NEWS

ထိုင်းကို အထောက်အထားမဲ့ ဝင်ရောက်သည့်   မြန်မာအလုပ်သမား ၃၀ ကျော် အဖမ်းခံရ

CoverLogo
166 Views

ထိုင်းနိုင်ငံ အတွင်း အလုပ်လုပ်ကိုင်ဖို့ အတွက်  နယ်စပ်ဖြတ်ကျော် လာတဲ့ မြန်မာအလုပ်သမား ၃၀ကျော် အဖမ်းခံရတယ်လို့ ထိုင်းဒေသတွင်းသတင်းတွေအရသိရပါတယ်။ 

 

မေလ ၂ရက်  ညနေ ပိုင်းမှာ ထိုင်းနိုင်ငံ ဘန်ကောက် မြို့မှာ အလုပ်လုပ်ကိုင်ဖို့ အတွက် ဟင်းသီးဟင်းရွက်ကားပေါ် ပုန်းအောင်းလိုက်လာတဲ့ မြန်မာအလုပ်သမား ၄ ဦး ကို ထိုင်းအာဏာပိုင်တွေက စစ်ဆေးဖမ်းမိခဲ့တယ်လို့ သိရပါတယ်။ 

 

ဒါ့အပြင် မေလ ၂ရက် ည ၁၁နာရီ အတွင်းမှာ မြ၀တီဘက်ခြမ်းမှ ထိုင်းနိုင်ငံအတွင်း ဝင်ရောက်လာတဲ့ မြန်မာ ရွှေ့ပြောင်းလုပ်သား ၂၉ ယောက်ကို ထိုင်း နယ်ခြားစောင့်တပ် က   တာ့ခ်ခရိုင်၊ ဖုပ်ဖရခရိုင်ခွဲ ဟွိုင်နမ်နက်ရွာအနီး မှာ ဖမ်းဆီးခဲ့ တယ်လို့ သတင်းမှာဖေါ်ပြထားပါတယ်။ 

 

အဖမ်းခံခဲ့ရတဲ့ မြန်မာလုပ်သား ၃၀ ကျော်ဟာ ထိုင်းနိုင်ငံ အတွင်း အလုပ်လုပ်ကိုင်ရန်  တရားမဝင်နယ်စပ်ဖြတ်ကျော်နိုင် ဖို့ အတွက် ပို့ဆောင်ပေးတဲ့ ပွဲစားဆိုသူကို လုပ်သားတစ်ဦး လျှင်  ထိုင်းဘတ်ငွေ ၁၅၀၀၀မှ ၂၀၀၀၀ ဘတ် ပေးဆောင်ရတယ်လို့ သိရပါတယ်။ 

 

လက်ရှိမှာ မြန်မာလုပ်သား၄ဦး ကိုတော့ မဲဆောက်လူဝင်မှုကြီးကြပ်ရေးဦးစီးဌာန က ဖမ်းဆီးထိန်းသိမ်းထားကာ မြန်မာလုပ်သား ၂၉ဦးကိုတော့ ဖုပ်ဖရ ရဲစခန်း တွင်  အမှုဖွင့်အရေးယူ ထားတယ်လို့ သိရပါတယ်။ 

 

ပြီးခဲ့တဲ့ ဧပြီလနောက်ဆုံးပတ်ကလည်း ထိုင်းနိုင်ငံ အတွင်း အလုပ်လုပ်ကိုင်ဖို့ နယ်စပ်ဖြတ်ကျော် ဝင်ရောက်လာတဲ့ မြန်မာရွှေ့ပြောင်းလုပ်သား၅၀ခန့် အဖမ်းခံခဲ့ရပါသေးတယ်လို့သိရပါတယ်။ 

 

Ref:Addy Chaiyadech 


Related posts

Cover
ကန်ချနဘူရီတွင် အထောက်အထားမဲ့ နယ်စပ်ဖြတ်ကျော်သည့် မြန်မာအလုပ်သမား ၄၀ ကျော်အဖမ်းခံရ
Jun 23, 2025
Cover
ထိုင်းနိုင်ငံရေးအခြေအနေကြောင့် ရွှေ့ပြောင်းလုပ်သား သက်တမ်းတိုးလုပ်ငန်းစဉ်ကြန့်ကြာမည်ကို စိုးရိမ်ရ
Jun 22, 2025
Cover
လုံခြုံရေးစိုးရိမ်ရမှုကြောင့် မလေးရှားရောက် မြန်မာဒုက္ခသည်တွေကို နေရပ် ပြန်မပို့ဖို့ ACR တောင်းဆို
Jun 20, 2025
Cover
အိုမန်မှပေးစာ - ၅
Jun 19, 2025
Cover
မလေးရှားသွား မြန်မာလုပ်သားများ ထိုင်းနိုင်ငံအတွင်း အဖမ်းခံရမှု ဆက်တိုက်ဖြစ်ပေါ်နေ
Jun 18, 2025
Cover
နိုင်ငံခြားသားများ အလုပ်လုပ်၊ ဈေးရောင်းခြင်းများ ပြုလုပ်ပါက ပြည်နှင်မည်ဟု ထိုင်းဝန်ကြီး ပြောဆို
Jun 18, 2025
Cover
မြန်မာလုပ်သား၂၀၀ ကျော် ကြိုတင်အကြောင်းမကြားဘဲ အလုပ်ရပ်နားခံရ
Jun 18, 2025
Cover
မြန်မာတစ်ဦး နေရပ်ပြန်ပို့ရန် မိသားစုဝင်များနှင့် အဆက်သွယ်မရဖြစ်နေ
Jun 17, 2025