NEWS

Amava Apparel အထည်ချုပ်စက်ရုံက စုပေါင်းတောင်းဆိုမှု ပြေလည်သွားပြီဟုသိရ

CoverLogo
1.1K Views

ဧရာဝတီတိုင်းဒေသကြီး ၊ ပုသိမ်မြို့နယ် ၊အမှတ်၁၃ရပ်ကွက်ရှိ Amava Apparel အထည်ချုပ်စက်ရုံမှာ  ၄.၅.၂၀၂၃  ရက်မှာအလုပ်သမားများ လုပ်ငန်းခွင်အတွင်းလုပ်လက်စအလုပ်များရပ်ကာ စုပေါင်းတောင်းဆိုခဲ့ကြပြီး ဒုတိယ မြောက်
နေ့မှာ ပြေလည်သွားပြီလို့ သိရပါတယ်။

လုပ်ငန်းခွင်ထဲမှာ ဆေးခွင့် ၁ ရက်ယူပါက သို့မဟုတ် ရှောင်တခင်ခွင်ရက် ၂ရက်ယူရင် ရက်မှန်ကြေး ၁၀၀၀၀ ကျပ်ဖြတ်တောက်မယ်လို့ စက်ရုံဘက်ကပြောတဲ့အပေါ်ကျေနပ်မှုမရှိလို့ လုပ်ငန်းခွင် ရပ်နားပြီး စုပေါင်းတောင်းဆိုခဲ့ကြတာလို့ သိရပါတယ်။

"အလုပ်သမားတွေက လက်မခံဘူး ၂၀၁၉ ခုနှစ်က အလုပ်ရှင်၊အလုပ်သမား ၊ ဌာနဆိုင်ရာနဲ့ချုပ်ဆိုခဲ့တဲ့ စာချုပ်အတိုင်း ဘာခွင့်ယူယူ ၃ရက်ပျက်မှ တစ်သောင်းကျပ်ဖြတ်မယ် ဆိုတာကို တောင်းဆိုကြတာ" လို့ တောင်းဆိုရာမှာပါတဲ့အလုပ်သမားကပြောပါတယ်။

ဒုတိယမြောက်နေ့မှာတော့ တောင်းဆိုချက်နဲ့ပတ်သက်ပြီး စက်ရုံဘက်က မိုက်နဲ့ကြေညာပြီး ပြေလည်မှုရသွားတဲ့အတွက် အလုပ်သမားေတွ လုပ်ငန်းခွင်မှာ ပြန်လည်လုပ်ကိုင်နေကြတယ်လို့ ဆိုပါတယ်။

" ဒီနေ့ စက်ရုံဘက်ကကြေညာတယ် ဝန်ထမ်းအားလုံး လူဟောင်း လူသစ်မခွဲခြားဘဲ ဘာခွင့်ယူယူ ၃ ရက်ပျက်မှသာ ရက်မှန်ကြေး ၃၀၀၀၀ ကျပ်ထဲက ၁၀၀၀၀ကျပ်သာ ဖြတ်တောက်မယ်လို့ " အဆိုပါ စက်ရုံမှ အလုပ်သမားတစ်ဦးကပြောပါတယ်။

အလုပ်ခွင်ရပ်ပြီး စုပေါင်းတောင်းဆိုရာမှာ နေ့စားသမားတွေကလွဲပြီး  အလုပ်သမား ၁၀၀၀ ကျော်ကပါဝင်တောင်းဆိုခဲ့ကြတယ်လို့ ဆိုပါတယ်။

အဆိုပါစက်ရုံဟာ သီရိလကာ်နိုင်ငံသားပိုင် ဖြစ်ပြီး ၊လုပ်သား တစ်ထောင်ကျော်နဲ့ လည်ပတ်နေကာ BLAKLADER  Brand ကိုချုပ်လုပ်နေတာဖြစ်တယ်လို့ သိရပါတယ်။

ပြီးခဲ့တဲ့ ၂၀၁၉ ခုနှစ် ၇လပိုင်း ၂၉ရက်နေ့မှာလဲ အလုပ်သမားအခွင့်အရေးချိုးဖောက်ခံရတာ၊ လုပ်ငန်းခွင်တွင်း ဖိနှိပ်ခံရတာတွေနဲ့ လိင်ပိုင်းဆိုင်ရာ ထိပါးနှောင့်ယှက်ခံရတာတွေကြောင့် အလုပ်သမားတစ်ထောင်ခန့်ဟာ ၁၉ ချက်ပါ တောင်းဆိုချက်အား စက်ရုံရှေ့တွင်စုပေါင်းတောင်းဆိုခဲ့တယ်လို့သိရပါတယ်။

#MyanmarLabourNews


Related posts

Cover
အထည်ချုပ် အလုပ်သမားအသစ်များအပေါ် ခွဲခြားဆက်ဆံမှုများ၊ ဆိုးရွားသည့် လုပ်ငန်းခွင် အခြေအနေများ
May 11, 2025
Cover
Suntime Jck အထည်ချုပ်စက်ရုံတွင် အလုပ်ရပ် တောင်းဆိုမှု ပြုလုပ်
May 10, 2025
Cover
Rainbow Tec Myanmar အထည်ချုပ် လုပ်သက်တစ်နှစ်ကျော်သည်အထိ လစားအဖြစ် မခန့်
May 10, 2025
Cover
ငလျင်ဘေးသင့် လူမှုဖူလုံရေးအာမခံ လုပ်သားများ သဘာဝ ဘေးအန္တရာယ်ကျရောက်မှုဆိုင်ရာ မိသားစုထောက်ပံ့မှုအကျိုးခံစားခွင့် လျှောက်ထားနိုင်
May 09, 2025
Cover
Myanmar Jiale Fashion စက်ရုံ လစာပြန်ပေး၊ အလုပ်သမားများ လစာအတွက် စိုးရိမ်မှု ရှိနေ
May 09, 2025
Cover
Myanmar Handsome အထည်ချုပ်စက်ရုံ တပတ် နာရီ ၂၀ ကျော် အချိန်ပို လုပ်ခိုင်း
May 09, 2025
Cover
ကျောင်းသူအရွယ် မိန်းကလေးငယ်ကို တရုတ်မယား ပြုလုပ်ရန် စည်းရုံးတဲ့ တရုတ်နိုင်ငံသားအပါ ၃ ဦး ကို အလုပ်နှင့်ထောင်ဒဏ် ၁၀ နှစ်စီချ
May 09, 2025
Cover
ငလျင်ဒဏ်သင့် အလုပ်သမားအပေါ် ချိုးဖောက်မှုတွေ ရှိနေ
May 09, 2025