စစ်တပ်က စုံစမ်းမေးမြန်းမှုတွေလုပ်လာတာကြောင့် ရွှေနှင့်ဒေါ်လာ စျေး အနည်းငယ်ကျလာ

cover
profile
Aug 18, 2022

အကြမ်းဖက်စစ်ကောင်စီက ဒေါ်လာစျေးကစားသူတွေနဲ့ ရွှေကုန်သည်တွေကို စောင့်ကြည့်စစ်ဆေးတာတွေပြုလုပ်နေတာကြောင့် ရွှေနှင့်ဒေါ်လာ စျေး အနည်းငယ်ကျလာတယ်လို့ စုံစမ်းသိရှိရပါတယ်။

"မနေ့က မြို့ထဲက ရွှေလုပ်ငန်းရှင်အသင်းကို နေပြည်တော်ကို ခေါ်တယ်ကြားတယ်။ နောက်ပြီး ဒေါ်လာကိစ္စကိုလည်း စသုံးလုံးကိုစောင့်ကြည့်ခိုင်းတာတွေလုပ်ထားတယ်ဆိုတော့ အရောင်းအဝယ်က မလုပ်ရဲကြဘူးထင်တယ်။ ဒါကြောင့်ကျသွားတာထင်တယ် ကျွန်တော်သိပ်တော့နားမလည်ဘူး''လို့ စကစနဲ့နီးစပ်သူက ဆိုပါတယ်။

အခုလိုစစ်ဆေးမှုတွေပြုလုပ်မယ်လို့လည်း ကြိုတင်ထုတ်ပြန်ထားပြီး  ဒေါ်လာစျေးကွက်ကစားသူများ ဝယ်ရောင်းများကို လိုက်လံ ဖမ်းဆီးနေခြင်း၊ ရွှေကုန်သည်များကို စုံစမ်းမေးမြန်းမှုများ ရှိနေခြင်းများကြောင့် ရွှေနှင့်ဒေါ်လာစျေးကွက်တွင် အရောင်းတန့်နေပြီး စျေးနှုန်း ပြန်ကျနေတာဖြစ်ပြီး ဒါဟာလတ်တလောအတွင်းသာငြိမ်နေခြင်းသာဖြစ်နိုင်ပြီး  ပြန်တက်လာနိုင်တယ်လို့ဒေါ်လာအရောင်းအဝယ်ပြုလုပ်သူတစ်ဦးက ဆိုပါတယ်။

''ဒေါ်လာစျေးက ပြင်ပပေါက်စျေးကိုက ၂၈၀၀ ဝန်ကျင်လောက်ပြန်ကျသွားတယ်။ အရင်ရက်က သုံးထောင်အထက်ဖြစ်နေတာ။ ဒီနေ့၂၈၀၀ဝန်းကျင်နဲ့ပဲ အရောင်းအဝယ်ဖြစ်နေကြတယ်။ ထပ်ကျရင်တော့ကောင်းတာပေါ့။ စျေးကွက်ကစားသူတွေကြောင့်လို့ပဲထင်ပါတယ်။ သူတို့အပေါ်မူတည်ပါတယ်''လို့ စီးပွားရေးလုပ်ငန်းရှင်တစ်ဦးကဆိုပါတယ်။

ဩဂုတ်လ ၁၇ ရက်နေ့တွင် အမေရိကန်တစ်ဒေါ်လာ ၂၇၀၀ နှင့် ၂၈၀၀ ကျပ်အကြားဖြစ်ပြီး ပြင်ပမှောင်ခိုစျေးကွက်မှာလည်း ၂၈၀၀အမြင့်ဆုံးနဲ့သာအရောင်းဖြစ်နေတယ်လို့ ဒေါ်လာအရောင်းဝယ် group များမှသိရပြီး ရွှေစျေးနှုန်းမှာ အခေါက်ရွှေ တစ်ကျပ်သားလျှင် ၂၆ သိန်း ၃ သောင်းဝန်းကျင်တွင်ရှိနေကြောင်း သိရှိရပါတယ်။

ဒေါ်လာရှားပါးလာပြီး ကုန်းစျေးနှုန်းနဲ့စက်သုံးဆီအဆမတန်မြင့်တက်လာရာ 
ဒေါ်လာမှ ကျပ်ငွေကို ပြောင်းလဲဖို့  ကင်းလွတ်ခွင့်ရထားသည့် ကုမ္ပဏီများ၊ လူပုဂ္ဂိုလ်များ၏ ဝင်ငွေ ရာခိုင်နှုန်းပြည့်ကို ကိုယ်တိုင်သုံးစွဲခြင်းနဲ့ ဘဏ်နှင့် ဘဏ်မဟုတ်သူများရဲ့ ရောင်းချခြင်းတွေကို စစ်ကောင်စီထံ သီးခြားခွင့်ပြုချက် ရ ယူရန်မလိုအပ်တော့ဘဲ  ဝင်ငွေဒေါ်လာများကို တစ်လအတွင်း စိတ်ကြိုက်အရောင်းအဝယ်ပြုလုပ်နိုင်သည်ဟု စစ်ကောင်စီ၏ဗဟိုဘဏ်က  သြဂုတ် ၁၅ နေ့စွဲဖြင့် ထုတ်ပြန်ခဲ့ပါတယ်။

အခုလိုဖြေလျှော့ ပေးမှုကိုလည်း  ရက်ပေါင်း ၃၀အတွင်းသာ ဆောင်ရွက်ရမယ်လို့လည်း စစ်ကောင်စီ ဗဟိုဘဏ်ကကန့်သတ်ထားပါသေးတယ်။

MyanmarLabourNews

1.5K Views

Related News

cover
တရားမ၀င်ဒေါ်လာအရောင်းအ၀ယ် ဂရုများကိုတရားစွဲဆိုမည်ဟု စစ်ကောင်စီဆို
Oct 18, 2022
cover
စားအုံးဆီပြင်ပဈေးနှုန်းတစ်ပိဿာကျပ် ၇၀၀၀ အောက်သို့ကျဆင်းလာ
Oct 4, 2022
cover
စစ်ကောင်စီက ဈေးပြိုင်တင်ဒါနဲ့ရောင်းချပေးတဲ့ ရွှေစင်တုံးနဲ့ရွှေစင်ခဲများ လေလံဆွဲ၊ ဝယ်ယူသူမရှိလို့လေလံပွဲပိတ်သိမ်းခဲ့ရ
Sep 29, 2022
cover
ကုမ္ပဏီလက်အောက်ခံ နေ့စားအလုပ်သမားတွေလည်း စားဝတ်နေရေးပိုမိုခက်ခဲလာ
Sep 29, 2022
cover
မြန်မာ့အခေါက်ရွှေစျေး တစ်ရက်အတွင်း ကျပ်တသိန်းကျော် ထပ်မံကျဆင်းခဲ့ပြီး ရွှေကိုလေလံဖြင့်ရောင်းချ
Sep 28, 2022
cover
ရန်ကုန်တိုင်းတွင် ဓာတ်ဆီတစ်လီတာကျပ် ၂၁၅ဝနှင့် ငြိမ်သက်ခဲ့ပြီး ဆက်လက်ကျဆင်း
Sep 27, 2022
cover
အင်းစိန်ထောင်အတွင်းရှိ အကျဉ်းသားများကိုဗစ်ကူးစက်မှုများပြားနေပြီး ထောင်ပြောင်းမှုတွေရှိနေ
Sep 27, 2022
cover
အိုတီကြေးမပေး၍ တောင်းဆိုသည့် အလုပ်သမား ၃၀ ကျော် ဖူဂျီဆပ်ပြာစက်ရုံအတွင်းက နှင်ထုတ်ခံရ
Sep 24, 2022
cover
ဒေါ်လာနဲ့ ရွှေဈေးအနည်းငယ်ပြန်ကျ အခြေခံစားသောက်ကုန် ဈေးနှုန်းတွေထပ်မံတက်လာနေ
Sep 22, 2022
cover
ပြည်တွင်းရွှေဈေးနှုန်း တစ်ကျပ်သားလျှင် ကျပ် ၂၆၂၈၀၀၀ အထိ စံချိန်တင်ကျဆင်းလာ
Sep 20, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle