NEWS

ကမ္ဘာ့စားနပ်ရိက္ခာအစီအစဉ် (WFP)က မြန်မာအတွက် ရိက္ခာအထောက်အပံ့တွေ လျှော့ချမယ်

CoverLogo
112 Views
 
မြန်မာကအခက်ခဲနဲ့ရင်ဆိုင်နေရတဲ့ လူတစ်သန်းကျော်အတွက်ကမ္ဘာ့စားနပ်ရိက္ခာအစီအစဉ်( WFP )ကရိက္ခာအထောက်အပံ့တွေကိုလာမယ့် ဧပြီလကစပြီး လျော့ချ ကာရပ်ဆိုင်းသွားမှာဖြစ်ကြောင်း မတ်လ ၁၄ ရက်မှာ အသိပေးကြေညာလိုက်ပါတယ်။
ပဋိပက္ခတွေကြောင့် အကူအညီလိုအပ်မှု မြင့်တက်နေတဲ့ အာရက္ခဒေသက စစ်ဘေးရှောင်တသိန်းအပါအဝင်လူဦးရေတသန်းကျော်အတွက် စားနပ်ရိက္ခာအကူအညီပေးမှုတွေ ကိုရပ်ဆိုင်းမှာဖြစ်ရာ ရန်ပုံငွေလိုအပ်ချက် အလွန်ကြီးမားလာတာကြောင့် ရပ်တန့်ရတာဖြစ်တယ်လို့ WFP ကဖော်ပြပါတယ်။
WFP အနေနဲ့ ရန်ပုံငွေအသစ် မရရှိတော့ဘူးဆိုရင် ၅ နှစ်အောက်ကလေး၊ ကိုယ်ဝန်ဆောင်၊ နို့တိုက်မိခင်၊ မသန်စွမ်း စတဲ့ ထိခိုက်လွယ်အုပ်စုတွေက လူဦးရေ သုံးသောင်းခွဲခန့်ကိုပဲ ဆက်လက်ကူညီနိုင်တော့မယ်လို့ ဆိုထားပါတယ်။
“အခုဖြစ်လာမဲ့ အကူအညီရပ်ဆိုင်းမှုတွေဟာ အသက်ရှင်သန်ရေးအတွက် WFP အကူအညီတစ်ခုတည်းကိုသာ အားထားနေကြရတဲ့ နိုင်ငံတစ်ဝန်းက ထိခိုက်လွယ် ရပ်ရွာလူထုတွေအတွက် ပြင်းပြင်းထန်ထန် ဆိုးဆိုးရွားရွား ရိုက်ခတ်နိုင်ပါတယ်” လို့ WFP ရဲ့ မြန်မာနိုင်ငံဆိုင်ရာ ဌာနေကိုယ်စားလှယ် Michael Dunford က ပြောပါတယ်။
မြန်မာလူထုကို စားနပ်ရိက္ခာ အထောက်အပံ့တွေ ဆက်လက်ပေးအပ်နိုင်ဖို့ရာအတွက် အမေရိကန်ဒေါ်လာ သန်းခြောက်ဆယ် အရေးတကြီး လိုအပ်နေတယ်လို့ ကမ္ဘာ့စားနပ်ရိက္ခာ အစီအစဉ်( WFP )က သိရပါတယ်။
လူသားချင်းစာနာမှုဆိုင်ရာ လိုအပ်ချက်နဲ့ တုံ့ပြန်ရေးအစီအစဉ်အရ လက်ရှိမှာ မြန်မာနိုင်ငံက လူဦးရေ ၁၅.၂ သန်းခန့်ဟာ တစ်နေ့တာ စားနပ်ရိက္ခာလိုအပ်ချက်ကို ပြည့်မီအောင် မဖြည့်ဆည်းနိုင်တဲ့အရေးနဲ့ ကြုံနေရကာငတ်မွတ်မှု‌‌ တွေရှိနေတယ်လို့လည်း WFP က ဖော်ပြထားပါတယ်။

Related posts

Cover
ကယ်ရီမောင်းနှင်များထံမှ စစ်ကောင်စီတပ်ဖွဲ့ဝင်များ ကျပ် ငါးသောင်းမှ ကျပ် ရှစ်သောင်းအထိ ထောင်းယူ
Apr 23, 2025
Cover
လုပ်ငန်းခွင်ဝင် ကျောင်းသားများ တက္ကသိုလ်ဝင်စာမေးပွဲ ပြန်လည်ဖြေရန် ခက်ခဲမှာ အုပ်ထိန်းသူများ စိုးရိမ်
Apr 22, 2025
Cover
မန္တလေးငလျင်ဒဏ်သင့် ပြည်သူများ မီတာခပေးဆောင်ရမည်
Apr 22, 2025
Cover
ငလျင်သင့်ဒေသ များရှိ လူဦးရေ ၄ ဒသမ ၃ သန်းကျော် သန့်ရှင်းသောရေ အရေးပေါ်လိုအပ်နေ
Apr 20, 2025
Cover
ငလျင်ကြောင့် အကျဉ်းသူ/သား သေဆုံးသူ ၃၀ ဦးထက်မနည်းရှိပြီး ပျက်စီးဆုံးရှုံးများသော်လည်းစစ်ကောင်စီမှသတင်းအမှောင်ချထား
Apr 20, 2025
Cover
နေ့စဉ် ငလျင် ၇ ကြိမ်ထက်မနည်းလှုပ်ခတ်နေ
Apr 19, 2025
Cover
မြန်မာ့ရွှေဈေး ၃ရက်အတွင်း ကျပ် ၅သိန်းနီးပါး ခုန်တက်
Apr 11, 2025
Cover
ဝေဖန်မှုများစွာရှိသည့် ပျော်ဘွယ်KBZ bank ဖြေရှင်းချက်ထုတ်ပြန်
Apr 11, 2025