ထိုင်းရောက်လုပ်သားများပန်းရောင်ကတ်စာရင်းတင်သွင်းချိန် ၁၅ရက်သာခွင့်ပြုပေးခဲ့

cover
profile
Oct 16, 2022

ထိုင်းအစိုးရက နိုင်ငံအတွင်းတရားမ၀င်နေထိုင်လုပ်ကိုင်နေတဲ့ ပြည်ပနိုင်ငံခြားသားအလုပ်သမားများကို ယာယီလုပ်သားမှတ်ပုံတင်ပေးရန် ပန်းရောင်ကတ်ပြုလုပ်ပေးနိုင်ရေးဆောင်ရွက်ပေးရာမှာ ယခုနှစ် ပန်းရောင်ကတ်လျှောက်ထားရန်စာရင်းတင်သွင်းချိန် အချိန်၁၅ရက်သာခွင့်ပြုပေးခဲ့တယ်လို့ သိရပါတယ်။

"ဒါကပြဌာန်းတဲ့ရက်တွေ  စာရင်းသွင်းချိန်တွေက စလုပ်တဲ့ရက်တွေက မတူဘူး။၂၀၂၀တုန်းက စာရင်းတင်သွင်းချိန်က တစ်လပေးတယ်။ ၂၈ရက်၉လပိုင်း၂၀၂၁တုန်းကလည်း အချိန်တစ်လပဲပေးတယ်။ ဒီဘက်နှစ်မှာတော့ ၁၅ရက်ပဲပေးခဲ့တယ်။ ၁ရက်၈လ၂၀၂၂ကစလိုက်တယ်။ ၁၅ရက်၈လ ၂၀၂၂ စာရင်းပိတ်သွားတယ်။ အဲ့နောက်ကျန်းမာရေးစစ်ရမယ် စာရင်းသွင်းရမယ်။ အဲ့ဒါကို၁၀လပိုင်း၁၅ရက်နေ့အပြီးဆောင်ရွက်ရမယ်။ ပြီးရင်တော့ အလုပ်လုပ်ခွင့် လက်မှတ်လျှောက်တဲ့စာရွက်ရယ်ငွေကြေ စာရွက်တွေယူပြီး အလုပ်အကိုင်ရှာဖွေခန့်ထားရေးဌာနရုံးမှာ သွားတင် အဲ့မှာတင်ပြီးမှ အလုပ်လုပ်ခွင့်ကလက်မှတ်ယူရမယ် အဲ့တာရပြီးမှ ပန်းရောင်ကတ်ရမယ်။  တစ်ခေါက်နဲ့တစ်ခေါက်မတူဘူး"လို့  ထိုင်းရောက်မြန်မာအလုပ်သမားရေးဆောင်ရွက်သူတစ်ဦးက ဆိုပါတယ်။

ထိုင်းနိုင်ငံအတွင်း၌  မြန်မာ၊ လာအို၊ ကမ္ဘောဒီးယားနှင့်ဗီယက်နမ် စတဲ့နိုင်ငံအသီးသီးမှ  တရားမဝင်နေထိုင်လုပ်ကိုင်လျှက်ရှိသော လုပ်သားများကို တရားဝင်နေထိုင်လုပ်ကိုင်နေရေးရည်ရွယ်၍ ပြီးခဲ့တဲ့ဇူလိုင်လ ၅ ရက်နေ့တွင် အဆိုပါလုပ်သားများကို လုပ်သားမှတ်ပုံတင်ဖွင့်ပေးရန် (ပန်းရောင်ဘတ်ကတ်ပြုလုပ်ပေးရန်) ဆုံးဖြတ်ခဲ့တာပဲဖြစ်ပါတယ်။  

ယင်းကဲ့သို့ပန်းရောင်ကတ်ပြုလုပ်ပေးရန် ၂၀၂၀ခုနှစ် ၁၂လပိုင်း ၂၉ရက်ကတစ်ကြိမ်၊ ၂၀၂၁ခုနှစ် ၉လပိုင်း ၂၈ရက်ကတစ်ကြိမ်ထပ်မံပြုလုပ်ပေးခဲ့ပြီး  ကျန်ရှိအလုပ်သမားများနဲ့အလုပ်သမားအသစ်တွေထပ်ရှိလာတာကြောင့်  ယခုနှစ်ဇူလိုင်လ၅ရက်နေ့က တစ်ကြိမ်ထပ်မံံပြုလုပ်ရန် ၂၀၂၂မှာတစ်ကြိမ်ဆိုပီး အတည်ပြုပြဌာန်းလိုက်တာဖြစ်ပြီး ပထမလုပ်ငန်းစဉ်အဖြစ် ဩဂုတ် ၁ ရက်နေ့မှ ၁၅ ရက်နေ့ (၂၀၂၂) အထိ Name List တင်ခြင်းလုပ်ငန်းစဉ်ကို ဆောင်ရွက်ပေးခဲ့ပြီးနောက် ဒုတိယလုပ်ငန်းစဉ်အဖြစ် ဩဂုတ်လ ၁၆ ရက်နေ့မှ ယနေ့အောက်တိုဘာလ ၁၅ ရက်နေအထိ အလုပ်လုပ်ကိုင်ခွင့်လက်မှတ်ကြေး (ဝေါ့ပါမစ်ကြေး) ပေးသွင်းခြင်းနှင့်လျှောက်ထားခြင်းလုပ်ငန်းကို ဆက်လက်ဆောင်ရွက်ပေးခဲ့တာကြောင့်နှစ်စဉ်စာရင်းတင်သွင်းချိန် တစ်လဆီပေးခဲ့ပေမဲ့ ယခုနှစ်မှာတော့ ၁၅ရက်သာပေးခဲ့တာဖြစ်တယ်လို့ သိရတာပါ။

ဒါကြောင့် Name List တင်ထားသောလုပ်သားများသည် တရားဝင်အလုပ်လုပ်ကိုင်ခွင့်ရရှိစေ ရန်အတွက် အောက်တိုဘာလ ၁၅ ရက်နေ့အမီ ဝေါ့ပါမစ်ကြေးပေးသွင်းပြီး ကျန်းမာရေးစစ်ဆေးခြင်းနဲ့ ထိုင်းအမျိုးသားမှတ်ပုံတင်စနစ်ထဲသို့ ကိုယ်ရေးရာဇဝင်ပြုစုခြင်း တို့ကိုအောက်တိုဘာလ ၁၆ ရက်နေ့ (၂၀၂၂) မှ ဖေဖော်ဝါရီလ ၁၃ ရက်နေ့ (၂၀၂၃) အထိ ဆောင်ရွက်ပေးမှာဖြစ်တယ်လို့ သိရပါတယ်။

ထိုင်းနိုင်ငံမှာ အလုပ်လုပ်တဲ့ ရွှေ့ပြောင်းလုပ်သားတွေအနေနဲ့ နေထိုင်ခွင့်ဗီဇာနဲ့ ၊ မည်သူမည်ဝါဖြစ်ကြောင်းသက်သေခံ(CI- Certificate of Identity)စာအုပ်နဲ့  ပန်းရောင်ကတ်ကိုင်ဆောင်ထားမှသာ  တရားဝင်နေထိုင်လုပ်ကိုင်ခွင့်ရရှိတာ ဖြစ်ပါတယ်။

ရွှေ့ပြောင်းလုပ်သားတွေအနေနဲ့ တရားဝင်နေထိုင်အလုပ်လုပ်ခွင့်အတွက် နေထိုင်ခွင့်ဗီဇာ တံဆိပ် တုံးထုတာ၊ CI စာအုပ်ပြုလုပ်တာတွေကို ထိုင်းနိုင်ငံအတွင်းက သက်ဆိုင်ရာ CI စင်တာတွေမှာ လုပ်ဆောင်ရတာဖြစ်တယ်လို့ သိရပါတယ်။

MyanmarLabourNews
migrantworkers

222 Views

Related News

cover
လုပ်အားခတိုးပေးဖို့တောင်းဆိုလို့ အလုပ်ထုတ်ခံရတဲ့ မြန်မာပေါင်ချိန်စက်ရုံက အလုပ်သမားတွေထဲက ၃ ဦး လုပ်ငန်းခွင်ပြန်လည်ဝင်ရောက်
Jan 31, 2023
cover
၂ ရက်ဆက်တိုက်ဆန္ဒပြမှုဖြစ်ပွားခဲ့တဲ့ထိုင်းနိုင်ငံအချုပ်ခန်းအတွင်းက ပြစ်ဒဏ်ကျခံပြီးတဲ့မြန်မာတွေကို အသုတ်လိုက်ခွဲပြီးပြန်လည်ပို့ဆောင်ပေးမယ်လို့ဆို
Jan 30, 2023
cover
CMP စနစ်နဲ့လည်ပတ်နေတဲ့ ပြည်တွင်းအထည်ချုပ်စက်ရုံအလုပ်သမားတွေ ခွင့်ခံစားခွင့်တွေဆုံးရှုံးနေပြီး အလုပ်သမားအခွင့်အရေးများဆုံးရှုံးနေရ
Jan 30, 2023
cover
အလုပ်သမား ၁၀၀ ဝန်းကျင်နဲ့ လည်ပတ်နေတဲ့ HONE KONG ကြာဆံစက်ရုံမှာ အလုပ်သမား ၅၀ ကို အကြောင်းပြချက်မပေးဘဲ အလုပ်နားခိုင်း
Jan 26, 2023
cover
တရုတ်နိုင်ငံသားတွေ တိုက်ရိုက်အုပ်ချုပ်နေပြီး ည ၁၂ နာရီအထိ အိုတီဆင်းနေရတဲ့ Sunrise (Myanmar) စက်ရုံအလုပ်သမားတွေ အခက်တွေ့နေ
Jan 23, 2023
cover
"အရင်က ဥပဒေအကြောင်းလာမပြောနဲ့ အခုကအရင်နဲ့ မတူဘူး"လို့ ပြောဆိုတဲ့ စက်ရုံမန်နေဂျာရဲ့ ဥပဒေမဲ့ လုပ်ရပ်ကို အလုပ်သမားများ မခံမရပ်နိုင်ဖြစ်နေ
Jan 19, 2023
cover
ZARA, CRIVIT စတဲ့ နာမည်ကြီးအမှတ်တံဆိပ်တွေချုပ်လုပ်တဲ့စက်ရုံမှာ အလုပ်သမားအခွင့်အရေးချိုးဖောက်မှုတွေကြုံတွေ့နေရ
Jan 15, 2023
cover
အလုပ်သမားသမဂ္ဂဖွဲ့စည်းရန်ကြိုးပမ်းပါက အလုပ်ထုတ်ခံနေရပြီး လုပ်ငန်းခွင်ဆိုင်ရာချိုးဖောက်မှုတွေခံစားနေရတယ်လို့ဆို
Jan 12, 2023
cover
အလုပ်သမားတွေချုပ်လုပ်နေတဲ့ အထည်စံချိန်မတန်တဆတိုးတောင်းကာ ဂရိတ်လျှော့ချတာတွေ ကြောင့် လစာရရှိမှုနည်းပါးလို့ အလုပ်သမားတွေအခက်အခဲဖြစ်နေ
Jan 9, 2023
cover
ဥရောပနှင့် ဂျပန်ကို အထည်ချုပ်လုပ်တင်ပို့နေတဲ့ စက်ရုံမှာ အချိန်ပိုအလွန်အကျွံဆင်းနေရ အမျိုးသမီးအလုပ်သမားတွေ မကြာခဏလုယက်ခံနေရပြီး၊ လုပ်ငန်းခွင်အတွင်း တရားဥပဒေကင်းမဲ့နေတယ်လို့ အလုပ်သမားတွေပြော
Jan 5, 2023



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle