သွေးလွန်တုပ်ကွေးရောဂါဟာ ခြင်ပေါက်ပွားမှု အများဆုံးဖြစ်နိုင်တဲ့ မိုးရာသီမှာအဖြစ်များတတ်ပြီး ယခု၂၀၂၄ ခုနှစ် ဇန်နဝါရီလမှ မေလအထိ ၅လအတွင်းမှာ ပဲ ရန်ကုန်တိုင်းမှာ ရောဂါကြောင့်သေဆုံးရသူပါရှိနေပြီဖြစ်ကြောင်း ကျန်းမာရေးဌာန ကနေသိရပါတယ်။
ရန်ကုန်တိုင်းအတွင်းမှာ ၅ လအတွင်း သွေးလွန်တုပ်ကွေးရောဂါဖြစ်ပွားသူ ၃၇၇ ဦးအထိ ရှိကာ အဲ့ဒီ့ထဲမှာသေဆုံးသူ ၁ ဦးရှိကြောင်း နဲ့ ရောဂါဖြစ်ပွားသူတွေရဲ့အသက်အရွယ်အနေနဲ့လည်း မွေးစမှအသက် ၁နှစ်အထိ ကလေး ၃၅ဦး ၊ အသက်၂နှစ်ကနေ၄နှစ်အထိ ကလေး၈၃ဦး နဲ့အသက်၅နှစ်ကနေ ၉နှစ်အထိ ကလေး ၁၅၂ဦး ၊ အသက်၁၀နှစ်ကနေ ၁၄နှစ်အထိ ကလေး ၇၆ ဦး နဲ့အသက်၁၅နှစ်နဲ့အထက်လူငယ်လူရွယ် ၃၅ဦး စုစုပေါင်း အရေအတွက် ၃၀၀ကျော် ရောဂါကူးစက်ဖြစ်ပွားခဲ့တယ်လို့ဆိုပါတယ်။
" မိုးတွင်းက တော့ သွေးလွန်တုပ်ကွေး နဲ့ပတ်သက်ပြီးပိုပြီးသတိပြုရမှာပါ။အခုက ရေးကြီးမှုတွေ မြောင်းရေလျှံမှုတွေလည်း ဒီလအတွင်းမကြာခဏဖြစ်ပေါ်နေတော့ အဲ့ဒါနဲ့ပတ်သက်ပြီး ခြင်ပေါက်ပွားမှုများတာ ရောဂါတွေပိုဖြစ်လာမှာတွေကတော့စိုးရိမ်ရပါတယ်။နောက်ထပ် ပြီး ဂရုစိုက်ရမှာက မြောင်းရေလျှံတာတွေကနေ မသန့်ရှင်းတဲ့ရေတွေကြောင့် အရေပြားယားယံတာ နဲ့အရေပြားရောဂါတွေဖြစ်လာမှာတော့စိုးရိမ်ရပါတယ်။ ဒီနှစ်တော့အရေပြားရောဂါနဲ့ပတ်သက်ပြီးအခုမှမိုးအစဖြစ်လို့အသံတွေမကြားရသေးပေမယ့် နှစ်စဉ်တိုင်း မြောင်းရေ မသန့်တဲ့ရေတွေကနေ အရေပြားဆိုင်ရာရောဂါနဲ့ကျန်းမာရေးပြဿနာတွေကြုံတွေ့ရကြရတယ်လို့ ရန်ကုန်တိုင်းအတွင်းရှိ ဒဂုံမြို့နယ်က ဒေသခံတွေကပြောပါတယ်။
အချက်အလက်တွေအရတော့ ရောဂါဖြစ်ပွားမှုအများဆုံး အနေနဲ့ ရန်ကုန်တိုင်းအတွင်းမှာ တောင်ဒဂုံမြို့နယ်က ပထမ နဲ့ မရမ်းကုန်းမြို့နယ်က ဒုတိယအများဆုံးဖြစ်နေကြောင်းသိရပါတယ်။
သွေးလွန်တုပ်ကွေးရောဂါကို ကာကွယ်ရန်မှာ ခြင်ကိုက်မခံတာ ၊ ခြင်ဖြစ်ပေါ်မယ့် လောက်လန်းတွေ မပေါက်ပွားအောင် ဖုံးသွန်လဲစစ် လုပ်ငန်းစဉ်တွေ ပြုလုပ်ထားဖို့လိုအပ်ကြောင်းသိရှိရပါတယ်။
