နိုင်ငံသားစိစစ်ရေးကတ်ပြား လုပ်ဆောင်တာ မှာအသစ်လျှောက်ပါက ၆ကျပ်၊ ပျောက်ဆုံးပျက်စီး လို့ မိတ္တူလျှောက်ထားရင် ၁၀ ကျပ်နဲ့ဆောင်ရွက်ပေးနေကာသတ်မှတ်နှုန်းထက် ပိုမို တောင်းခံပါက တိုင်ကြားနိုင်တယ်လို့ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ တာဝန်ရှိသူက ပြည်တွင်းသတင်း မီဒီယာ ရဲ့မေးမြန်းမှုကိုပြန်လည်ဖြေကြားထားပါတယ်။
ဝန်ကြီးဌာနအနေနဲ့ ၁၉၈၂ ခုနှစ်၊ မြန်မာနိုင်ငံသားဥပဒေဆိုင်ရာ လုပ်ထုံးလုပ်နည်းတွေ နဲ့တရားဝင်သတ်မှတ်ထားတဲ့ သတ်မှတ်နှုန်းထားဖြစ်တဲ့ နိုင်ငံသားစိစစ်ရေးကတ်ပြား အသစ်စတင်လျှောက်ထားရင် ၆ ကျပ်၊ ပျောက်ဆုံး/ပျက်စီးလို့ မိတ္တူလျှောက်ထားရင် ၁၀ ကျပ်နဲ့ဆောင်ရွက်ပေးနေတယ်လို့ဆိုပါတယ်။
ယင်းကောက်ခံရရှိတဲ့ ငွေကြေးကို နိုင်ငံတော် နိုင်ငံတော်ဘဏ္ဍာကို ပေးသွင်းရတာဖြစ်ပြီး သတ်မှတ် ထားတဲ့ အတိုင်းမဟုတ်ဘဲ မိမိဆန္ဒအလျောက် ငွေကြေးတောင်းခံတဲ့ ဝန်ထမ်းများ ကို ဖြစ်စဉ်စိစစ်ပြီး ပေါ်ပေါက် ပါက နိုင်ငံဝန်ထမ်းဥပဒေနဲ့ အညီအရေးယူဆောင်ရွက်နေတယ်လို့ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ တာဝန်ရှိသူကဖြေကြားထားပါတယ်။
နေပြည်တော်၊ လယ်ဝေးမြို့နယ်၊ ကုန်းသာအုပ်စု၊ ကုန်းသာကျေးရွာ စာသင်ကျောင်းမှာ လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာန က မှတ်ပုံတင်မရှိသေးသူ တွေနဲ့ ပျောက်ဆုံးသူတွေအတွက် ဆောင်ရွက်ပေးတာမှာမှတ်ပုံတင်အသစ်ပြုလုပ်လိုရင် ၂၆ဝဝဝ ကျပ် ပေးရပြီး ၊မှတ်ပုံတင်ပျောက်ရင် ၄၀၀၀ဝ ကျပ် ပေးရတဲ့အတွက် ပိုက်ဆံမတတ်နိုင်သူတွေမှတ်ပုံတင် ပြုလုပ်ဖို့ အခက်ကြုံနေကြောင်း ကျေးရွာနေပြည်သူ တစ်ဦး က သတင်းမီဒီယာတစ်ခုကတစ်ဆင့် တင်ပြခဲ့တဲ့ အပေါ် ဝန်ကြီးဌာနက အခုလို ဖြေကြားပေးတာဖြစ်ပါတယ်။
ယခု တင်ပြတာနဲ့ပက်သက်ပြီး ဘယ်အချိန် ဘယ်နေရာ ဘယ်ဝန်ထမ်းကို ပေးခဲ့ကြောင်း နစ်နာသူပြည်သူက လက်မှတ်ထိုး တင်ပြဖို့ ဝန်ကြီးဌာနက အကြောင်းပြန်ထားပါတယ်။
နစ်နာသူရဲ့ တင်ပြလာတဲ့ အပေါ် စိစစ်ပြီး မှန်ကန်မှုရှိပါက တာဝန်ရှိတဲ့ ဝန်ထမ်းတွေ ကို နိုင်ငံ့ဝန်ထမ်းဥပဒေနဲ့ အညီ ထိရောက်စွာ အရေးယူသွားမှာဖြစ်တယ်လို့လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ရဲ့ ပြန်လည်ဖြေကြားထားပါတယ်။
