လှိုင်သာယာ၊ အနောက်ပိုင်းမြို့နယ်၊ အလယ်ကျေးရွာ၊ ရွှေလင်ပန်းစက်မှုဇုန်၊ နဝဒေ မင်းကြီးလမ်း ရှိ ကျင့်ကျန့် အထည်ချုပ်စက်ရုံက အလုပ်သမားတွေဟာ စုပေါင်းဆန္ဒပြတောင်းဆိုခဲ့ကြတယ်လို့ သိရပါတယ်။
အဆိုပါစက်ရုံဟာ အလုပ်သမားစုစုပေါင်း ၁၅၄၀ ဦးဖြင့် လည်ပတ်လုပ်ကိုင်လျက်ရှိပြီး တရုတ်နိုင်ငံသား ပိုင်ဆိုင်ကာ ၂၀၁၅ ဇူလိုင်က စတင်စက်ရုံဖွင့်လှစ်ခဲတာလို့သိရပါတယ်။
၂ဝ၂၃ ဇွန်အချိန်၃ရက်နေ့က အလုပ်သမား စုစုပေါင်း ၂ဝဝ ဦးခန့်တို့က စက်ရုံတွင်း လုပ်ငန်းခွင်သို့ ဝင်ရောက်လုပ်ကိုင်ခြင်းမရှိဘဲ စက်ရုံဝင်းအတွင်းအေးချမ်းစွာစုပေါင်းတောင်းဆိုခဲ့တယ်လို့သိရပါတယ်။
အဆိုပါအလုပ်သမားတွေဟာ အစမ်းခန့် ကာလ (၃)လပြည့်ပါက ကျွမ်းကျင်ကြေး (၂၀၀၀၀)ကျပ် တိုးပေးရန်နှင့် (၁)နှစ်လျှင် (၁၁၀၀၀)ကျပ် နှစ်တိုးပေးရန်ဆိုတဲ့ တောင်းဆိုချက် အချက် (၂)ချက်အား တောင်းဆိုခဲ့တယ်လို့ သိရပါတယ်။
အဲဒီလိုတောင်းဆိုမှုနှင့် ပတ်သက်လို့ လာမဲ့ဇွန်လ၁၅ရက်နေ့မှာ လှိုင်သာယာ အနောက်ပိုင်း မြို့နယ်ရှိ အလုပ် သမားရုံးမှာ အလုပ်ရှင် အလုပ်သမားများ နှစ်ဖက် ညှိနှိုင်းဆွေးနွေးဖို့သဘောတူထားပြီး လုပ်ငန်းခွင်ပြန်လည်ဝင်ရောက်လုပ်ကိုင်နေတယ်လို့ သိရပါတယ်။
#MyanmarLabourNews