NEWS

မြန်မာပြည်က စက်ချုပ်ကျွမ်းကျင်လုပ်သားတွေ တရုတ်နိုင်ငံရှိ အထည်ချုပ်လုပ်ငန်းများသို့ ပြောင်းရွှေ့လုပ်ကိုင်လာ

CoverLogo
224 Views

တရုတ်နိုင်ငံက စက်မှုဇုန်တွေမှာ ဖွင့်လှစ်ထားတဲ့ အထည်ချုပ် စက်ရုံတွေမှာ  မြန်မာ စက်ချုပ်ကျွမ်းကျင်အလုပ်သမားတွေကို လမ်းစရိတ်စိုက် အရစ်ကျစနစ်နဲ့ ခေါ်ယူမှုတွေများပြားလာလို့ မြန်မာလုပ်သားတွေဟာ တရုတ်နိုင်ငံရှိ အထည်ချုပ်စက်ရုံတွေဆီသွားရောက်လုပ်ကိုင်မှုများနေတယ်လို့ သိရပါတယ်။ 

"အထည်ချုပ်တွေက စက်ချုပ်ကျွမ်းကျင်တွေခေါ်နေတာ။ စားရိတ်ငြိမ်း ကားခရောအကုန်ငြိမ်းတယ်။ စမတ်ကတ်တော့လုပ်လာခဲ့ရမယ်။ သူတို့ဆီရောက်ရင်ပထမဆုံးလစာကအပေါင်ထားထားရတယ်။ ဒုတိယလစာကနေစရကြတယ်။ သူတို့အတွက်စားစရိတ်နဲ့လမ်းစရိတ်ကိုပြန်ဖြတ်မယ် ပြီးမှသူတို့လစာပြန်ရမယ်။ ၃ လမပြည့်ခင်ပြန်ရင်တော့ လာတုန်းကလမ်းစားရိတ်နဲ့စားစရိတ် ပြန်လျော်ရမယ်။ အဲလိုခေါ်နေကြတော့လုပ်ချင်ကြသူတွေအများကြီးပဲ ကြားပွဲစားတွေလည်းပေါ်လာတယ်" လို့ ရွှေလီရောက်မြန်မာအလုပ်သမားကဆိုပါတယ်။ 

အလုပ်သမားခေါ်ယူမှုများပြားနေတာတွေဟာ  ရွှေလီ၊ မန်စီ၊ လျန်ဟယ် စတဲ့နေရာတွေက  အထည်ချုပ်စက်ရုံတွေမှာ လုပ်ကိုင်ဖို့အတွက် မြန်မာလုပ်သားအများအပြားခေါ်ယူနေသလို သွားရောက်လုပ်ကိုင်သူတွေဟာလည်း  များပြားလာနေတယ်လို့သိရပါတယ်။ 

"အသိတွေထဲကတော်တော်များများလည်း ရွှေလီဘက်ရောက်ကုန်ပြီ။မူဆယ်ထဲမှာလည်း အလုပ်အကိုင်ရှားလာသလိုဖြစ်လာပြီ။ တစ်ချို့ကအေဂျင်စီနဲ့ချိတ်ထွက်တာတစ်ချို့ကတော့ တရုတ်ထဲကစက်ရုံတွေမှာ၀င်လုပ်နေကြတဲ့သူတွေကနေ ချိတ်ဆက်ပြီးသွားကြတာ။ အဓိကကသူတို့စမတ်ကတ်ရဖို့ကြိုးစားဖို့ပါပဲ။ အတော်လေးသွားကြတယ်။ ကားခတွေကမန္တလေးကနေမူဆယ်အထိကို ၂သိန်းခွဲရှိတယ်။ လိုက်ချင်တဲ့သူကြိုချိတ်ရတာ။ သွားတဲ့သူတွေများကြတယ်လို့ မန္တလေးနဲ့မူဆယ်ပြေးဆွဲနေတဲ့ အောက်ဆိုက်ကားသမားတစ်ဦးကဆိုပါတယ်။  

အဲ့ဒီလိုသွားရောက်လုပ်ကိုင်ကြသူတွေဟာ  တရုတ်နိုင်ငံထဲကအထည်ချုပ်စက်ရုံတွေက  ၀င်ရောက်လုပ်ကိုင်နေတဲ့ မြန်မာအလုပ်သမားများနဲ့ချိတ်ဆက်ပြီး သွားရောက်လုပ်ကိုင်ကြတာရှိသလို စက်ရုံအတွင်းကအလုပ်သမားတွေကပင် ပွဲစားပုံဖြင့်ခေါ်ယူကြတာတွေလည်းရှိနေပြီး  လမ်းစရိတ်စိုက်ပေးပြီးအရစ်ကျစနစ်နဲ့လစာကဖြတ်ပေမဲ့ ပွဲစားခအဖြစ်၅သိန်းကနေ၇သိန်းအထိပေးဆောင်ပြီးသွားနေကြတာတွေလည်းရှိတယ်လို့ သိရပါတယ်။ 

လုံချွမ်းမြို့နယ် ကျန်ဖုန်းစက်မှုဇုံ၊ တယ်ခုံကျေးရွာ သာရေစက်မှုဇုံကလည်း စက်ချုပ်ကျွမ်းကျင်ကို  အလုပ်သမား ၆၀ ခေါ်ယူလျှက်ရှိရာ ယခင်အလုပ်သမားဟောင်းများကိုချိတ်ဆက်ခေါ်ယူနေတာလည်းရှိသလို စမတ်ကတ်ရှိတဲ့မြန်မာအလုပ်သမားများကိုလည်း ပွဲစားဖြင့်လည်းခေါ်ယူနေတာကြောင့် စမတ်ကတ်ကိုပွဲစားဖြင့်ကျပ်ရှစ်သောင်းကနေ၂သိန်းအထိကုန်ကျခံပြုလုပ်ပြီး သွားရောက်နေကြသူတွေလည်းရှိနေတယ်လို့ သိရပါတယ်။ 

လက်ရှိပြည်တွင်းမှာ ကျွမ်းကျင်လုပ်သားရှားပါးမှုကြုံနေရပြီး လုပ်ခအနည်းငယ်တိုးပေးကာလူခေါ်နေရတဲ့အခြေအနေများလည်းဖြစ်နေပေမဲ့  တရုတ်နိုင်ငံကအထည်ချုပ်တွေဟာ တစ်လလျှင်မြန်မာငွေအနိမ့်ဆုံး ၇သိန်းကနေ ၁၀ သိန်းရရှိတဲ့အတွက် အလွယ်တကူ၀င်ထွက်သွားလာလို့ရတဲ့ တရုတ်နိုင်ငံကအထည်ချုပ်လုပ်ငန်းတွေဆီကို  ပြောင်းရွှေ့လုပ်ကိုင်လာကြတာဖြစ်တယ်လို့လည်း သိရပါတယ်။

ဓါတ်ပုံ- လူမှုကွန်ယက်


Related posts

Cover
ဇွန်လ ၁ ရက်ကထွက်တဲ့ ထိုင်းထီဘတ်သိန်း၆၀ ဆုကို မြန်မာအလုပ်သမား လူငယ်တစ်ဦး ဆွတ်ခူးရရှိခဲ့
Jun 14, 2024
Cover
သက်တမ်းရှိ နိုင်ငံကူးလက်မှတ် PJမှPV ပြောင်းလဲလျှောက်ထားခွင့်မရတော့သည့်အတွက် အွန်လိုင်းကတစ်ဆင့် QRယူထားသူများ ဘဏ်သွင်းငွေများဆုံးရှုံး
Jun 13, 2024
Cover
ပြည်ပ မှ ခွင့်ပြန်အလုပ်သမားများ မိသားစုထံ တရားဝင်ငွေလွှဲပေးပို့ထားတဲ့အထောက်ထားပြနိုင်မှသာ OWIC ကတ် ထုတ်ပေးမည်ဟုဆို
Jun 12, 2024
Cover
ထိုင်းနိုင်ငံ တွင် မြန်မာအလုပ်သမားအမျိုးသမီး တစ်ဦး တံတားပေါ်မှခုန်ချမှု ဖြစ်ပွား
Jun 12, 2024
Cover
အခွန်ပေးသွင်းရန်ကျန်သည့်အေဂျင်စီများ ကို လုပ်သားစေလွှတ်မှုဆိုင်းငံ့မည်ဟုဆို
Jun 10, 2024
Cover
ထိုင်းနိုင်ငံမှာဆေးရုံတက်နေတဲ့မြန်မာအလုပ်သမားတစ်ဦးကို  ထိုင်းရဲကပစ်သတ်မှုဖြစ်ပွား
Jun 09, 2024
Cover
နိုင်ငံကူးလက်မှတ်(PJ) အမျိုးအစားကနေ(PV)အမျိုးအစားသို့ ပြောင်းလဲမှု စစ်ကောင်စီပိတ်ပင်
Jun 07, 2024
Cover
မြန်မာအပါအဝင် နိုင်ငံခြားသားအလုပ်သမားတွေကို ဘတ်ပန်းရောင်ကတ်ပြုလုပ်ပေးဖို့ထိုင်းအစိုးရအတည်ပြု
Jun 07, 2024