NEWS

အလုပ်သမားရေးရာကဏ္ဍရှိ သမဂ္ဂအဖွဲ့ဝင် အကျဥ်းကျနေသူ ၁၃၀ ကျော်ရှိ

CoverLogo
952 Views

စကစလွတ်ငြိမ်းမှာ ၁ ဦးသာလွတ်မြောက်

နို၀င်ဘာ၁၇ရက်နေ့က  စစ်ကောင်စီရဲ့  ပြစ်ဒဏ်လွတ်ငြိမ်းခွင့်တွေမှာ အကျဉ်းသား ၆၀၀၀ နီးပါးလွှတ်ပေးခဲ့တယ်ဆိုပေမဲ့  အလုပ်သမားသမဂ္ဂအဖွဲ့ချုပ်မှအကျဉ်းကျနေသူ ၁၃၀ အနက်တစ်ဦးတည်းသာလွတ်မြောက်ခဲ့တယ်လို့  စုံစမ်းသိရှိရပါတယ်။

"အဖွဲ့ချုပ်မှာ ပုဂ္ဂလိက ကဏ္ဍ မှာဆို သေဆုံး ၂ ဦး ထောင်ကျ ၆ ဦး ဝရမ်းထုတ် ကျွန်မအပါ ၂၀ ရှိတယ် အဖွဲ့ချုပ်ရဲ့ CDM သမဂ္ဂကဏ္ဍမှာ သေဆုံး ၈ ဦး ထောင်ကျ ၁၃ ဦး မြန်မာနိုင်ငံ အလုပ်သမားတပ်ပေါင်းစုအနေနဲ့ သေဆုံး ၄၅ ထောင်ကျ ၁၃၀ ဦးရှိတယ်"လို့ FGWM ဥက္ကဋ္ဌ ဒေါ်မိုးစန္ဒာမြင့်ကပြောဆိုပါတယ်။

"အမြဲတမ်း အခါကြီး ရက်ကြီး ရက်တွေဆို အဖွဲ့ချုပ်ရဲ့အမာခံ ရဲဘော်တွေကို မျှော်မိတာအမှန်ပဲ ဒီနေ့လည်း မနေ့ကသတင်းကြားထဲက ကိုမျှော်နေမိတာ အမာခံ ရဲဘော်တွေ ပါမလာဘူး CDM မီးရထားသမဂ္ဂအဖွဲ့ဝင်တစ်ဦးတော့လွတ်တယ် လွတ်လာတဲ့ရဲဘော်တွေအတွက် စိတ်ချမ်းသာရသလို့ မလွတ်သေးတဲ့ရဲဘော်တွေအတွက်လည်း စိတ်မကောင်းဖြစ်ရတယ် အပစ်မရှိဘဲ မတရား ပုဒ်မတွေထပ်ပြီးမတရားခံရတဲ့ ရဲဘော်တွေအားလုံးကိုအမြန်ဆုံး လွတ်မြောက်စေချင်တယ်" လို့  ယင်းကဆိုပါတယ်။

စစ်ကောင်စီရဲ့ ပြစ်ဒဏ်လွတ်ငြိမ်း ၆၀၀၀ နီးပါးမှာ  နိုင်ငံရေးအကျဉ်းသား၅၃ဦးသာလျင်ပါ၀င်တယ်လို့  AAPP ရဲ့စာရင်းပြုစုချက်အရသိရပြီး  လွတ်မြောက်လာသူများထဲမှာ အလုပ်သမားရေးကူညီဆောင်ရွက် နေကြတဲ့ အဖွဲ့ချုပ်များ၊ သမဂ္ဂများမှ အလုပ်သမားတပ်ပေါင်းစုစာရင်းအရ သေဆုံးသူ ၄၅ ဦးရှိပြီး အကျဉ်းကျနေသူ ၁၃၀အထိရှိခဲ့ပေမဲ့  ပြစ်ဒဏ်လွတ်ငြိမ်းခွင့်မှာတော့  အလုပ်သမားရေးဆောင်ရွက် သူတစ်ဦးတည်းသာပါ၀င်ခဲ့တာပါ။

"မြန်မာနိုင်ငံလုံးဆိုင်ရာအလုပ်သမားသမဂ္ဂအဖွဲ့ချုပ် CTUM အဖွဲ့၀င်တွေရော အလုပ်သမားအလွှာကတော်လှန်ရေးရဲဘော်တွေ အခြားအလွှာက တော်လှန်ရေးရဲဘော်တွေအားလုံး အကျဉ်းကျခံနေရတဲ့ တော်လှန်ရေးရဲဘော်တွေရောအားလုံး အမြန်ဆုံးလွတ်မြောက်မှုအမြန်ဆုံးရပါစေလို့လည်း ဆိုပါတယ်။ ဒါ့အပြင်  တစ်တိုင်းပြည်လုံးအရေးကိုလွတ်မြောက်ရေးအတွက်  ကြိုးစားတိုက်ပွဲ၀င်နေကြတာမို့ အကျဉ်းကျနေတဲ့ရဲဘော်တွေလည်း အကျဉ်းကျခံဒုက္ခခံနေကြရသလို အပြင်မှာရှိတဲ့သူတွေလည်း တော်လှန်ရေးရဲဘော်တွေလည်း တာ၀န်ကျေပွန်အောင် ထမ်းဆောင်နေကြတာကြောင့် အားမလျှော့ဘဲ လက်မလျှော့ကြဘဲ  အားတင်းထားကြပါလို့ CTUM လက်ထောက်အထွေထွေအတွင်းရေးမှူး ဒေါ်ဖြိုးစန္ဒာစိုးကပြော ဆိုထားပါတယ်။

#MyanmarLabourNews


Related posts

Cover
Suntime Jck စက်ရုံတွင် အလုပ်ရပ် တောင်းဆိုမှု ပြီးဆုံး၊ လုပ်ငန်းခွင် ပြန်စ
May 13, 2025
Cover
Myanmar Ju Chuan ဖိနပ်စက်ရုံ အချိန်ပို နာရီ ၃၀ ကျော် အတင်းအကျပ် ခိုင်းစေ
May 12, 2025
Cover
အထည်ချုပ် အလုပ်သမားအသစ်များအပေါ် ခွဲခြားဆက်ဆံမှုများ၊ ဆိုးရွားသည့် လုပ်ငန်းခွင် အခြေအနေများ
May 11, 2025
Cover
Suntime Jck အထည်ချုပ်စက်ရုံတွင် အလုပ်ရပ် တောင်းဆိုမှု ပြုလုပ်
May 10, 2025
Cover
Rainbow Tec Myanmar အထည်ချုပ် လုပ်သက်တစ်နှစ်ကျော်သည်အထိ လစားအဖြစ် မခန့်
May 10, 2025
Cover
ငလျင်ဘေးသင့် လူမှုဖူလုံရေးအာမခံ လုပ်သားများ သဘာဝ ဘေးအန္တရာယ်ကျရောက်မှုဆိုင်ရာ မိသားစုထောက်ပံ့မှုအကျိုးခံစားခွင့် လျှောက်ထားနိုင်
May 09, 2025
Cover
Myanmar Jiale Fashion စက်ရုံ လစာပြန်ပေး၊ အလုပ်သမားများ လစာအတွက် စိုးရိမ်မှု ရှိနေ
May 09, 2025
Cover
Myanmar Handsome အထည်ချုပ်စက်ရုံ တပတ် နာရီ ၂၀ ကျော် အချိန်ပို လုပ်ခိုင်း
May 09, 2025