ဟိန္ဒူဘာသာဝင်တွေရဲ့ ရိုးရာအဝတ်အစားတွေ ဝတ်ဆင်ပြီး အပျော်အပျက်သရုပ်ဖော်ရိုက်ကူးထားတဲ့ ရုပ်ရှင်အပေါ် ကိုရှိုင်းထက်အောင်(ခ) ဟာဆယ်ယွန်က အောက်တိုဘာ ၂၄ရက်တွင် ဖေ့ဘွတ်ခ်မှာ ဝေဖန်ခဲ့ပါတယ်။
အဆိုပါ ရုပ်ရှင်အကြောင်းဝေဖန်သူ ကိုရှိုင်းထက်အောင်ကို စစ်ကောင်စီက ဖမ်းဆီးကာ ပုဒ်မ ၅၀၅ (က) နဲ့ အမှုဖွင့်ထားတယ်လို့ စုံစမ်းသိရှိရပါတယ်။
ဟာဆယ်ယွန်ရဲ့ ဝေဖန်မှုအပေါ် ဆိုရှယ်မီဒီယာတွေမှာ လူအများက သတိထားမိလာကြပြီး အပြောင်အပျက် ရိုက်ကူးထားတဲ့ ရုပ်ရှင်ကို ဝိုင်းဝန်းဝေဖန်ခဲ့ကြပါ တယ်။
ဟိန္ဒူဘာသာဝင်များကလည်း ဒီရုပ်ရှင်နဲ့ ပတ်သက် ပြီး သူတို့ ဘာသာဝင်တွေအပေါ် စော်ကားတာဖြစ်တယ်လို့ ပြောဆိုလာခဲ့ကြပါတယ်။
ဒီရုပ်ရှင်ကို ရိုက်ကူးတဲ့ ဒါရိုက်တာက မြန်မာနိုင်ငံလုံးဆိုင်ရာဟိန္ဒူဘာသာရေး ဗဟိုအဖွဲ့ချုပ်ရဲ့ ခွင့်ပြုချက်ရရှိထားတယ်ဆိုပြီး မီဒီယာတွေမှာ ဖြေကြားခဲ့ဖူးပါတယ်။
ကိုရှိုင်းထက်အောင်ကတော့ ဒီဇာတ်ကားကို အဖွဲ့အစည်းဘက်က ခွင့်ပြုထားတား မရှိဘူးလို့ ၎င်းရဲ့ ဖေ့ဘွတ်ခ်ကတဆင့် အောက်တိုဘာ ၂၅ရက်မှာ အတည်ပြု ရေးသားခဲ့ပါတယ်။
ရုပ်ရှင်အကြောင်း ဝေဖန်မှုများ ပြုလုပ်ခဲ့ပြီးနောက် အောက်တိုဘာ ၂၆ရက်မှာ ကိုရှိုင်းထက်အောင် (ခ)ဟာဆယ်ယွန် ရုတ်တရက်ပျောက်ဆုံးခဲ့တာပါ။
၅ ရက်အကြာ အောက်တိုဘာ ၃၀ရက်မှာတော့ ဟာဆယ်ယွန်ကို စစ်ကောင်စီက ပုဒ်မ ၅၀၅-(က)နဲ့ ဖမ်းဆီး ထိန်းသိမ်းထားတယ်လို့ ထုတ်ပြန်လာခဲ့ပါတယ်။
ဂျစ်ကားစီးဖူးသလား ဂျားကစ်စာဘူးသရီး ရုပ်ရှင်ကို ဒါရိုက်တာ ကိုဇော်(အရုဏ်ဦး)ကရိုက်ကူးပြီး သရုပ် ဆောင်အကယ်ဒမီဆုတွေ ရရှိထားတဲ့ လွင်မိုး ၊ ခန့်စည်သူ ၊ ခိုင်သင်းကြည်နှင့် ရွှေမှုံရတီနှင့် ခင်လှိုင်တို့ သရုပ်ဆောင်ထားပါတယ်။
Photo-ကိုရှိုင်းထက်အောင်(ခ) ဟာဆယ်ယွန်
