NEWS

စက်ရုံအများစုကအနည်းဆုံးလုပ်ခလစာတိုးမြင့်လာကြပေမဲ့ အလုပ်သမားတွေအတွက်ကိုက်ညီမှုမရှိသေးဟုဆို

CoverLogo
693 Views

ယခုရက်ပိုင်းမှာ ရန်ကုန်မြို့ကစက်ရုံအများစုဟာ တစ်​ရက်လျှင် အနိမ့်ဆုံးလုပ်ခ ၅၆၀ဝ ကျပ် သို့တိုးမြှင့်လာကြလို့ အလုပ်သမားတွေကြားရေပန်းစားနေတာဖြစ်သလို တိုးမြင့်ပေးလာတဲ့နှုန်းထားဟာ အလုပ်သမားတွေအတွက် ကိုက်ညီမှုမရှိတဲ့နှုန်းထားသာဖြစ်တယ်လို့ သိရပါတယ်။

"ညီမတို့အနေနဲ့က ဘရမ်းတွေကို အနိမ့်ဆုံးလုပ်ခလစာနဲ့ပတ်သက်ပြီးတော့ ဖိအားပေးထားတာတွေရှိတယ်။ အဲ့ဒီလိုမျိုးဖိအားတွေပေးထားတဲ့အခါကျတော့  လုပ်ငန်းရှင်တွေနဲ့လည်း ပူးပေါင်းညှိနှိုင်းပြီးဆုံးဖြတ်ချက်ချလိုက် တယ်လို့ထင်ပါတယ်။ အဲ့ဒီလိုဆုံးဖြတ်ချက်ချလိုက်လို့ တစ်သံတည်းတစ်ပြိုင်တည်းထွက်လာတယ်လို့မြင်ပါတယ်။ ခုလဟိုစက်ရုံတိုး  နောက်လနောက်စက်ရုံတိုးဆိုတာမျိုးမဟုတ်ဘဲ အာလုံးတစ်ပြိုင်တည်းဖြစ်လာတယ်။ ခုလိုဒီလိုမျိုးတိုးသွားတယ်ဆိုတာကလည်း သူတို့ရဲ့တိုင်ပင်မှုတစ်ခုလို့ပဲသုံးသပ်တယ်။ နောက်မှာလည်းဖိအားတွေလည်းရှိမယ်ထင်တယ်။  တိုးပေးမယ်လို့ကြိုတင်ပြောဆိုတာမရှိဘူး အားလုံးသိလိုက်ရတာဒီ၅လပိုင်းပေါ့။ တစ်နေ့ကမှသိလိုက်ရတာ" လို့ အနိမ့်ဆုံးလုပ်ခလစာတိုးမြှင့်ပေးဖို့ တောင်းဆိုခဲ့တဲ့​အလုပ်သမားများထဲမှ အလုပ်သမားတစ်ဦးက ဆိုပါတယ်။

စက်ရုံကလုပ်ငန်းရှင်တွေဟာ ယခုရက်ပိုင်းမှာ အနိမ့်ဆုံးလုပ်ခလစာတစ်နေ့၅၆၀၀ကျပ်ကနေ ၆၀၀၀ ကျပ်သို့တိုးမြှင့်ပေးလာကြတာရှိသလို တစ်နေ့၅၆၀၀ကျပ်နဲ့အချိန်ပိုတစ်နာရီ ၁၄၀၀ကျပ်ဖြင့် လုပ်သားခေါ်ယူမှူတွေကလည်း စက်ရုံအများစုတစ်ပြိုင်တည်းထွက်ပေါ်လာတယ်လို့ သိရပါတယ်။

တိုးမြင့်ပေးလာတဲ့နှုန်းထားတွေကတော့ အများဆုံး၆၀၀၀နဲ့ ၅၆၀၀ ကိုအများဆုံးတွေ့ရပြီး  ၅၆၀၀နဲ့ ၆၀၀၀အကြား တိုးပေးထားကြတာကိုလည်းတွေ့လာရတာကြောင့် အဆိုပါနှုန်းထားက ကျပ် ၈၀၀ သာတိုးလာတာဖြစ်လို့ ဒါဟာ အလုပ်သမားတွေအတွက်လုံးဝအဆင်မပြေသေးဘူးလို့ ဆိုပါတယ်။

"လုံး၀အဆင်မပြေသေးပါဘူး။ ဘာလို့လဲဆိုတော့ ၅၆၀၀ဆိုတာက ဟိုလိုကြီးတိုးသွားတာမဟုတ်ဘူး။ ၈၀၀လောက်ပဲတိုးသွားတာဖြစ်တယ်။ တစ်ထောင်တောင်မပြည့်ပါဘူး။ ၄၈၀၀ထက်တော့ တော်သေးတာပေါ့ ဒါပေမဲ့ကျွန်မတို့က ၇၀၀၀ လောက်မှန်းထားကြတာ။ ဒီနှစ်နှစ်အတောတွင်းမှာ ဒေါ်လာစျေးနဲ့တွက်မယ်ဆိုရင်  ၂၀၁၈ခုနှစ်က ဒေါ်လာစျေးနဲ့တွက်မယ်ဆိုရင်  ၃ဒသမ၅ဒေါ်လာရှိပါတယ်။ ခု၃ဒသမ၅ဒေါ်လာနဲ့ဆ်ိုရင်  အဲဒီဒေါ်လာနဲ့တွက်မယ်ဆိုရင် တစ်နေ့လုပ်အားခ ၇၃၅၀ရှိပါတယ်။ အဲ့တော့ခုကနည်းပါတယ်။ အလုပ်သမားတွေအတွက်  မကိုက်ညီသေးပါဘူး" လို့ ဆိုပါတယ်။

ခုလိုတစ်နေ့လုပ်ခတိုးမြှင့်တာနဲ့ပတ်သက်ပြီး မြန်မာပေါင်ချိန်အလုပ်သမားသမဂ္ဂရဲ့Page မှာ" ငါတို့ကတော့ ၄၈၀၀ ထဲကတောင်နှုတ်ခံရမခလားမသိဘူးဆိုတာတွေ့ရှိတယ်။ တစ်ချို့ကျတော့လည်း ငါတို့ကတော့ ၃၆၀၀ ခေတ်ပဲရောက်နေသေးတယ်" ဆိုတဲ့ ပြောဆိုမှုတွေလည်းရှိနေလို့ အလုပ်သမားတွေအခွင့်အရေးချိုးဖောက်နေတာတွေကို  ဖော်ထုတ်ပေးနေမှာဖြစ်ပြီး  
တိုးပေးလာတဲ့အပေါ် လုပ်ငန်းရှင်တွေကိုလည်း ကျေးဇူးတင်သလို ဖြစ်နိုင်မယ်ဆိုရင် အလုပ်သမားတွေအတွက် ကိုက်ညီမဲ့ဒီထက်ပိုရမဲ့နှုန်းထားကို မျှော်လင့်တယ်လို့ ဆိုပါတယ်။

လက်ရှိမြန်မာနိုင်ငံမှာ အနိမ့်ဆုံးလုပ်ခ ၄၈၀၀ လို့ သတ်မှတ်ထားပေမဲ့ အလုပ်ရှင်တွေဟာ အဲ့ဒီထက်ပိုပေးတာမျိုးမရှိဘဲ ၄၈၀၀ကအမြင့်ဆုံးဖြစ်နေပြီး အချို့သောအလုပ်သမားတွေမှာ  ကိုဗစ်ဖြစ်ပွားချိန်မှစကာ လက်ရှိအာဏာသိမ်းကာလအထိ  စီးပွားရေးကျဆင်းမှုကြောင့်ဟုဆိုကာ  ၃၆၀၀ ကျပ်ဖြင့်သာပေး ချေနေကြတာတွေလည်းရှိနေပါတယ်။

၄၈၀၀ကျပ်ပြဌာန်းမှု နှစ်နှစ်ပြည့်ခဲ့ပြီး  ထပ်မံတိုးမြှင့်ပြဌာန်းပေးရန် ပျက်ကွက်ခဲ့တာကြောင့် လက်ရှိအလုပ်သမားတွေဟာ Double Charges နှစ်ခုနစ်နာခဲ့တာပါ။

အနည်းဆုံးအခကြေးငွေကျပ် ၄၈၀၀ သတ်မှတ်ပြီးနှစ်နှစ်တစ်ကြိမ်ပြန်လည်ပြင်ဆင်ရန် သတ်မှတ်မယ်လို့  မျှော်လင့်ခဲ့ပေမဲ့ ငါးနှစ်ပြည့်သည့်တိုင် ပြောင်းလဲခြင်းမရှိခဲ့ဘဲ လက်ရှိကုန်ဈေးနှုန်းကြီးမြင့်ချိန်အထိ ၄၈၀၀ဖြစ်နေတာကြောင့်  သင့်တင့်တဲ့ပြောင်းလဲမှုတစ်ခုတိုးမြင့်ပေးဖို့ လိုအပ်နေတာပါ။

#MyanmarLabourNews


Related posts

Cover
Myanmar Dihuali စက်ရုံ အလုပ်သမားများ သင်္ကြန်ပိတ်ရက် ရက်အစားလုပ်ကိုင်ပေးရသည့်အပြင် အချိန်ပိုအလုပ်ချိန်များမှ တရက်စာ ထပ်ဖြတ်ခံရ
Mar 27, 2024
Cover
လုပ်ငန်းခွင်အတွင်း စိတ်ပိုင်းဆိုင်ရာ အကြမ်းဖက်ခိုင်းစေနေဟုဆို
Mar 27, 2024
Cover
လုပ်ငန်းခွင်မှာ အထည်စံချိန်အလွန်အကျွံတောင်းခံ
Mar 24, 2024
Cover
လုပ်ငန်းခွင်ဆိုင်ရာ ခံစားခွင့်တွေ ခွင့်ပြုပေးဖို့ အလုပ်သမားတွေတောင်းဆို
Mar 23, 2024
Cover
တရုတ်နိုင်ငံ SHANGCHENG Garment မှ မြန်မာလုပ်သား ၂၀၀ ခန့် နေရပ်ပြန်
Mar 22, 2024
Cover
တရုတ်နိုင်ငံတွင် တောင်းဆိုမှုပြုလုပ်ခဲ့သည့် မြန်မာအထည်ချုပ် အလုပ်သမားများ ညှိနှိုင်းမှု မပြေလည်၊ လုပ်သားတချို့ နေရပ်ပြန်မည်
Mar 21, 2024
Cover
အထည်စံချိန်အဆမတန်ချုပ်ခိုင်းပြီး မရပါက ဥပဒေမဲ့အလုပ်ထုတ်နေ
Mar 20, 2024
Cover
လုပ်အားခ မပေးဘဲ အချိန်ပိုအား မဆင်းဟုဆိုကာ G&B အထည်ချုပ်စက်ရုံ အလုပ်ထုတ်
Mar 17, 2024