NEWS

လှိုင်သာယာက စက်ရုံ အလုပ်သမားတစ်ထောင်ကျော် ဒေးကြေး ၅၆၀၀ တိုးပေးဖို့စက်ရုံတွင်းသပိတ်မှောက်တောင်းဆို

CoverLogo
1.1K Views

လှိုင်သာယာမြို့နယ် စက်မှုဇုန် ၂ ဖန်ချက်၀န်ဦးရွှေအိုးလမ်း အမှတ်၂၅/၅၆မှာ  အလုပ်သမား ၁၀၀၀ ကျော်နဲ့ လည်ပတ်နေတဲ့ တရုတ်နိုင်ငံသားပိုင် Beaume internation Garment MFG CO'LDT  နဲ့ Popular internation Garment Manufuring CO'LDT စက်ရုံကအလုပ်သမားတွေဟာ  အနိမ့်ဆုံးလုပ်လစာဒေးကြေး ၅၆၀၀ တိုးပေးဖို့ စက်ရုံတွင်းသပိတ်မှောက် တောင်းဆိုနေတယ်လို့ သိရပါတယ်။

PRO, TOPTEX, Rab, Carrefour, REGATTAစတဲ့အမှတ်တံဆိပ်တွေချုပ်လုပ်နေတာဖြစ်တယ်လို့သိရပါတယ်။

“ဟုတ်ပါတယ်ရှင့်။ တောင်းဆိုမှုပြုလုပ်နေပါတယ်။ တစ်ခြားစက်ရုံမှာ ဒေးကြေး၅၆၀၀ တိုးပေးလာကြတော့ ကျွန်မတို့စက်ရုံက ၀န်ထမ်းတွေကလည်း  ဒေးကြေး၅၆၀၀တိုးပေးစေချင်ကြတာပေါ့။ အဲ့လိုကြောင့်  အလုပ်သမားတွေအကုန်လုံးက WCCကနေတစ်ဆင့်  ၅၆၀၀တိုးပေးဖို့ရယ်  ရက်မှန်ကြေးရယ် ကျွမ်းကျင်ကြေးအရမ်းနည်းပါးတာရယ်ကြောင့် ကျွန်မတို့ကဒီဟာကိုတိုးပေးဖို့ စက်ရုံကလူကြီးတွေကို တင်ပြတဲ့အခါ သူတို့ကအစိုးရကမတိုးပေးမချင်း ဘယ်စက်ရုံတိုးတိုးမတိုးပေးနိုင်ပါဘူးလို့ စက်ရုံမှူးကပြောလိုက်တဲ့အတွက်ကြောင့် စက်ရုံတစ်ရုံလုံးကအလုပ်မလုပ်ဘဲ လုပ်ငန်းခွင်ထဲမှာနေနေကြတာပါရှင့်”လို့ တောင်းဆိုသူများထဲမှ အလုပ်သမားတစ်ဦးကဆိုပါတယ်။  

စက်ရုံဘက်က အခုလိုတောင်းဆိုမှုကြောင့် စက်ရုံပေါင်းရုံ ၁၀၀၀ ရှိမည်ဆိုပါက စက်ရုံ၉၀၀ကျော်လောက်ကတိုး ပေးမှသာတိုးပေးမယ်လို့ပြောလာပါတယ်။

အခြားတောင်းဆိုချက်တွေကို လည်း  တောင်းဆိုနေစဉ်ကာလအတွင်းမှာ တိုးပေးမှာမဟုတ်ဘဲ  အလုပ်လုပ်ပြီးနှစ်လသုံးလခန့်မှစဉ်းစားပေးမယ်လို့ပြောဆိုတာကြောင့် ၀န်ထမ်းများလက်မခံတာဖြစ်တယ်လို့ သိရပါတယ်။

လုပ်ခလစာဟာ ည ၆ နာရီအထိဆင်းရပေမဲ့  သူများအချိန်ပိုမဆင်းရတဲ့လစာလောက်သာရတဲ့အတွက်ကြောင့် ၀န်ထမ်းများအဆင်မပြေတဲ့အတွက် ဆန္ဒပြတောင်းဆိုဖို့စိတ်ကူးမရှိပေမဲ့ စက်ရုံဘက်ကလိုက်လျောမှုမရှိလို့ထိုင်သပိတ်လုပ်နေတာဖြစ်တယ်လို့ ဆိုပါတယ်။

“ရတဲ့အထိတော့တောင်းဆိုသွားမယ်။ မတရားတောင်းဆိုနေတာမဟုတ်ပါဘူး။  ကျွန်မတို့အဆင်မပြေလွန်း လို့သာ အများနည်းတူသူများရုံတွေလို ၅၆၀၀ ပေးဖို့ တရားသဖြင့်တောင်းဆိုနေတာပါ။ မတတ်နိုင်တဲ့နှုန်းထားတွေကိုတောင်းဆိုနေတာမဟုတ်ပါဘူး။ ဥပဒေထက်သာလွန်ကောင်းမွန်တဲ့အခွင့်အရေးအရ  အလုပ်သမား၈၀ရာခိုင်နှုန်းရှိရင် EC law အရတောင်းဆိုပိုင်ခွင့်ရှိတယ်လို့လည်းပါထားတယ်။  အဲ့ဒီlaw အတိုင်းပဲတောင်းဆိုနေတာပါ”လို့ ဆိုပါတယ်။

စက်ရုံမှာအလုပ်သမားတစ်ထောင်ကျော်ရှိပြီး စက်ရုံကပထမပေါ်ပြူလာပင်မ ရုံဟုခေါ်ထားတဲ့အလုပ်သမား၊ ဘိုးမီအလုပ်သမား၊ ပုတ်ပျက်အလုပ်သမားစသဖြင့်ရောနှောနေတာဖြစ်ပြီး အလုပ်သမားတွေအနေနဲ့ တောင်းဆိုချက်များရတဲ့အထိတောင်းဆိုမှာဖြစ်တယ်လို့ သိရပါတယ်။

အဆိုပါစက်ရုံဟာဂျပန်စတိုင် ဂျင်းဘောင်းဘီဂျင်းအင်ကျီ အ၀တ်အထည်တွေကို ချုပ်လုပ်ကာ  အလုပ်သမားတစ်ထောင်ကျော်ဖြင့်လည်ပတ်နေတာဖြစ်ပြီး  အဆိုပါအလုပ်သမားတွေရဲ့ မပြေလည်မှုတွေကြောင့်  အများစက်ရုံများနည်းတူဒေးကြေး၅၆၀၀တိုးပေးဖို့၊ ဒေးကြေးအလိုက် အချိန်ပိုနာရီတိုးပေးဖို့ ရက်မှန်ကြေးနဲ့ ကျွမ်းကျင်ကြေး A B C အဆင့်အလိုက် တိုးပေးဖို့တောင်းဆိုထားတယ်လို့ သိရပါတယ်။

#MyanmarLabourNews


Related posts

Cover
Myanmar sunway ဖိနပ်စက်ရုံ အော်ဒါမရှိဘဲ ချုပ်ခိုင်းပြီး အလုပ်သမားများလျှော့ချနေလို့ စက်ရုံပိတ်သိမ်းနိုင်မလားဆိုပြီး မေးမြန်း
Mar 29, 2024
Cover
တရုတ်နိုင်ငံတွင် ဆန္ဒပြတောင်းဆိုမှု၊ ဦးဆောင်သူ မြန်မာအလုပ်သမားများအား အလုပ်ထုတ်
Mar 29, 2024
Cover
Myanmar Dihuali စက်ရုံ အလုပ်သမားများ သင်္ကြန်ပိတ်ရက် ရက်အစားလုပ်ကိုင်ပေးရသည့်အပြင် အချိန်ပိုအလုပ်ချိန်များမှ တရက်စာ ထပ်ဖြတ်ခံရ
Mar 27, 2024
Cover
လုပ်ငန်းခွင်အတွင်း စိတ်ပိုင်းဆိုင်ရာ အကြမ်းဖက်ခိုင်းစေနေဟုဆို
Mar 27, 2024
Cover
လုပ်ငန်းခွင်မှာ အထည်စံချိန်အလွန်အကျွံတောင်းခံ
Mar 24, 2024
Cover
လုပ်ငန်းခွင်ဆိုင်ရာ ခံစားခွင့်တွေ ခွင့်ပြုပေးဖို့ အလုပ်သမားတွေတောင်းဆို
Mar 23, 2024
Cover
တရုတ်နိုင်ငံ SHANGCHENG Garment မှ မြန်မာလုပ်သား ၂၀၀ ခန့် နေရပ်ပြန်
Mar 22, 2024
Cover
တရုတ်နိုင်ငံတွင် တောင်းဆိုမှုပြုလုပ်ခဲ့သည့် မြန်မာအထည်ချုပ် အလုပ်သမားများ ညှိနှိုင်းမှု မပြေလည်၊ လုပ်သားတချို့ နေရပ်ပြန်မည်
Mar 21, 2024