၂ ရက်ဆက်တိုက်ဆန္ဒပြမှုဖြစ်ပွားခဲ့တဲ့ထိုင်းနိုင်ငံအချုပ်ခန်းအတွင်းက ပြစ်ဒဏ်ကျခံပြီးတဲ့မြန်မာတွေကို အသုတ်လိုက်ခွဲပြီးပြန်လည်ပို့ဆောင်ပေးမယ်လို့ဆို

cover
profile
Jan 30, 2023

ထိုင်းနိုင်ငံတောင်ပိုင်း၊ ရနောင်းအချုပ်ထောင်ထဲမှာ အကြောင်းအမျိုးမျိုးကြောင့်ဖမ်းဆီးခံထားရတဲ့  မြန်မာရွှေ့ပြောင်းအလုပ်သမားများက ပြစ်ဒဏ်ကျခံပြီးသော်လည်းနေရပ်ပြန်မပို့ဘဲ  လူ့အခွင့်အရေးချိုးဖောက်ခံရမှုတွေကြောင့်  အမြန်ဆုံးပြန်လည်ပို့ဆောင်ပေးဖို့ နှစ်ရက်ဆက်တိုက် ဆန္ဒပြခဲ့ကြရာ ယခုအခါမှာတော့ အသုတ်လိုက်ပြန်လည်ပို့ဆောင်ပေးဖို့တာဝန်ရှိသူတွေက ဆုံးဖြတ်လိုက်တယ်လို့ သိရပါတယ်။

အဲ့ဒီလိုဆန္ဒပြတာဟာ ပြစ်ဒဏ်ကျခံပြီးအချိန်ကြာမြင့်တဲ့ အထိ လွတ်မြောက်ခွင့်မရသေးဘဲ  အနေကြာလာတဲ့မြန်မာရွှေ့ပြောင်း အလုပ်သမားဦးရေ  ၇၀၀ ၀န်းကျင်ဟာ  အချုပ်ခန်းအတွင်းမှာ အစားအသောက်အလုံအလောက်မစားရသလို  လူတစ်ရာဆန့်တဲ့ အခန်းများကိုလူနှစ်ရာအထိ ထည့်သွင်းနေနေရတာကြောင့်  အိပ်စက်ရာမှာလည်းလူချင်းထပ်အိပ်ရသလို နေ့စဉ်ရေငါးခွက်စီသာအသုံးပြုရကာ  ကျန်းမာရေးထိခိုက်လာတာတွေကြောင့်  အမြန်ဆုံးပြန်လည်ပို့ဆောင်ပေးဖို့ ဇန်နဝါရီ ၂၈ ရက်နဲ့၂၉ ရက် နှစ်ရက်ဆက်တိုက်ဆန္ဒပြခဲ့ကြတာဖြစ်တယ်လို့ သိရပါတယ်။

အဲ့ဒီလိုဆန္ဒပြမှုတွေကြောင့်  မြန်မာဘက်အခြမ်းကပြန်လည်လက်ခံပေးဖို့ စစ်ကောင်စီရဲ့သံရုံးတာ၀န်ရှိသူတွေက   ညှိနှိုင်းခဲ့ရာမှာ ဖေဖော်ဝါရီလ ၂ရက်နေ့မှာစတင်ပြီး အလုပ်သမားနှစ်ရာကျော်ကိုပထမဆုံးစတင် ပို့ဆောင်ပေးမှာဖြစ်ပြီး ဖေဖော်ဝါရီလ ၁၅ရက်အတွင်းမှာ အသုတ်လိုက် ခွဲပြီး မြန်မာနိုင်ငံကို ပြန်ပို့ဖို့ ညှိနှိုင်းမှုရရှိခဲ့တယ်လို့  ထိုင်းရောက်မြန်မာအလုပ်သမားအရေး ဆောင်ရွက်သူထံမှ သိရပါတယ်။  

“အဓိကက မြန်မာဘက်အခြမ်းကလက်ခံဖို့ပါပဲ။  မြန်မာဘက်အခြမ်းကလက်ခံပေးမှ သူတို့ကပြန်ပို့ပေးလို့ ရမှာ။  ပြန်ပို့ပေးတဲ့ဟာတွေမှာလည်း  စီနီယာတွေကိုမထည့်ပေးဘဲ  ငွေပေးတဲ့သူတွေကိုပဲပြန်ပို့ပေးနေတာ တွေလည်းပါတာပေါ့။  ခုကတော့ပြန်ပို့ပေးဖို့လက်ခံလိုက်ပြီလို့သိရတယ်”လို့  ဆိုပါတယ်။

အဆိုပါရွှေ့ပြောင်းမြန်မာအလုပ်သမားတွေဟာ အကြောင်းအမျိုးမျိုးကြောင့် ပြစ်ဒဏ်ကျခံထားပြီး ဖြစ်သော်လည်း ငွေဖြင့်ပေးနိုင်သူတွေကိုဦးစားပေးပြန်ပို့ပေးနေတာကြောင့် တစ်ကြိမ်လျှင်လူဦးရေ ၂၀၀ ဦးပြန်ပို့ရာမှာ ပြန်ရမဲ့အလှည့်ကျစီနီယံများမပါဘဲ ငွေသမားတွေကိုသာ ပြန်ပို့ပေးနေတာတွေအပြင်  လူဦးရေတစ်ရာသာနေရတဲ့အခန်းတွေကို လူဦးရေနှစ်ရာအထိပေးနေစေပြီး  ကျန်းမာရေးစောင့်ရှောက် မှုမရသလို  အစာရေစာလုံလောက်မှုမရှိတော့ခြင်း  လူဦးရေများပြားလွန်းတာကြောင့် နေရာကြပ် တည်းစွာထပ်ပြီးအိပ်ရခြင်းတွေကြောင့် ယခုလိုဆန္ဒပြတောင်းဆိုတဲ့အထိဖြစ်လာရတာလို့  သိရပါတယ်။  

#MyanmarLabourNews

 

242 Views

Related News

cover
ရွှေ့ပြောင်းမြန်မာအလုပ်သမား ၁၄ ဦးကို အလုပ်ရှင်မှလစာမပေးတဲ့အပြင် ညှင်းပန်းနှိပ်စက် အဓမ္မစေခိုင်းခံရ
Mar 3, 2023
cover
ပျောက်ဆုံးသွားသော အနာဂတ်များ
Mar 2, 2023
cover
စက်ရုံအလုပ်သမားတွေ ပြည်ပနိုင်ငံတွေမှာသွားရောက်လုပ်ကိုင်ဖို့ အကူညီတောင်းခံသူ ၄၀၀ ၀န်းကျင်အထိရှိလာ
Mar 1, 2023
cover
ထိုင်းမှာမိသားစုလိုက် အသတ်ခံရပြီးနောက် မြန်မာအလုပ်သမားတွေ ပိုက်စိပ်တိုက်ဖမ်းဆီးခံနေရ
Feb 15, 2023
cover
ထိုင်းနိုင်ငံရောက် မြန်မာရွှေ့ပြောင်း အလုပ်သမားတွေ အလုပ်အကိုင်ရှာဖွေရာမှာ လိမ်လည်မှုတွေ ခံနေရ
Dec 16, 2022
cover
ထိုင်းကနာမည်ကြီးပင်လယ်စာစက်ရုံမှာ အလုပ်လုပ်ရမယ်ဆိုကာ မြန်မာလုပ်သားများလိမ်လည်ခံရမှု ထိုင်းအစိုးရဖြေရှင်းမည်
Dec 10, 2022
cover
ဒူဘိုင်းမှာအခက်အခဲဖြစ်နေသည့်မြန်မာအိမ်အကူလုပ်သား ၁၁ဦးကိုပြန်ခေါ်ဆောင်နိုင်ခဲ့
Dec 3, 2022
cover
မြဝတီ-ကော့ကရိတ် အာရှလမ်းမကြီးပိုင်းမှာ တိုက်ပွဲပြင်းထန်ခြင်းကြောင့် MoU လုပ်သား၁၅၀၀ ခန့်ပိတ်မိနေ
Oct 21, 2022
cover
ယခုလအတွင်း ထိုင်းနိုင်ငံမှာ တရားမဝင်မြန်မာလုပ်သားဖမ်းဆီးခံရမှု နှစ်ဆခန့်မြင့်တက်လာ
Oct 18, 2022
cover
ထိုင်းရောက်လုပ်သားများပန်းရောင်ကတ်စာရင်းတင်သွင်းချိန် ၁၅ရက်သာခွင့်ပြုပေးခဲ့
Oct 16, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle