ဒီကနေ့ညနေပိုင်းရန်ကုန်တိုင်းဒေသကြီးမရမ်းကုန်းမြို့နယ်ထဲကစစ်ကောင်စီတပ်တွေရဲ့စစ်လက်နက်ထုတ်လုပ်ရေးအပါအဝင်ရန်ကုန်နဲ့မန္တလေးမြို့ကြီးတွေပေါ်ကစစ်ကောင်စီတပ်တွေရှိနေတဲ့နေရာတွေမှာဗုံးပေါက်ကွဲမှု့တွေဖြစ်ပွားခဲ့ပြီးစစ်ကောင်စီတပ်သားတွေလဲထိခိုက်သေဆုံးတာတွေရှိခဲ့တယ်လို့သိရပါတယ်။
ပန်းဆိုးတန်းအကောက်ခွန်ရုံး
ဒီကနေ့မနက်ပိုင်း၁၂နာရီဝန်းကျင်လောက်မှာပဲ
ရန်ကုန်မြို့လယ်ခေါင် ပန်းဆိုးတန်းနှင့်ကမ်းနားလမ်းအနီး အကောက်ခွန်ရုံးမှာပထမဦးစွာဗုံးတလုံးပေါက်ကွဲခဲ့ပြီးစစ်ကောင်စီတပ်တွေထပ်မံရောက်ရှိလာတဲ့အခါမှာပဲရှေ့ဆင့်နောက်ဆင့်ဆိုသလိုဗုံး၂လုံးပေါက်ကွဲခဲ့တဲ့အတွက်စစ်ကောင်စီတပ်သားတချို့ထိခိုက်သွားတယ်လို့မျက်မြင်တွေ့ရှိရတဲ့ဒေသခံတွေကထုတ်ဖော်ပြောဆိုပါတယ်။
သန်လျင်
ရန်ကုန်တိုင်း၊ သန်လျင်မြို့ ပြည်တော်သာလမ်းရှိ အကြမ်းဖက်စစ်တပ်လက်အောက်ခံ ရဲလိုင်းခန်းကို ယနေ့မနက် ၆နာရီ၅၀မိနစ် အချိန်တွင် ဗုံးဖောက်ခွဲလိုက်ကြောင်း၊ အဆိုပါပေါက်ကွဲမူကို Urban Phoenix Force အဖွဲ့က အဝေးထိန်းဖြင့်သတိပေးဖောက်ခွဲမှုပြုလုပ်ခဲ့ခြင်းဖြစ်ပြီး ယနေ့အချိန်ထိပြည်သူ့ဘက်ရပ်တည်ရန်ကျန်ရှိနေသော ရဲဝန်ထမ်းများနှင့်မိသားစုဝင်များကို ပြည်သူ့ဘက်ကို အမြန်ဆုံးရပ်တည်ရန် သတိပေးဖောက်ခွဲ့မူပြုလုပ်ခဲ့ခြင်းဖြစ်သည်ဟု အဆိုပါအဖွဲ့က သတင်းထုတ်ပြန်ပါတယ်။
မဂ်လာတောင်ညွန့်
ယနေ့ နံနက် ၁၁ နာရီ ၂၀ မိနစ်အချိန် မင်္ဂလာတောင်ညွှန့်မြို့နယ်တွင်လည်း ဗုံးများပေါက်ကွဲကြောင်း ဒေသခံများကပြောဆိုခဲ့ပေမယ့်နေရာအတည်တကျနဲ့ထိခိုက်မှု့ကိုသီးခြားအတည်မပြုနိုင်သေးပါဘူး။
မန္တလေးမြဝတီဘဏ်
ဇန်နဝါရီလ ၇ရက်နေ့နံနက် 9:30 မန္တလေး ၈၁ x ၂၆ x ၂၇ လမ်း၊ စျေးချိုနာရီစင်အနီး စစ်တပ်ပိုင် မြဝတီဘဏ်ကို ဆိုင်ကယ်စီးအမျိုးသား ၂ဦးက လက် ပစ်ဗုံးနှင့်ပစ်ပေါက်တိုက်ခိုက်ရာ ငွေလာထုတ်သူအမျိုးသားအပါ ဘဏ်ဝန်ထမ်း ၂ဦး မစိုးရိမ်ရဒဏ်ရာရရှိကြောင်း သိရှိရပါတယ်။
ယာဥ်ထိန်းရဲရုံး
ဇန်နဝါရီ ၇ ရက်နေ့ မွန်းလွဲ ၁၂ နာရီ ၄၀ မိနစ်အချိန် လမ်း၉၀ ၃၀× ၃၁ ကြားရှိ ယာဥ်ထိန်းရဲရုံးအဆောက်အုံကို လက်လုပ်မိုင်းဖြင့်တိုက်ခိုက်ခံရကြောင်း၊ အလားတူ ၃၆ လမ်း၊ ၈၃ လမ်း၊ ၈၂ လမ်းတွင်လည်း ဗုံးပေါက်ကွဲမှုဖြစ်ကြောင်း သိရှိရပါတယ်။
MIT ကျောင်း
ယနေ့နံနက် ၇ နာရီအချိန် ၇၃ လမ်း၊ ၁၀၇ လမ်း၊ ၁၀၉ လမ်း MIIT ကျောင်းရှေ့ အရှေ့ဘက်တွင် ဗုံးပေါက်ကွဲကြောင်း ၊အလားတူ ပုသိမ်ကြီးမြို့ နယ် လ.ဝ.က ရုံးတို့တွင် ဗုံးပေါက်ကွဲကြောင်း သိရှိရပါတယ်။
မရမ်းကုန်း ကပစဝန်း
စစ်ကောင်စီတပ်တွေရှိနေတဲ့ရန်ကုန်တိုင်း မရန်းကုန်း ကပစဝန်းထဲမှာဒီကနေ့ညနေပိုင်းကပေါက်ကွဲမှု့ဖြစ်ပွားခဲ့တယ်လို့သိရပါတယ်။
"လက်နက်ထုတ်တဲ့ ဝန်း ဆိုလားသေကြပီလား မသိအိမ်ကနေအကျယ်ကြီးကြားရတယ်"လို့ဒေသခံတဦးကပြောပါတယ်။
ပုံစာ-မရမ်းကုန်း ကပစဝန်းအတွင်းပေါက်ကွဲမှု့မြင်ကွင်း။
KZ - စုစည်းသည်။
