NEWS

တောင်ကိုရီးယားအလုပ်အကိုင်အရည်ချင်းစစ်စာမေးပွဲယခုလ၂၉ရက်စတင်မည်

CoverLogo
2.4K Views

တောင်ကိုရီးယားအလုပ်အကိုင်အရည်အချင်းစစ်စာမေးပွဲ (EPS-TOPIK)ကို ယခုလစက်တင်ဘာ ၂၉ရက်ကစပြီး အသုတ်လိုက် ကျင်းပသွားမယ်လို့ အစိုးရ​ပြည်ပအလုပ် အကိုင်အေဂျင်စီ(POEA-EPS)က ထုတ်ပြန်ထားပါတယ်။

'' အစကတည်းကကြေငြာပေးလိုက်ရမှာ စမ်းတဝါးဝါးနဲ့စောင့်ရင်း စောင့်ရင်းနဲ့ ကလေးတွေက ပြန်တဲ့သူကပြန်ပြီ။ ခုပြန်လာကြရမှာပေါ့။ အစောကကြေငြာရင်လည်း ကြာအုံးမယ် သိရပြီ ပြန်ပြီးစောင့်ပေါ့။ ခုတော့ကုန်ကျစရိတ်တွေပိုကုန်သွားတာပေါ့'' လို့ ကိုရီးယားသင်တန်းကျောင်းမှ တာဝန်ရှိသူတစ်ဦးကပြောပါတယ်။

ယခုလစတင်ကျင်းပမဲ့ စိုက်ပျိုးရေးနဲ့မွေးမြူရေးလုပ်ငန်းအတွက် စာမေးပွဲကို စက်တင်ဘာ၂၉ရက်ကနေ အောက်တိုဘာ ၂၇ရက် အထိကျင်းပမှာ​​​ ဖြစ်ပြီး ၊ ကုန်ထုတ်လုပ်ငန်းအတွက် ပထမအသုတ်စာမေးပွဲကိုတော့ အောက်တိုဘာ ၃၁ရက်ကနေ ဒီဇင်ဘာ ၂၉ရက်အထိကျင်းပမယ်လို့ သိရပါတယ်။

ကျန်ရှိတဲ့ကုန်ထုတ်လုပ်ငန်းဒုတိယအသုတ်အတွက် စာမေးပွဲကိုတော့ လာမဲ့နှစ် ၂၀၂၃ ဇန်နဝါရီ ၃ရက်ကနေ စပြီး ဧပြီ ၃ရက်အထိကျင်းပကာ  ဆောက်လုပ်ရေးလုပ်ငန်းအတွက်စာမေးပွဲကိုလည်း လာမဲ့နှစ်၂၀၂၃ခုနှစ်   ဧပြီ ၁၇ရက်ကနေ မေ၁၅ရက်အထိ ကျင်းပမယ်လို့ ထုတ်ပြန်ချက်အရ  သိရပါတယ်။

EPS စာမေးပွဲဖြေဆိုခွင့်လျှောက်လွှာကို ၂၄ ဒေါ်လာဖြင့်ရောင်းချကာ ဇူလိုင်လကအွန်လိုင်းစနစ်နဲ့ လက်ခံခဲ့တာဖြစ်ပြီး လျှောက် ထားသူ ၃၇,၀၀၀ ကျော်အထိလျှောက်ထားခဲ့ပါတယ်။  

အဲဒီစာမေးပွဲတွေကို ပြီးခဲ့တဲ့ သြဂုတ် ၂၆ရက်ကစပြီးပြုလုပ်မယ်လို့ ကြေညာခဲ့ပြီး စာမေးပွဲဖြေဆိုခွင့်လျှောက်လွှာတွေ စီစစ်နေရတာကြောင့် ကျင်းပနိုင်ခဲ့ခြင်းမရှိဘဲ  ရွှေ့ဆိုင်းခဲ့ရာကနေ အခုမှ ပြန်လည်ကျင်းပပြုလုပ်မယ့်ရက်ကို ထုတ်ပြန်ကြေညာနိုင်တာ ဖြစ်ပါတယ်။

MyanmarLabourNews


Related posts

Cover
Myanmar Dihuali စက်ရုံ အလုပ်သမားများ သင်္ကြန်ပိတ်ရက် ရက်အစားလုပ်ကိုင်ပေးရသည့်အပြင် အချိန်ပိုအလုပ်ချိန်များမှ တရက်စာ ထပ်ဖြတ်ခံရ
Mar 27, 2024
Cover
လုပ်ငန်းခွင်အတွင်း စိတ်ပိုင်းဆိုင်ရာ အကြမ်းဖက်ခိုင်းစေနေဟုဆို
Mar 27, 2024
Cover
လုပ်ငန်းခွင်မှာ အထည်စံချိန်အလွန်အကျွံတောင်းခံ
Mar 24, 2024
Cover
လုပ်ငန်းခွင်ဆိုင်ရာ ခံစားခွင့်တွေ ခွင့်ပြုပေးဖို့ အလုပ်သမားတွေတောင်းဆို
Mar 23, 2024
Cover
တရုတ်နိုင်ငံ SHANGCHENG Garment မှ မြန်မာလုပ်သား ၂၀၀ ခန့် နေရပ်ပြန်
Mar 22, 2024
Cover
EPS စာမေးပွဲမှတ်ပုံတင်ကြေးအတွက် ည ၆ နာရီ ကတည်းက တန်းစီရ
Mar 22, 2024
Cover
ခရီးသွားလာရာတွင် မှတ်ပုံတင်အပြင် တခြားထောက်ခံစာပါ တောင်းယူ
Mar 22, 2024