လူဦးရေ ထူထပ်များပြားတဲ့ ရွှေပြည်သာ လှိုင်သာယာ စတဲ့ စက်မှုဇုန်မြို့နယ်တွေမှာ ဘေးတွဲဆိုင်ကယ်တွေမှာအမိုး အကာတွေမရှိတော့ရင် စီးတဲ့ခရီးသည်တွေနည်းလာပြီးစားဝတ်နေရေးပိုခက်လာနိုင်တယ်လို့ကယ်ရီသမားတွေကပြောပါတယ်။
လက်ရှိမှာဘေးတွဲကယ်ရီမောင်းနှင်သူတွေများပြားနေပြီးစီးတဲ့ခရီးသည်နည်းပါးတဲ့ပြဿနာရှိနေတယ်လို့လည်းသူတို့ကဆိုပါတယ်။
"လူတွေကလည်းကျပ်တည်းတော့အရင်လောက်ေတာ့မစီးကြတော့ဘူး။နောက်ပြီးဘေးတွဲတွေကအရမ်းများလာတယ်။ပုံမှန်ဖောက်သည်မရှိဘူးဆိုဒီကာလသိပ်မလွယ်ဘူး။အခုအမိုးအကာတွေဖြုတ်ရမယ်ဆိုခရီးသည်မပြောနဲ့ကျွန်တော်တို့တောင်နေပူထဲဂိတ်မထိုးနိုင်တော့ဘူးလို့"လို့ဘေးတွဲကယ်ရီသမားတစ်ဦးကပြောပါတယ်။
လက်ရှိမှာဘေးတွဲမောင်းသူတွေဟာလပေးနဲ့စီးတဲ့သူတွေကိုပုံမှန်ဖောက်သည်ရရှိဖို့ ချိတ်ဆက်ထားပြီးအမိုးအကာတွေကိုသေသေသပ်သပ်ပြင်ဆင်ပေးထားရတယ်လို့သိရပါတယ်။
"နေပူမိုးရွာလေးလည်းလုံအောင်လူအမြင်လေးလည်းသန့်အောင်ဂါလီလေးကိုလုပ်ရတယ်။အခုအမိုးအကာတွေဖြုတ်ရမယ်ဆိုရင်နေပူထဲဘယ်သူကစီးမလဲ။ပြောမယ်ဆိုမူဝါဒတွေကအမျိုးမျိုးတွေဖြစ်နေတယ်။ခံရသမျှကပြည်သူချည်းပဲ။အမိုးတွေဖြုတ်ရရင်တော့လပေးစီးတဲ့သူတွေလည်းစီးမယ်မထင်တော့ဘူး။စားဝတ်နေရေးပိုခက်လာမယ်"လို့ဂါလီမောင်းသူတစ်ဦးကပြောပါတယ်။
စစ်ကောင်စီဟာဘေးတွဲဂါလီသမားတွေကိုကြပ်မတ်မှုတွေမျိုးစုံလုပ်နေပြီး လက်ရှိမှာဆိုင်ကယ်ဦးထုပ်မဆောင်းသူတွေကိုဒဏ်ရိုက်တာအပြင်အမိုးအကာတွေကိုဖြုတ်ဖို့လိုက်လံအသိပေးနေပါတယ်။
