ထိုင်းနိုင်ငံရောက် မြန်မာရွှေ့ပြောင်း အလုပ်သမားတွေ အလုပ်အကိုင်ရှာဖွေရာမှာ လိမ်လည်မှုတွေ ခံနေရ

cover
profile
Dec 16, 2022

မြန်မာနိုင်ငံမှာ စစ်အာဏာသိမ်းပြီးနောက်ပိုင်း စီးပွားရေးအခက်အခဲများကြောင့် တစ်ဖက်နိုင်ငံများသို့ တရားမဝင် ဝင်ရောက်  လာခဲ့ကြရပြီး ရွှေ့ပြောင်း အလုပ်လုပ်ကိုင်နေကြရတဲ့ မြန်မာပြည်သား အလုပ်သမားတွေဟာ အလုပ်အကိုင် ရရှိဖို့ ကြိုးစားရာတွင် အလုပ်စမတ်ခတွေ ပူးပေါင်းလိမ်လည်တာတွေ ခံနေကြရပါတယ်။
.
"ထိုင်းနိုင်ငံ စမုဆာခွန်ခရိုင် မဟာချိုင်မှာစက်ရုံ သို့မဟုတ် အလုပ်တစ်ခုခု ရချင်ရင် စမတ်ခ ဆိုပြီးပွဲစားတွေကို ပိုက်ဆံပေးပြီး ရှာရတယ်လို့"  မဟာချိုင်မြို့နယ် စက်ရုံံတစ်ခု မှာနေထိုင်တဲ့ မြန်မာအလုပ်သမားတစ်ဦးကပြောပါတယ်။
.
"စက်ရုံကြီးတွေမှာအလုပ်ရဖို့ အချိတ်ဆက်မရှိရင် လွယ်လွယ်လေးနဲ့ သွားစမတ်လို့မရဘူး၊ စာရေးမတွေက အလုပ်ရှာပွဲစားတွေနဲ့ပေါင်းပြီးလုပ်နေကြတာ၊ ကျမဆိုရင် အဲဒီစက်ရုံမှာ အလုပ်ရဖို့ငွေ ဘတ် ၃၅၀၀   တောင်ပေးပြီးသွားပြီ။ ပွဲစားကိုငှားလိုက်ပေမယ့် အလုပ်ကချက်ချင်းရမလာဘူး။ စောင့်လာတာလဲ ၃ လရှိနေပြီ။ ခုထိလည်းမရသေးဘူး ဘာမှလည်းအကြောင်းကြားတာ မရှိတဲ့အပြင် သူများအိမ်မှာ တည်းခိုနေရတဲ့အတွက် အဆင်မပြေမှုတွေလည်း ရှိနေပါတယ်လို့ သူမ က ဆက်ပြောပါတယ်။

မဟာချိုင်မြို့နယ် ဝီလလမ်းမှာရှိတဲ့ စက်ရုံကြီးမှာဆိုရင် အလုပ်ရဖို့ အလုပ်စမတ်ဖို့လာတဲ့သူတွေမှာ တစ်ရက်ကို လူဦးရေ ၃၀၀ ကနေ ၅၀၀ လောက်ရှိတယ်လို့ သိရပါတယ်။

"မနက် ၂ နာရီ ၃ နာရီကတည်းက ကြိုတင်လာတန်းစီထားကြပါတယ်။ အချို့ဆိုရင် အလုပ်မရလို့ ငိုယိုပြီးပြန်သွားကြတဲ့သူတွေရှိသလို၊ အချို့ဆိုရင် တပတ် ၁၅ ရက် မနက်တိုင်းလာပြီးတန်းစီပေမယ့် အလုပ်မရသေးတဲ့သူတွေလဲရှိနေတယ်"လို့ စက်ရုံ အလုပ်သမား တစ်ဦးက ပြောပါတယ်။
.
"အခုထိုင်းမှာက အလုပ်သမားတွေပေါပြီး အလုပ်နေရာကရှားနေတယ်။ အဲဒါကြောင့် စက်ရုံကြီးတွေဟာ အလုပ်သမားတွေကို အရမ်းရွေးတယ်။ အချိတ်အဆက်မရှိရင်ဝင်လုပ်ကိုင်ခွင့်ရဖို့မလွယ်ဘူး။ မနက်တိုင်းအလုပ်လာစမတ်ကြတဲ့ သူတွေမှာလဲ ပုလိပ်ရန်ကကြောက်ရသေးတယ်။ အလုပ်စမတ်လာတဲ့သူတွေကို ဝင်စစ်ဆေးလေ့ရှိတယ်။ အထောက်အထားမပြည့်စုံရင် ထိုင်းရဲက ဖမ်းဆီးတာတွေလဲ တွေ့နေရပါတယ်" လို့ ယင်းကဆိုပါတယ်။
.
လက်ရှိ မဟာချိုင်မှာဆိုရင် ကောင်းမွန်တဲ့ လုပ်ငန်းခွင်လို့ နာမည်ကြီးတဲ့ ပင်လယ်စာစက်ရုံကြီးတစ်ခုမှာ အလုပ်ဝင်ခွင့်ရမယ်ဆိုပြီး ထိုင်းနဲ့ မြန်မာ ပွဲစားတွေကို မြန်မာအလုပ်သမားတွေက ငွေပေးထားပြီး အလုပ်ဝင်ခွင့်ရဖို့ စောင့်ဆိုင်းရတာ ကြာလာတာကြောင့် စားဝတ်နေရေး ကြပ်တည်းလာလို့ ကြာလာတော့ အလုပ်သမားတွေဟာ ဒီကိစ္စကို ဖြေရှင်ပေးဖို့ ထိုင်းနိုင်ငံအလုပ်သမား ကူညီစောင့်ရှောက်ရေး ရုံးရှေ့မှာ ဆန္ဒပြမှုတွေပြုလုပ်လာကြပါတယ်။
.
ထောင်နဲ့ချီတဲ့အလုပ်သမားတွေရဲ့ တောင်းဆိုမှုကို ထိုင်းအာဏာပိုင်တွေက သတိထားမိခဲ့ပြီး ဒီကိစ္စကို ဖြေရှင်းဖို့ အဲ့ဒီနေ့မှာပဲ သက်ဆိုင်ရာ အစိုးရအဖွဲ့အစည်းတွေ၊ လုပ်ငန်းရှင်တွေနဲ့ အလုပ်သမားရေး လှုပ်ရှားသူတွေနဲ့ တွေ့ဆုံဆွေးနွေးခဲ့ကြတယ်လို့ မဟာချိုင်မှာရှိတဲ့ အလုပ်သမားကူညီရေးအဖွဲ့များထံကသိရပါတယ်။
.
ထိုင်းနဲ့မြန်မာပွဲစားတွေကို ငွေပေးအလုပ်ရှာခိုင်းပြီး စောင့်ဆိုင်းမှုကြာမြင့်လာချိန်မှာယခုလိုဆန္ဒပြတောင်းဆိုမှုတွေရှိလာတာပါ။

ထောင်နဲ့ချီတဲ့ အလုပ်သမားတွေဟာ ပွဲစားတွေကိုငွေပေးပြီး အလုပ်သစ်တွေမရကြတာပါ။

အလုပ်သမား ၄၀၀၀ နီးပါးကို အလုပ်ပေးနိုင်ရေးအတွက် သက်ဆိုင်ရာ အာဏာပိုင်တွေကညှိနှိုင်းနေတယ်လို့လည်း သိရှိရပါတယ်။

#MyanmarLabourNews

368 Views

Related News

cover
Myanmar Gigi စက်ရုံမှာ နေ့စား တနှစ်နီးပါး လုပ်ကိုင်ပေမဲ့ အမြဲတမ်းလုပ်သား ခန့်ထားခြင်းမရှိ
Mar 21, 2023
cover
ပဲခူး ကောင်းဝိတ်ဆဲလ်ကုမ္ပဏီပိုင် စက်ရုံက သင်္ကြန် အလုပ်ပိတ်ရက်များအား အစားထိုးဆင်းခိုင်း
Mar 19, 2023
cover
လုပ်ငန်းခွင်နဲ့မသက်ဆိုင်တဲ့ အလုပ်တွေ ခိုင်းစေခြင်းမပြုလုပ်ဖို့ အလုပ်သမားတွေတောင်းဆို
Mar 18, 2023
cover
၂၀၂၂ ခုနှစ်အတွက် အလုပ်သမားအရေး အနှစ်ချုပ် (Myanmar Labour News)
Mar 18, 2023
cover
ရွှေပြည်သာက GY Sen(Primseng GUO) စက်ရုံပိတ်သိမ်းပြီးတစ်လမပြည့်မီပြန်လည်လုပ်သားခေါ်ယူနေ
Mar 18, 2023
cover
တရားစွဲခံ ရိမ်းဘိုးဆပ်ပြာစက်ရုံသမဂ္ဂခေါင်းဆောင်များအား နုတ်ထွက်ရန် ညှိနှိုင်း
Mar 17, 2023
cover
H&M အမှတ်တံဆိပ်ချုပ်တဲ့ Suzhou Silk Fashion (Myanmar) အထည်ချုပ်စက်ရုံပိတ်ရက်တွေအတွက် ဒေးကြေးပေးဖို့အလုပ်သမားတွေတောင်းဆို
Mar 16, 2023
cover
အလုပ်သမားအခွင့်အရေးများ လစ်လျူရှု့ခံနေရတယ်လို့ အလုပ်သမားတွေပြော
Mar 14, 2023
cover
သင်္ကြန်အလုပ်ပိတ်ရက် လုပ်ခလစာမပေးလိုတာကြောင့် အလုပ်သမား(၄၀၀)ကျော်အား အလုပ်မှရပ်ဆိုင်းခဲ့ဟုဆို
Mar 14, 2023
cover
W&F GROUP CO.,LTD အထည်ချုပ်စက်ရုံမန်နေဂျာ မှ အလုပ်သမားများအား မိုက်ရိုင်းစွာပြောဆိုအလုပ်ထုတ်
Mar 14, 2023



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle