စစ်ကောင်စီဖက်မှဆိုင်ကယ်စီးနင်းခွင့်ပြုထားသည့်မြို့ကြီးများတွင်အမျိုးသားနှစ်ဦးမစီးရအပါအဝင်အခြားသောကန့်သတ်ချက်တွေထုတ်ပြန်ထားပြီးမလိုက်နာရင်ပစ်ခတ်မှု့တွေပါလုပ်ဆောင်သွားမယ်ဆိုပြီးဆိုင်ကယ်စီးနင်းသူတွေအပေါ် ခြိမ်းခြောက်နေတယ်လို့သိရပါတယ်။

အဲ့ဒီ့ကန့်သတ်ချက်ထဲမှာအမျိုးသမီးတဦးနောက်မှာအမျိုးသားတဦးလိုက်ပါစီးနင်းခွင့်မရှိသလိုအမျိုးသားနှစ်ဦးတပေါင်းထဲစီးနင်းခွင့်မရှိဘူးလို့ပါရှိပြီးယခုလ ၁၈ ရက်နေ့နောက်ပိုင်းမှာပစ်ခတ်မှု့တွေပြုလုပ်သွားမယ်လို့ဆိုင်ကယ်စီးနင်းသူတွေထံမှထွက်ပေါ်လာတဲ့သတင်းအချက်အလက်တွေအရသိရပါတယ်။

"ဟိုတနေ့ကပဲပြောသွားတယ်လမ်းမှာစစ်ရင်းမင်းတို့၂ယောက်စီးလို့ငါတို့ပစ်ရင်မပြောနဲ့ဆိုပြီးတော့ကျွန်တော်တို့ဖက်တွေကဆိုင်ကယ်ကိုအရင်ထဲကစီးခွင့်ပြုထားတာ ဒါကိုဟိုလိုမစီးရဒီလိုမစီးရဘူးသက်သက် ခြိမ်းခြောက်နေတာ"လို့ဆိုင်ကယ်စီးနင်းခွင်ပြုထားတဲ့မြို့နယ်တခုမှပြည်သူတဦးကပြောပါတယ်။

ယခုလနိုဝင်ဘာ ၁၄ ရက်နေ့မှာပဲတောင်ညိုရဲစခန်းရှေ့မှာဆိုင်ကယ်နဲ့ဖြတ်သန်းသွားလာခဲ့တဲ့၆တန်းကျောင်းသားတဦးကိုစစ်ကောင်စီတပ်တွေပစ်ခတ်ခဲ့ပါသေးတယ်။

စစ်တပ်အာဏာသိမ်းပြီး​နောက်ပိုင်း ဆိုင်ကယ်စီးနင်းခွင့်ရှိတဲ့ မြို့​တွေမှာ အဆိုပါ ခြိမ်း ​ခြောက်မှု​တွေပြုလုပ်​နေတာဖြစ်သလို ရန်ကုန်မြို့စည်ပင်နယ်​မြေ​တွေဖြစ်တဲ့ လှိုင်သာယာ၊ မဂ်လာဒုံ တို့လို မြို့နယ်​တွေမှာ​တော့ စကစ တပ်​တွေက ဆိုင်ကယ်များသိမ်းယူ​နေတာ​ကြောင့် အ​ခြေခံ ပြည်သူ​တွေ အခက်​တွေ့​နေရတာပါ။