရောင်းချပေးနေတယ်လို့ သိရပါတယ်။

ဇူလိုင် ၁၇ ရက် က ပန်းဘဲတန်းမြို့နယ် မှာ ပထမ အရောင်းစင်တာ အဖြစ် ဆေးကုမ္ပဏီ ၇၀ ကျော် က စတင်ရောင်းချပေးခဲ့ပြီး ယနေ့အချိန်ထိ ရောင်းချပေးနေကာ ဒုတိယ အရောင်းစင်တာကို မရမ်းကုန်းမြို့နယ်ရှိ နဝဒေးရုပ်ရှင်ရုံဝင်း အတွင်းနဲ့တတိယအရောင်းစင်တာကို ပဲခူးမြို့ဥဿာသီရိဈေးအပေါ်ဆုံးထပ်တို့မှာ ဇူလိူင်၂၉မှ ဩဂုတ် ၃ရက်အထိ နံနက်၉နာရီ မှ ညနေ ၄နာရီ အထိ ရောင်းချပေးနေတယ်လို့သိရပါတယ်။

 ""အများပြည်သူဆေးဝါးလိုအပ်ချက်ပေါ်မူတည်ပြီး ဆေးဝါးအရောင်းစင်တာတွေ ထပ်မံတိုးချဲ့ဖို့နဲ့ အခြားသောတိုင်းဒေသကြီးနဲ့ပြည်နယ်တွေ မှာလည်း လိုအပ်ရင်လိုအပ်သလို ဆက်လက်ခင်းကျင်းပြသရောင်းချဖို့ ရှိပါတယ်"လို့  မြန်မာနိုင်ငံ ဆေးနှင့်ဆေးပစ္စည်းလုပ်ငန်းရှင်များအသင်းကတာဝန်ရှိသူတစ်ဦးကပြောပါတယ်။

မြန်မာနိုင်ငံ ဆေးနှင့်ဆေးပစ္စည်းလုပ်ငန်းရှင်များအသင်း အနေနဲ့ ဆေးကုမ္ပဏီတွေအား  မိမိတို့ ဆေးသိုလှောင်ရုံ မှာရှိတဲ့ ဆေးဝါးတွေကို အများပြည်သူကျန်းမာရေး ရှေးရူပြီး ဆေးဝါးအားလုံးရောင်းချပေးဖို့ တိုက်တွန်းနှိုးဆော်ထားကာ ပြင်ပတွင် ဆေးဝါးပြတ်လပ်မှု ရှိခဲ့ပါက ဖွင့်လှစ်ထားတဲ့ ဆေးဝါးအရောင်းစင်တာတွေ မှာ သတ်မှတ်ထားတဲ့ အချိန် အတွင်း လာရောက်ဝယ်ယူနိုင်ကြောင်း ဆေးဝါးကုမ္ပဏီတွေက ဆေးဝါးအမျိုးစားပေါင်း ၁၀၀၀ ခန့်ကို ရောင်းချပေးလျက် ရှိတယ်လို့ သိရပါတယ်။