NEWS

အင်းစိန်ထောင်အတွင်းရှိ အကျဉ်းသားများကိုဗစ်ကူးစက်မှုများပြားနေပြီး ထောင်ပြောင်းမှုတွေရှိနေ

CoverLogo
839 Views

ရန်ကုန်တိုင်းဒေသကြီး အင်းစိန်အကျဉ်းထောင်အတွင်းရှိ အကျဉ်းသားများဟာ  ကိုဗစ်၁၉ ကူးစက်မှုတွေရှိနေတာကြောင့်  အကျဉ်းသားတွေဟာ  ထောင်ပြောင်းရွှေ့တာ တွေပြုလုပ်နေတာဖြစ်တယ်လို့  အကျဉ်းသားရဲ့မိသားစု၀င်တွေဆီကနေ သိရပါတယ်။

"ထောင်ထဲမှာကိုဗစ်ရောဂါကူးစက်မှုတွေများနေတာကြောင့်  ထောင်ပြောင်းရမယ်လို့အကြောင်းကြားလာလို့  သွားတွေ့ခဲ့ပါတယ်။ ထောင်၀င်စာတွေသွားပို့ပေးခဲ့တာပါ။ ထောင်ပြောင်းရတာကတော့   အင်းစိန်ကလွဲရင်အခြားထောင်တွေက သက်သာတယ်လို့တော့ပြောတယ်။  ရဲဘက်ပါရင်သာဆင်းရဲတာပါ။  အင်းစိန်ကအနေဆင်းရဲအစားဆင်းရဲ အခြားကတော့သန့်လို့  ပိုကောင်းတယ်တော့ပြောတယ်။ ကိုဗစ်မဖြစ်သေးတဲ့သူတွေကိုရွှေ့ပေးတာဖြစ်နိုင်တယ်တဲ့  အခြားလူတွေလည်း ရွှေ့ပေးနေတာတွေလုပ်နေတယ်"လို့ အကျဉ်းသားတစ်ဦးရဲ့မိသားစု၀င်က ပြောပါတယ်။

အင်းစိန်အကျဉ်း ထောင်ထဲမှာအ ကျဉ်းသားတွေ ကိုဗစ်ဖြစ်ပွားမှုတွေရှိနေတာဖြစ်ပေမဲ့  အရေအတွက်အားဖြင့်မသိရှိနိုင်ဘဲ  ဆေးကုသမှုအနေနဲ့ ကိုဗစ်ကုသမှုပြုလုပ်ပေးနေတယ်လို့ ထောင်တွင်းနီးစပ်သူတစ်ဦးကဆိုပါတယ်။
 
စစ်အာဏာသိမ်းပြီးနောက် လတ်တလောဖြစ်ပေါ်လျက်ရှိသော အခြေအနေများနှင့်ပတ်သက်၍ စက်တင်ဘာလ ၂၃ ရက်အထိ  နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP)ရဲ့  မှတ်တမ်းပြုစုထားချက်များ အရ  အာဏာသိမ်းချိန်မှ ယခုလစက်တင်ဘာလ ၂၃ ရက်အထိ အကြမ်းဖက်ဖမ်းဆီးခံထားရသူ စုစုပေါင်း (၁၂၅၀၀) ဦးရှိပြီး၊ အာဏာသိမ်းချိန်မှ ၂၀၂၂ ခုနှစ်ဩဂုတ်လကုန်ထိ အကြမ်းဖက်စစ်အုပ်စု၏ မတရား ချိပ်ပိတ်သိမ်းဆည်းခြင်းခံရသည့် နေအိမ်၊ အဆောက်အဦ စုစုပေါင်း (၇၆၀)ထက်မနည်းရှိခဲ့တယ် သိရပါတယ်။
 
ဒါ့အပြင် ဒီမိုကရေစီရေးလှုပ်ရှားသူများနှင့် ပြည်သူများရဲ့ နွေဦးတော်လှန်ရေးကာလအတွင်း ကျဆုံးခဲ့ရသူ စုစုပေါင်းမှာ (၂၃၁၉) ဦး ရှိခဲ့ပြီဖြစ်တယ်လို့ AAPP ရဲ့မှတ်တမ်းများအရ သိရပါတယ်။

MyanmarLabourNews

AAPP

 


Related posts

Cover
Myanmar Jiale Fashion  စက်ရုံ လစာမပေးနိုင်၍ လုပ်ငန်းခွင် ရပ်တန့်နေ
May 06, 2025
Cover
လုပ်ခတိုးပေးဖို့ တောင်းဆိုတဲ့ အလုပ်သမားသမဂ္ဂ  ဖျက်သိမ်းဖို့ဖိအားပေးခံရ
May 06, 2025
Cover
ခွေးကိုက်ခံရမှု များပြားလာပြီး ကာကွယ်ဆေးထိုးရခက်ခဲလာ
May 06, 2025
Cover
ဘိလပ်မြေဈေးကြီးမြင့်မှုကြောင့် ဆောက်လုပ်ရေးလုပ်ငန်းအချို့ရပ်နားရ
Apr 29, 2025
Cover
စစ်ကိုင်း ငလျင်ကြီး တစ်လပြည့်သည်အထိ နောက်ဆက်တွဲ ငလျင်များ ဆက်လှုပ်
Apr 29, 2025
Cover
ငလျင်ဘေးအန္တရာယ်ကြောင့် အလုပ်သမားထောင်ပေါင်းများစွာ ဝင်ငွေဆုံးရှုံးရ
Apr 25, 2025
Cover
ရန်ကုန်လေဆိပ်အခွန် ငါးဆနီးပါး တိုးမြှင့်ကောက်ခံ
Apr 24, 2025
Cover
ကယ်ရီမောင်းနှင်များထံမှ စစ်ကောင်စီတပ်ဖွဲ့ဝင်များ ကျပ် ငါးသောင်းမှ ကျပ် ရှစ်သောင်းအထိ ထောင်းယူ
Apr 23, 2025