NEWS

ပြည်ပရောက် ရွှေ့ပြောင်းမြန်မာအလုပ်သမားတွေကို ပတ်စပို့ဒဏ်ကြေးတိုးမြှင့်ကောက်ခံ

CoverLogo
238 Views

မလေးရှားနိုင်ငံအတွင်းရောက်ရှိနေတဲ့ ရွေ့ပြောင်းအလုပ်သမားတွေအနေနဲ့ မြန်မာသံရုံးမှာ နိုင်ငံကူးလက်မှတ်သက်တမ်းတိုးခြင်းဆောင်ရွက်ရာမှာ ဒဏ်ကြေးတိုးမြှင့်ကောက်ခံမယ်လို့ မလေးရှားနိုင်ငံ ကွာလာလမ်ပူမြို့ရှိ မြန်မာသံရုံးက အသိပေးပြောဆိုထားပါတယ်။ 

 

"ဒဏ်ကြေးတိုးမြှင့်လိုက်တယ်။ ပျက်စီးပျောက်ဆုံးတွေကိုပြောတာပါ။ ဒဏ်ကြေးတွေတိုးကောက်တော့ တရားမဝင်နေထိုင်တဲ့သူတွေပိုများလာနိုင်တာပဲ။ မလေးရှားရင်းဂစ်၄၈၀ ဆိုတော့ အရင်၃၅၀ တောင်များလှပြီခု ၄၈၀ ဆိုပိုဆိုးမှာပေါ့။ ပြီးရင်ပါမစ်ကပ်ရအုံးမှာ စျေးကြီးတယ်။ တရားမဝင်နေထိုင်တာတွေများလာမှာပဲ" လို့ မလေးရှားရောက်မြန်မာအလုပ်သမားတစ်ဦးက ဆိုပါတယ်။ 

 

အခုလိုဒဏ်ကြေးတိုးမြှင့်ကောက်ခံပါက

နိုင်ငံကူးလက်မှတ်သက်တမ်းတိုးနဲ့ ပျက်စီးပျောက်ဆုံးလျှောက်ထားမှုတွေအတွက် နှစ်ချီကြာသည်အထိ စောင့်ဆိုင်းမှုမရှိစေဘဲ မြန်မြန်ဆန်ဆန်သက်တမ်းတိုးလို့ရအောင် ပြုလုပ်ပေးသင့်တယ်လို့ မလေးရှားနိုင်ငံမှာအလုပ်လုပ်နေသူတွေက ဆိုပါတယ်။ 

 

"တရားမဝင်မနေချင်လို့လျှောက်လည်း အကြာကြီးနှစ်ချီစောင့်ရတယ်။ မြန်ရချင်ရင်ပိုက်ဆံပေးလုပ်လို့ရတယ်။ စျေးအရမ်းကြီးတယ် မတတ်နိုင်ကြဘူး" လို့ ဆိုပါတယ်။ 

 

မလေးရှားနိုင်ငံ၊ ကွာလာလမ်ပူမြို့မှာရှိတဲ့ မြန်မာသံရုံးက နိုင်ငံကူးလက်မှတ်ဒဏ်ကြေးကို ယခင်က မလေးရှားငွေ ရင်းဂစ် ၃၃၀ ကောက်ခံခဲ့တာဖြစ်ပေမဲ့ ယခုအခါမှာတော့ ရင်းဂစ် ၄၈၀သို့ တိုးမြှင့်ကောက်ခံသွားမယ်လို့ ဇူလိုင်လ ၂၄ ရက်မှာ ထုတ်ပြန်ကြေညာခဲ့တာပဲဖြစ်ပါတယ်။ 

 

ဒါ့အပြင်ပြည်ပမှာအလုပ်သွားရောက်လုပ်ကိုင်နေတဲ့မြန်မာနိုင်ငံသားတွေအနေနဲ့ မြန်မာနိုင်ငံကူးလက်မှတ် ပျောက်ဆုံးတာ ၊ ပျက်စီးတာတွေကြောင့် အသစ်ပြန်လျှောက်ထားပါက ဒဏ်ကြေးငွေ တိုးမြှင့်ကောက်ခံသွားမယ်လို့ နိုင်ငံတကာမှာရှိတဲ့ မြန်မာသံရုံးတွေက ဇူလိုင်၂၄ရက်နေ့က 

အသီးသီး ထုတ်ပြန်ကြေညာလိုက်ပါတယ်။ 

 

မြန်မာနိုင်ငံကူးလက်မှတ်တွေအတွက် ထိုင်းနိုင်ငံမှာ ဒဏ်ကြေး ၃၆၅၀ ဘတ်နဲ့ စာအုပ်တန်ဖိုး ၁၂၅၀ ဘတ် ပြောင်းလဲသတ်မှတ်သလို ၊ မလေးရှားနိုင်ငံမှာ ရင်းဂစ် ၃၃၀ အစား ရင်းဂစ် ၄၈၀ ပြောင်းလဲသတ်မှတ်လိုက်တယ်လို့ ကြေညာထားပါတယ်။ 

 

တောင်ကိုရီးယားနိုငံမှာတော့ အမေရိကန်ဒေါ်လာ ၇၅ ဒေါ်လာ ကောက်ယူခဲ့ရာကနေ အမေရိကန်ဒေါ်လာ ၁၀၅ ဒေါ်လာသို့ ပြောင်းလဲကောက်ယူမှာဖြစ်ပြီး ၊ အရှေ့အလယ်ပိုင်းဒေသဆော်ဒီအာရေးဘီးယားနိုင်ငံ ရီးယတ်ဒ်မြို့မှာ စာအုပ်တန်ဖိုးနဲ့ ဒဏ်ကြေးငွေကို ဆော်ဒီငွေကြေး ရီးရဲလ် ၄၂၀ အစား ရီးရဲလ် ၅၃၅ ပြောင်းလဲကောက်ယူမယ်လို့ ကြေညာထားတာဖြစ်ပါတယ်။ 

 

#MyanmarLabourNews


Related posts

Cover
ပြည်ပရောက် မြန်မာရွှေ့ပြောင်းအလုပ်သမားတွေရဲ့ အခြေအနေများ
Dec 02, 2023
Cover
မြန်မာအမျိုးသမီး၆ ဦး ဒူဘိုင်းသို့အိမ်အကူလုပ်ရန်ထွက်ခွာလာရာမှအီရတ်နိုင်ငံသို့ ရောင်းစားခံခဲ့ရ
Nov 28, 2023
Cover
၀င်ငွေရရှိမှု ကွာဟချက်ကြောင့် ပြည်ပထွက်ခွာသူများပြား၊ ပြည်တွင်းလုပ်ငန်းအချို့လုပ်သားရှားပါးမှုနဲ့ကြုံတွေ့လာရ
Nov 05, 2023
Cover
ထိုင်းနိုင်ငံမှာ အလုပ်လုပ်ဖို့ ဘာတွေ ပြင်ဆင်ထားရမလဲ၊ ဘာတွေ သိထားဖို့ လိုမလဲ။
Oct 15, 2023
Cover
ထိုင်းနိုင်ငံအတွင်းမှာ တစ်နှစ်အတွင်း ရွှေ့ပြောင်းလုပ်သားသုံးထောင်ကျော်ဖမ်းမိခဲ့ရာမြန်မာလုပ်သားနှစ်ထောင်ခန့်ပါ၀င်
Oct 13, 2023
Cover
ပြည်ပစေလွှတ်သည့် အလုပ်သမားစာရင်း ဝန်ကြီးဌာနက ကောက်ခံနေ
Oct 10, 2023
Cover
ထိုင်းနိုင်ငံအတွင်း ခွင့်ပြုချက်မရှိဘဲ အလုပ်လုပ်ကိုင်နေတဲ့ ရွှေ့ပြောင်းအလုပ်သမား ၃၀၀၀ ကျော် ဖမ်းဆီးခံရ
Sep 30, 2023
Cover
ထိုင်း MOU အလုပ်သမားများ အလုပ်ခန့်ထားမှုဆိုင်ရာသဘောတူစာချုပ်ကို ရန်ကုန်မြို့ မြောက်ဒဂုံအလုပ်သမားရုံးမှာသာ ချုပ်ဆိုရန်သတ်မှတ်ထား
Sep 18, 2023