၂၀၂၁ ခုနှစ်အာဏာသိမ်းလိုက်တဲ့အချိန်ကစပြီး ကမ္ဘာပေါ်မှာ သတင်းထောက်တွေကို ဖမ်းဆီးထောင်ချတဲ့အထဲ မြန်မာနိုင်ငံစစ်ကောင်စီရဲ့ သတင်းထောက် တွေအပေါ်ဖမ်းဆီးထောင်ချမှုဟာ အဆိုးရွားဆုံးထောင်မှူးဖြစ်လာတယ်လို့ USAID ကဆိုပါတယ်။
နိုဝင်ဘာ ၂၅ ရက်နေ့ကပြုလုပ်တဲ့ အမျိုးသမီးများအပေါ်အကြမ်းဖက်မှုပပျောက်ရေး ၁၆ရက်တာလှုပ်ရှားမှုအစီ စဉ်နဲ့ပတ်သက်ပြီး USAID က (၁၆) ရက်တာလှုပ်ရှားမှုရဲ့ အစိတ်အပိုင်းတစ်ခုအနေနဲ့ "မြန်မာနိုင်ငံမှာ လွတ်လပ်စွာထုတ်ဖော်ပြောဆိုခွင့်နဲ့ တရားမျှတမှုအတွက် တိုက်ပွဲဝင်နေကြတဲ့ မီဒီယာလောကမှာရှိတဲ့ အမျိုးသမီးတွေရဲ့ သတ္တိနဲ့ ကြံကြံ့ခံမှုကို မိမိတို့ လေးစားဂုဏ်ပြုပါတယ်။ သင်တို့ရဲ့အသံဟာ အရေးကြီးပါတယ်" လို့ ထုတ်ဖော်ထားတာဖြစ်ပါတယ်။
မြန်မာနိုင်ငံမှာ စစ်အာဏာသိမ်းပြီးနောက် စစ်ကောင်စီရဲ့ ပထမဦးဆုံးပြုလုပ်မှုဟာသတင်းထောက် တွေက်ိုဖမ်းဆီးတာတွေ ဖိနှိပ်တာတွေနဲ့ သတင်းအမှန်ထုတ်ဖော်ခွင့်ပိတ်ဆို့မှုတွေကို ဦးစွာပြုလုပ်ခဲ့တာဖြစ်လို့ ကမ္ဘာပေါ်မှာ သတင်းထောက်တွေကို ဖမ်းဆီးထောင်ချတဲ့ အဆိုးရွားဆုံးထောင်မှူး ဖြစ်လာခဲ့တာလို့ဆိုထားတာဖြစ်ပါတယ်။
စစ်အာဏာသိမ်းပြီးချိန်ကစလို့ ၂၀၂၄ သြဂုတ်လအထိ သတင်းထောက်ပေါင်း ၁၇၂ ဦး ဖမ်းဆီးထိမ်းသိမ်းခံခဲ့ ကြရပြီး သူတို့ထဲမှာ အမျိုးသား ၁၄၄ ယောက်နဲ့ အမျိုးသမီး ၂၈ ယောက်ပါဝင်ခဲ့တယ်လို့လည်းဆိုထားပါတယ်။
စစ်အစိုးရရဲ့ ဖြိုခွင်းမှုဟာ သတင်းမီဒီယာအဖွဲ့အစည်းတွေ ၈၇ ရာခိုင်နှုန်းကို အကျိုးသက်ရောက်ခဲ့ပြီး မီဒီယာကဏ္ဍမှာမှာ လုပ်နေကြတဲ့ အမျိုးသမီးတွေဟာလည်း လိင်ပိုင်းဆိုင်ရာ ထိပါးနှောင့်ယှက်ခံရမှု၊ နှိပ်စက်ကလူပြုခံရမှု၊ ထောင်သွင်းအကျဉ်းချခံရမှုတွေအပါအဝင် ကြီးမားတဲ့အန္တရာယ်တွေနဲ့ ရင်ဆိုင်ကြရပါတယ်။
အဲ့ဒီလိုအမှုပေါင်းများစွာဟာလည်း မှတ်တမ်းတင်နိုင်ခြင်းမရှိခဲ့ကြဘူးလို့ USAIDက ၎င်းတို့ရဲ့လေ့လာသုံးသပ်မှုတွေအရ ထုတ်ဖော်ထားတာဖြစ်ပါတယ်။
စစ်ကောင်စီက သတင်းမီဒီယာတွေကို အသံတိတ်အောင်လုပ်ဆောင်ဖို့ ကြိုးပမ်းခဲ့ပေမယ့်လည်း ရဲစွမ်းသတ္တိရှင် သတင်းထောက်တွေ အထူးသဖြင့် အမျိုးသမီးတွေဟာ ကြံ့ကြံ့ခံဆက်လက်ရပ်တည်ပြီး အန္တရာယ်များတဲ့ အခြေအနေတွေမှာ အမှန်တရားတွေကို ဆက်ပြီးအစီရင်ခံတင်ပြနေကြတာဖြစ်လို့ USAID ဟာ အရေးပေါ်အခြေအနေအတွက်အကူအညီအထောက်အပံ့နဲ့ ဥပဒေဆိုင်ရာ အကူအညီအထောက်အပံ့တွေဆောင်ရွက်တာဖြစ်သလို သတင်းထောက်တွေကို ကာကွယ်ပေးနိုင်ဖို့လုပ်ဆောင်နေတယ်လို့လည်း သိရပါတယ်။
