NEWS

မြန်မာ့ရွှေဈေး ၃ရက်အတွင်း ကျပ် ၅သိန်းနီးပါး ခုန်တက်

CoverLogo
125 Views
 
မြန်မာ့ရွှေဈေးဟာ ဒီကနေ့ ဧပြီ ၁၁ရက် မနက်ပိုင်းမှာ ရွှေတစ်ကျပ်သားကျပ်သိန်း ၇၃သိန်း အထိ ဖြစ်ပေါ်နေတယ်လို့ သိရပါတယ်။ ဒီပေါက်ဈေးက ၃ရက်အတွင်း တကျပ်သားကို ကျပ် ၅သိန်း နီးပါးအထိ ဈေးခုန်တက်ခဲ့တာလို့ ကျွမ်းကျင်သူတွေက ပြောပါတယ်။
“ရွှေဈေး ဒီရက်အတွင်းမှာ ၅သိန်းနီးပါးအထိခုန်တက်လာတယ်။ တစ်ရက်တည်းမှာကို ၃သိန်းလောက် အထိ တက်လာတာ။ မနေ့က တကျပ်သား တစ်သိန်းကျော်တက်တယ်။ တစ်နေ့က ၉သောင်းကျော်တက်တယ်။ ဒီအခြေအနေမှာ ဝယ်ပါရောင်းပါပြောရခက်တဲ့အချိန်ပါ”လို့ ရွှေဈေးခန့်မှန်းသူတစ်ဦးက ပြောပါတယ်။
မြန်မာ့အခေါက်ရွှေဈေးဟာ ဧပြီ ၈ရက်က တစ်ကျပ်သား ၆,၈၁၀,၀၀၀ ၊ ဧပြီ ၉ရက်မှာတော့ ၆,၉၄၀,၀၀၀ ၊ ဧပြီ ၁၀ရက်မှာ ၇,၀၂၀,၀၀၀ ဈေးဖြစ်ခဲ့ပြီး ဒီကနေ့ ဧပြီ ၁၁ရက် မနက်ပိုင်းမှာတော့ ၇,၃၀၀,၀၀၀ မြင့်တက် နေတာ ဖြစ်ပါတယ်။ ၁၅ပဲရည် ရွှေဈေးကတော့ တစ်ကျပ်သား ၆၅သိန်းကျော်ကနေ ဒီကနေ့မှာ ၆,၈၇၀,၀၀၀ အထိ မြင့်တက်နေပါတယ်။
ကမ္ဘာ့ရွှေဈေးဟာ ဧပြီ၈ရက်က တစ်အောင်စလျှင် ၂၉၉၇ဒေါ်လာရှိခဲ့ရာကနေ ဒီကနေ့ ဧပြီ ၁၁ရက်မှာတော့ ၃၂၁၈ ဒေါ်လာအထိ ဆက်တိုက် မြင့်တက်လာနေတာတွေ့ရပါတယ်။ ကမ္ဘာ့ရွှေဈေး မြင့်တက်လာတာနဲ့အတူ မြန်မာ့ရွှေဈေးနှုန်းတွေ မြင့်တက်လာပေမဲ့ ရန်ကုန်တိုင်းဒေသကြီးရွှေလုပ်ငန်းရှင်များ အသင်းကတော့ ဧပြီ ၈ရက်ကနေ ဒီကနေ့ဧပြီ ၁၁ရက် အထိ ၅၆သိန်းတစ်သောင်းနဲ့ ၃ရက်အတွင်းကျပ်တစ်သောင်းသာမြင့်တက်ပြီး သတ်မှတ်ပေးထားတာတွေ့ရပါတယ်။
Photo- Credit

Related posts

Cover
လုပ်ငန်းခွင်ဝင် ကျောင်းသားများ တက္ကသိုလ်ဝင်စာမေးပွဲ ပြန်လည်ဖြေရန် ခက်ခဲမှာ အုပ်ထိန်းသူများ စိုးရိမ်
Apr 22, 2025
Cover
မန္တလေးငလျင်ဒဏ်သင့် ပြည်သူများ မီတာခပေးဆောင်ရမည်
Apr 22, 2025
Cover
ငလျင်သင့်ဒေသ များရှိ လူဦးရေ ၄ ဒသမ ၃ သန်းကျော် သန့်ရှင်းသောရေ အရေးပေါ်လိုအပ်နေ
Apr 20, 2025
Cover
ငလျင်ကြောင့် အကျဉ်းသူ/သား သေဆုံးသူ ၃၀ ဦးထက်မနည်းရှိပြီး ပျက်စီးဆုံးရှုံးများသော်လည်းစစ်ကောင်စီမှသတင်းအမှောင်ချထား
Apr 20, 2025
Cover
နေ့စဉ် ငလျင် ၇ ကြိမ်ထက်မနည်းလှုပ်ခတ်နေ
Apr 19, 2025
Cover
ဝေဖန်မှုများစွာရှိသည့် ပျော်ဘွယ်KBZ bank ဖြေရှင်းချက်ထုတ်ပြန်
Apr 11, 2025
Cover
SMS (စာတို)ပို့ပြီး လိမ်လည်ရန်ကြိုးပမ်းမှုများလာ
Apr 09, 2025
Cover
မြန်မာ့ငလျင်ဘေး အပြင်းထန်ဆုံးကြုံရသူ ၉ ဒသမ ၁ သန်းရှိကြောင်း ကုလဖော်ပြ
Apr 09, 2025