NEWS

ပြည်ပအလုပ်အကိုင်အကျိုးဆောင် အေဂျင်စီ ၄၃၅ ခုအထိရှိလာ

CoverLogo
948 Views

ပြည်ပနိုင်ငံများသို့ သွားရောက်လုပ်ကိုင်လိုသူများအနေဖြင့်  နှစ်နိုင်ငံသဘောတူစာချုပ် MoU စနစ်ဖြင့် သွားရောက်အလုပ်လုပ်ကိုင်နိုင်ရန် စေလွှတ်ခွင့်ပြုထားတဲ့ ပြည်ပအလုပ်အကိုင်အကျိုးဆောင် လိုင်စင်ရအေဂျင်စီ ၄၃၅ ခုအထိရှိလာတယ်လို့ သိရပါတယ်။  

ယခင်က တရား၀င်လိုင်စင်ရအေဂျင်စီ  ၁၇၃ ခုသာရှိခဲ့တာဖြစ်ပေမဲ့ ယခုနှစ်မှာတော့  အသစ်လျှောက် ထား လာတဲ့အေဂျင်စီများပြားလွန်းတာကြောင့် လိုင်စင်ရအေဂျင်စီ ၄၃၅ခုအထိရှိခဲ့တာဖြစ်တယ်လို့  သိရပါတယ်။

လက်ရှိတွင် ပြည်ပအလုပ်အကိုင်ရှာဖွေရေး အေဂျင်စီ ကုမ္ပဏီပေါင်း ၄၃၅ ခု ရှိတဲ့အနက် အလုပ်သမားဝန်ကြီးဌာန (စကစ)ရဲ့  လိုင်စင်ရအေဂျင်စီ၉ခုဟာ သတ်မှတ်ထားသည့် စည်းမျဉ်းစည်းကမ်းချက်များကို ချိုးဖောက်ခဲ့တာကြောင့်  ယာယီပိတ်သိမ်းထားလို့  ကျန်ရှိတဲ့အေဂျင်စီ ၄၂၆ ခုဖြင့် ပြည်ပနိုင်ငံများသို့  အလုပ်သမားစေလွှတ်ရေးလုပ်ငန်းဆောင်ရွက်လျက် ရှိတယ်လို့ သိရပါတယ်။

လိုင်စင်အသစ်ချထားပေးတာတွေကို ယခုနှစ်မှာတင်  အများအပြားခွင့်ပြုခဲ့ တာဖြစ်ပေမဲ့ အဲ့ဒီလိုင်စင်သစ်လျှောက်ဖို့လိုအပ်တဲ့အာမခံ စပေါ်ငွေကျပ်(၂၅၀)သိန်းနဲ့ ရွှေ့ပြောင်းနိုင်တဲ့အာမခံငွေ ကျပ်သိန်း(၁၀၀၀)ပြနိုင်ဖို့ကိုကပင်  လိုင်စင်မလျှောက်မီကတည်းက အလုပ်သမားတွေကိုအုပ်စုဖွဲ့လိမ်လည်ကြတာတွေရှိနေပြီး လိမ်လည်မှုတွေပေါ်ပေါက်ချိန်မှာပင်  လိုင်စင်ကျပြီးဖြစ်ပေါ်နေတာတွေရှိနေတယ်လို့ လိုင်စင်ရအေဂျင်စီများအကြား ဝေဖန်မှုတွေရှိနေတယ်လို့လည်း သိရပါတတယ်။

“အသစ်တွေကလည်းအများကြီး မမှန်ကန်ဘူးဝေဖန်တာတွေလည်းရှိတယ်။ အရင်ကတည်းကအေဂျင်စီတွေကတော့ အမည်တွေလိုဂိုတွေယူပြီး လိုက်လိမ်တယ်။ ပြီးရင်သူဌေးအမည်တွေနဲ့ဘယ်နေ့စာချုပ်မယ် ဘယ်နေ့ထွက်မယ်ပေါ့။ ကိုယ့်ရုံးရှေ့ရောက်လာမှ ဟဘာတုံးဆို အဲ့မှာပြဿနာသိရတာ။ ရှင်းရပြီတောက်ရှောက်။ ဒါကလည်းအေဂျင်စီတစ်ခုခုကိုအတွင်းကျကျအထိ  သေချာစုံစမ်းပြီးမှ  ပိပိရိရိလ်ိမ်တာဒီလိုတွေလည်းအများကြီးပဲ”လို့ အေဂျင်စီတစ်ခုက ဆိုပါတယ်။

ပြည်ပနိုင်ငံများသို့ သွားရောက်အလုပ်လုပ်ကိုင်ကြမည့် မြန်မာအလုပ်သမားများအနေဖြင့် အလုပ်သမားဝန်ကြီးဌာနက ထုတ်ပြန်ထားတဲ့ ပြည်ပအလုပ်အကိုင်အကျိုးဆောင်လုပ်ငန်းလိုင်စင်ရ စာရင်း၀င်မှုရှိမရှိသေချာစစ်ဆေးဖို့လိုအပ်သလို  လက်ရှိ အချိန်၌ တရားမဝင်အေဂျင်စီအတုများရဲ့ လိမ်လည်မှုကြောင့် အလုပ်သမားများ  အခက်အခဲ အမျိုးစုံနှင့် ကြုံတွေ့နေရတာတွေရှိနေလို့ မြန်မာပြည်ပအလုပ်အကိုင်၀န်ဆောင်မှုလုပ်ငန်းရှင်များအသင်းချုပ်သို့ အကူညီတောင်းခံတာတွေများပြားလာတယ်လို့  သိရပါတယ်။

#MyanmarLabourNews


Related posts

Cover
ထိုင်းနိုင်ငံအတွင်း ခွင့်ပြုချက်မရှိဘဲ အလုပ်လုပ်ကိုင်နေတဲ့ ရွှေ့ပြောင်းအလုပ်သမား ၃၀၀၀ ကျော် ဖမ်းဆီးခံရ
Sep 30, 2023
Cover
ထိုင်း MOU အလုပ်သမားများ အလုပ်ခန့်ထားမှုဆိုင်ရာသဘောတူစာချုပ်ကို ရန်ကုန်မြို့ မြောက်ဒဂုံအလုပ်သမားရုံးမှာသာ ချုပ်ဆိုရန်သတ်မှတ်ထား
Sep 18, 2023
Cover
စာရွက်စာတမ်းအတုပြုလုပ်ပြီး OWIC ကတ် လျှောက်ထားမှုများရှိနေ
Sep 17, 2023
Cover
ထိုင်းရောက် MoU လုပ်သားများ နိုင်ငံကူးလက်မှတ်သက်တမ်းတိုးဆောင်ရွက်မှု ရန်ကုန်ပြန်လာရန်မလိုအပ်တော့
Sep 14, 2023
Cover
ပြည်ပရောက်အလုပ်သမားများဘဏ်စနစ်မှငွေလွှဲ‌‌ရေးတိုက်တွန်းရန်အေဂျင်စီများကိုဝန်ကြီးဌာန အသိပေး
Sep 02, 2023
Cover
၄၈ ရက်အတွင်း ပြည်ပအလုပ်အကိုင်အေဂျင်စီ (၁၃)ခုတိုးလာ
Sep 02, 2023
Cover
ပြည်ပသွားရောက်လုပ်ကိုင်လိုသူများငွေကြေးလိမ်လည်ခံရမှုမြင့်တက်
Aug 28, 2023
Cover
ကိုရီးယားနိုင်ငံသို့ တားမြစ်ပစ္စည်းနှင့် အစားအသောက်များ ယူဆောင်သွားခြင်းမပြုရန် သတိပေး
Aug 25, 2023