NEWS

မြန်မာလုပ်သား ၇၀ ကျော်အား ထိုင်း MoU ကုမ္ပဏီက ရောင်းစား

CoverLogo
205 Views
 
ထိုင်း MoU စာချုပ်ကုမ္ပဏီ တခုက မြန်မာအလုပ်သမား ၇၂ ဦးကို နောက်ကုမ္ပဏီတခုဆီ ရောင်းစားခဲ့တယ်လို့ မြန်မာအလုပ်သမားကူညီစောက်ရေးအဖွဲ့ WAG ဆီကသိရပါတယ်။ အလုပ်သမားတဦး ဘတ် နှစ်ထောင်နဲ့ Power Line (ဖိုးလက်မောင်း) သူဌေးဆီကို MoU စာချုပ် ချုပ်ဆိုထားတဲ့ ထိုင်း Apisit Engineering& Suppiy Part LTD ကုမ္ပဏီက ရောင်းစားခဲ့တာလို့ အလုပ်သမားတွေက ပြောကြားခဲ့တာ ဖြစ်ပါတယ်။
 
“MoU စာချုပ်တွေမှာ ထိုင်းဘက်က တကယ်လိုအပ်တဲ့ လူသားဦးရေထက်ကို ပိုပြီး ခေါ်လာ(တင်သွင်း) ကြတယ်။ ဆောက်လုပ်ရေးလုပ်ငန်းခွင်မှာ တကယ်လိုတာက ၂၀ လောက်ဆိုရင်တောင် သူတို့က ၁၀၀ လောက် ခေါ်သွင်းတယ်။ ရောက်လာပြီဆိုရင် ပိုတဲ့ အလုပ်သမားတွေကို တခြားလုပ်ငန်းတွေကို ပို့တယ်(ရောင်းတယ်) ။ ဖြစ်လာပြီ ဆိုရင်တော့ မြန်မာဘက်က ကုမ္ပဏီတွေမှာ တာဝန်ရှိတယ်။ ဘာလို့ဆို အလုပ်သမားတွေက ထိုင်းကို မရောက်ဘူး ကြဘူးလေ။ နောက် ထိုင်းကုမ္ပဏီတွေလည်း တာဝန်ရှိပါတယ်။ သူတို့က တဆင်ခံ(ဖိုးလက်မောင်း) လုပ်ငန်းတွေကို ပြန်ရောင်းတာမျိုးတွေ လုပ်ကြတာ ။ “ လို့ WAG အဖွဲ့တာဝန်ရှိသူက ပြောပါတယ်။
 
အလုပ်သမား ၇၂ ဦးဟာ ထိုင်းနိုင်ငံ ဘန်ချန်မြို့ Apisit Engineering&Suppiy Part LTD မှာ လုပ်ကိုင်ဖို့ မြန်မာနိုင်ငံက အေဂျင်စီ MOE THIT YAN Co,LTD (မိုးသစ်ယံ ကုမ္ပဏီ) ကနေ MoU စာချုပ် နဲ့ ထိုင်းနိုင်ငံကို ပြီးခဲ့တဲ့ အောက်တိုဘာ ၁၇ ရက်က ရောက်ရှိခဲ့တာလို့ သိရပါတယ်။
 
မြန်မာနိုင်ငံမှာ MoU စာချုပ် ချုပ်ပါက လုပ်ကိုင်ရမဲ့ လုပ်ငန်းအမျိုးအစားတွေကို စိစစ်ဖို့လိုအပ်ပြီး ဆောက်လုပ်ရေး လုပ်ငန်းတွေမှာ လုပ်ကိုင် ရမယ် ဆိုရင်တော့ တာဝန်ယူပို့ဆောင်မဲ့ ကုမ္ပဏီနဲ့ သေချာ ပြောဆိုထားဖို့ လိုအပ်တယ်လို့လည်း WAG အဖွဲ့က သတိပေးထားပါတယ်။
 
“သံရုံးကလည်း အလုပ်သမားကိစ္စတွေကို ထိထိရောက်ရောက် မလုပ်ပေးနိုင်ဘူး ။ ဒါကြောင့်လည်း ထိုင်းမှာ ပြဿနာ ဖြစ်လာတိုင်း ထိုင်းကုမ္ပဏီကို တရားစွဲတာတွေ လုပ်နေရတာ ။ အလုပ်သမားတွေ MOU စာချုပ်မှာ ဘယ်လို လုပ်ငန်းခွင်မျိုးလဲဆိုမျိုး သေချာ စီစစ်ဖို့လိုတယ်။ ဆောက်လုပ်ရေးဆိုရင်တော့ သေချာ ဂရုစိုက် စေချင်တယ်” လို့ WAG အဖွဲ့ တာဝန်ရှိသူက ပြောပါတယ်။
 
ထိုင်းနိုင်ငံကို ရောက်ရှိလာတဲ့ MOU အလုပ်သမား ၇၂ ဦး ထဲမှာ အမျိုးသမီးလုပ်သား ၁၀ ဦးဝန်းကျင်ပါဝင်ပြီး စာချုပ်အရ ဘန်ချန်မြို့မှာ လုပ်ကိုင်ရမှာ ဖြစ်ပေမဲ့ ခွန်ဘူရီမြို့က တဆင့်ခံ ဆောက်လုပ်ရေးလုပ်ငန်းခွင်ကို ပို့ဆောင်ခံခဲ့ရတာဖြစ်ပါတယ်။ လုပ်ငန်းခွင်အတွင်း အလုပ်ပုံမှန်မရှိရတာ၊ လုပ်အားခ ထုတ် မပေးတာ၊ ချေးငွေ ထုတ်မပေးတာနဲ့ စာချုပ်ပါစည်းကမ်းတွေနဲ့ မကိုက်ညီတာ စတဲ့ အခက်အခဲတွေနဲ့ ကြုံတွေ ရပြီးနောက် ထိုင်း MOU ကုမ္ပဏီရဲ့ လက်လွဲရောင်းချတာကို ခံခဲ့ရတာ ဖြစ်ပါတယ်။ အခက်အခဲတွေ ကြုံတွေ့ရပေမဲ့ မြန်မာအေဂျင်စီဘက်က တာ၀န်ယူမှု မရှိခဲ့လို့ WAG အဖွဲ့ဆီ အကူအညိတောင်းခံထားတာ ဖြစ်တယ်လို့ အလုပ်သမားတွေက ပြောကြားထားပါတယ်။

Related posts

Cover
ပြည်ပနိုင်ငံများမှ အလုပ်ခေါ်စာလက်ခံမှု ယာယီရပ်ဆိုင်း
Feb 14, 2024
Cover
စစ်မှုထမ်းဥပဒေ‌ကြောင့် ပြည်ပထွက်ရန်ပြင်ဆင်နေသည့် လူငယ်များ စိတ်ပူပန်နေ
Feb 11, 2024
Cover
MOEAFကို ဖျက်သိမ်းကြောင်း NUG ထုတ်ပြန်
Feb 07, 2024
Cover
ထိုင်းတွင် မြန်မာရွှေ့ပြောင်း အလုပ်သမား ၁၅ ဦးအလုပ်ထုတ်ခံရ
Feb 07, 2024
Cover
ကိုရီးယား ရာသီချိန်လုပ်သားအလုပ် ရမယ် ပြောဆိုပြီး သိန်းချီလိမ်လည်
Feb 03, 2024
Cover
မလေးရှား အော်ပရာစီ စစ်ဆင်ရေးအတွင်း မြန်မာအလုပ်သမားများ ဖမ်းဆီးခံရ
Jan 21, 2024
Cover
မြန်မာလုပ်သမား ၂၆ ဦးအား လုပ်ခလစာမပေးဘဲ ထိုင်းလုပ်ငန်းရှင် တိမ်းရှောင်
Jan 20, 2024
Cover
ရောင်းစားခံထားရသည့် မြန်မာအမျိုးသမီး၆ ဦးအတွက် စိုးရိမ်ရသည့် အခြေအနေဟု မိသားစုဝင်များ ပြော
Jan 16, 2024