ဧရာဝတီတိုင်းဒေသကြီး ပုသိမ်အကျဉ်းထောင်တွင် နိုင်ငံရေးအကျဉ်းသားများ နေရာအခက်ခဲ၊ စားသောက်ရေးအခက်ခဲ တွေ ကြုံတွေ့နေရရုံသာမက သောက်ရေမရရှိတဲ့ အတွက် ချိုးရေကိုသာ သောက်သုံးနေရတယ်လို့ မြန်မာနိုင်ငံလုံးဆိုင်ရာအကျဉ်းသားများကွန်ယက်(PPNM)မှ သိရပါတယ်။
သောက်ရေမရရှိတဲ့ အတွက် ချိုးရေကို သောက်သုံးနေကြရတာမှာ အကျဉ်းထောင်အတွင်း မှ ချိုးရေကန် မှာ ခဲဓာတ်ပါ တဲ့ ရေများဖြစ်တာကြောင့် သက်ကြီးပိုင်း နိုင်ငံရေးအကျဉ်းသားများဟာ လမ်းမလျှောက်နိုင်တဲ့ ပြဿနာများလည်း ဖြစ်ပေါ်နေတယ်လို့ ဆိုပါတယ်။
ကျန်းမာရေးမကောင်းတဲ့ နိုင်ငံရေးအကျဉ်းသား တွေ ကို ထောင်အာဏာပိုင်တွေက လုံလောက်တဲ့ ကျန်းမာရေးစောင့်ရှောက်မှုလည်း မပေးတာ ကြောင့် ကျန်းမာရေးပိုင်း ပိုမိုခက်ခဲလာကြတယ်လို့ မြန်မာနိုင်ငံလုံးဆိုင်ရာအကျဉ်းသားများကွန်ယက်(PPNM)က ထုတ်ပြန်ထားပါတယ်။
ဒါ့အပြင် ပုသိမ်အကျဉ်းထောင် အတွင်း နေထိုင်မှုအတွက် လိုအပ်ချက် တွေ ကို ထောင်အာဏာပိုင် တွေမှာ တာဝန်ရှိသော်လည်း ၎င်းတို့က ပြင်ဆင်ပေးခြင်း မရှိတဲ့ အပြင် အခြားအမှုနဲ့ ကျခံလျက်ရှိတဲ့ တန်းစီးများနဲ့ ထောင်ဝန်ထမ်းတွေ က ပူးပေါင်းကာ အခန်းတွင်းမီးလုံးဝယ်ခြင်းမှ အစ အခြားငွေကြေးကောက်ခံမှု တွေပါ နိုင်ငံရေးအကျဉ်းသားတွေအပေါ် ပြုလုပ်တယ်လို့ ဆိုပါတယ်။
လက်ရှိမှာလည်း ဧရာဝတီတိုင်းဒေသကြီး အတွင်း စစ်ရေးအခြေနေတင်းမာလာမှုနဲ့ အတူ ပုသိမ်အကျဉ်းထောင်အတွင်း မှာလဲ စစ်ဆေးရေးတွေ တင်းကြပ်ကာ ဆေးဝါးနဲ့စားသောက်စရာများ ပါဆယ်ပို့ခြင်း ကိုပါ ကန့်သတ်ထားတယ်လို့ သိရပါတယ်။
Myanmar Labour News ရဲ့ နောက်ဆုံးရအလုပ်သမားရေးရာ သတင်းတွေကို
