မနေ့ညကရန်ကုန်တမြို့လုံးနီးပါးလျှပ်စစ်မီးပြတ်တောက်နေချိန်မှာပဲ
ရန်ကုန် လှိုင်မြို့နယ် ၇ ရပ်ကွက် ဓမ္မသုခကျောင်းလမ်း Royal Thukha ကွန်ဒိုကို အကြမ်းဖက် စစ်ကောင်စီ တပ်ဖွဲ့ဝင်များက အင်အားအလုံးအရင်းနဲ့ ဝင်ရောက် စီးနင်းခဲ့ပြီး လူငယ်အများအပြားဖမ်းဆီးခံခဲ့ရတယ်လို့သိရပါတယ်။
"အဲ့ဒီ့ကွန်ဒိုနဲ့မျက်နှာခြင်းဆိုင်ကThe Leafကွန်ဒိုကိုပါဝင်မွှေနေတာလူငယ်လေးယောက်လောက်ကိုဖမ်းပြီးရိုက်နှက်နေတာတွေ့တယ်"လို့ဒေသခံတဦးကပြောပါတယ်။
ထို့အပြင်သာကေတမြို့နယ်ထဲမှာလဲ၁၀ မြောက်ရပ်ကွက် အမှတ်(၂)ရဲစခန်းနောက်ဖက်အခြမ်းကနေအိမ်တွေကိုစစ်ကောင်စီတပ်တွေလက်နက်အပြည့်အစုံနဲ့တခန်းစီအကုန်ဝင်စစ်သွားတယ်လို့သိရပါတယ်။
အလံုမြို့နယ်ထဲမှာလဲမနေ့ ည ၈ နာရီ လျှပ်စစ်မီးပြတ်တောက်ချိန် မှာပဲ ရာမလမ်းထဲက သံပုံးတီးတဲ့အိမ်တွေဆီ စစ်တပ်က ရောက်ရှိလာပြီး အိမ်တံခါးများကို ဆောင့်ကန်ခြင်း၊ ဖုန်းများယူစစ်ပြီး လူငယ်၄ဦးကိုဖမ်းဆီးသွားတယ်လို့ဒေသခံတွေရဲ့မြေပြင်သတင်းပေးပို့ချက်တွေအရသိရပါတယ်။
မြောက်ဒဂုံမှာတော့စစ်ကားအကြီးတစီးနဲ့လမ်းပိတ်ဆို့ပြီးဖမ်းဆီးတာတွေရှိခဲ့သလိုလှိုင်မြို့နယ်ထဲမှာလဲဝင်ရောက်ဖမ်းဆီးမှု့တွေရှိခဲ့တယ်လို့သိရပြီးဘယ်သူတွေကိုဘယ်လိုအကြောင်းနဲ့ဖမ်းဆီးသွားတယ်ဆိုတာတော့MLNကသီးခြားအတည်ပြုချက်ရယူနိုင်ခဲ့ခြင်းမရှိပါဘူး။
