NEWS

အလုပ်သမား သမဂ္ဂခေါင်းဆောင်တွေ အလုပ်ရရှိရန် ခက်ခဲနေ

CoverLogo
777 Views

စစ်အာဏာသိမ်းပြီးနောက်ပိုင်း စက်ရုံအလုပ်ရုံလုပ်ငန်းခွင်တွေမှာရှိတဲ့ အလုပ်သမားသမဂ္ဂခေါင်းဆောင်တွေကို အလုပ်ထုတ်တာတွေ လုပ်သားအင်အားလျှော့ချတာတွေ ပြုလုပ်တဲ့အတွက်ကြောင့် အလုပ်သမားသမဂ္ဂခေါင်းဆောင်ပြုလုပ်ဖူးသူနဲ့ အဖွဲ့ဝင် အဖြစ်လုပ်ကိုင်ခဲ့သူတွေကို အလုပ်ခန့်ထားမှုမရှိလို့ အလုပ်အကိုင်ရရှိဖို့ ခက်ခဲနေတယ်လို့ သိရပါတယ်။

ဧရာဝတီတိုင်းဒေသကြီး၊ ပုသိမ်မြို့ရှိ အထည်ချုပ်စက်ရုံများတွင်လဲ အလုပ်သမားသမဂ္ဂခေါင်းဆောင်းအချို့ အလုပ်ထုတ်ခံရမှု၊ လုပ်သားလျှော့ချမှုများတွင်ပါဝင်နေပြီး တခြားစက်ရုံကိုပြောင်းလျှောက်ရာတွင် သမဂ္ဂခေါင်းဆောင်အဖြစ် စာရင်းပေါက်နေတဲ့အတွက် အလုပ်မခေါ်ဘူးလို့သိရပါတယ်။

"  ကျွန်တော်ဆို လုပ်သားလျှော့တဲ့ထဲမှာပါခဲ့တယ် ပုသိမ်စက်မှုဇုန်က တခြားစက်ရုံတွေကိုလိုက်လျှောက်ခဲ့တယ် ဘယ်စက်ရုံမှမရခဲ့ဘူး သူများတွေကိုအသီးသီးခေါ်တယ် ကိုယ့်ကျမှ ပယ်ချခဲ့တယ် ဘာလို့လဲမေးတာမဖြေဘူး နောက်ဆုံး HuaboTime အထည်ချုပ်စက်ရုံကိုသွားလျှောက်တော့လဲ ကိုယ်တစ်ယောက်ထဲကိုပဲ ပယ်ခဲ့တယ် ဝန်ထမ်းတစ်ဦးကိုမေးကြည့်တော့ Amava Apparel အထည်ချုပ်စက်ရုံက black list စားရင်းထည့်ထားလို့လို့ပြောတယ်"လို့ Amava Apparel  အထည်ချုပ်စက်ရုံ ဝန်ထမ်း ဟောင်းဖြစ်သူထံက သိရပါတယ်။

အလားတူ Myanmar Knitting သိုးမွှေးအထည်ချုပ်စက်ရုံမှ သမဂ္ဂခေါင်းဆောင်များ ၊ အလုပ်သမားရေးတက်ကြွလှုပ်ရှားသူများ၊ HuaboTime အထည်ချုပ်စက်ရုံမှ သမဂ္ဂခေါင်းဆောင်များ ၊အလုပ်သမားရေးတတ်ကြွလှုပ်ရှားသူများ၊ Amava Apparelအထည်ချုပ်စက်ရုံမှ အလုပ်သမားသမဂ္ဂခေါင်းဆောင်များ၊ အလုပ်သမားရေးတတ်ကြွလှုပ်ရှားသူများကို ပုသိမ်မြို့ရှိ အထည်ချုပ်စက်ရုံများမှ အလုပ်ခန့်ထားရန် ငြင်းပယ်ကြတယ်လို့ အလုပ်သမားတွေထံက သိရပါတယ်။

လုပ်ငန်းခွင်ထဲမှာ အလုပ်သမားသမဂ္ဂခေါင်းဆောင်တွေကို  "ဘယ်စက်ရုံမှ အလုပ်လျှောက်မရအောင်လုပ်မယ်"လို့ ခြိမ်းခြောက်ခံရမှုများလဲရှိနေတယ်လို့ ဆိုပါတယ်။

လက်ရှိ ဧရာဝတီတိုင်းမှာ အထည်ချုပ်နှင့် ဆက်စပ် စက်ရုံပေါင်း ၁၂ ရုံခန့်ရှိပြီး လုပ်သားအင်အား ၁သောင်းခန့် လုပ်ကိုင်နေကြတာဖြစ်ပါတယ်။

 

ဓါတ်ပုံ- ပုံဟောင်း (၂၀၁၉)

#MyanmarLabourNews

 


Related posts

Cover
Myanmar Dihuali စက်ရုံ အလုပ်သမားများ သင်္ကြန်ပိတ်ရက် ရက်အစားလုပ်ကိုင်ပေးရသည့်အပြင် အချိန်ပိုအလုပ်ချိန်များမှ တရက်စာ ထပ်ဖြတ်ခံရ
Mar 27, 2024
Cover
လုပ်ငန်းခွင်အတွင်း စိတ်ပိုင်းဆိုင်ရာ အကြမ်းဖက်ခိုင်းစေနေဟုဆို
Mar 27, 2024
Cover
လုပ်ငန်းခွင်မှာ အထည်စံချိန်အလွန်အကျွံတောင်းခံ
Mar 24, 2024
Cover
လုပ်ငန်းခွင်ဆိုင်ရာ ခံစားခွင့်တွေ ခွင့်ပြုပေးဖို့ အလုပ်သမားတွေတောင်းဆို
Mar 23, 2024
Cover
တရုတ်နိုင်ငံ SHANGCHENG Garment မှ မြန်မာလုပ်သား ၂၀၀ ခန့် နေရပ်ပြန်
Mar 22, 2024
Cover
ခရီးသွားလာရာတွင် မှတ်ပုံတင်အပြင် တခြားထောက်ခံစာပါ တောင်းယူ
Mar 22, 2024
Cover
တရုတ်နိုင်ငံတွင် တောင်းဆိုမှုပြုလုပ်ခဲ့သည့် မြန်မာအထည်ချုပ် အလုပ်သမားများ ညှိနှိုင်းမှု မပြေလည်၊ လုပ်သားတချို့ နေရပ်ပြန်မည်
Mar 21, 2024
Cover
အထည်စံချိန်အဆမတန်ချုပ်ခိုင်းပြီး မရပါက ဥပဒေမဲ့အလုပ်ထုတ်နေ
Mar 20, 2024