NEWS

အလုပ်သမား ၁၀၀ ဝန်းကျင်နဲ့ လည်ပတ်နေတဲ့ HONE KONG ကြာဆံစက်ရုံမှာ အလုပ်သမား ၅၀ ကို အကြောင်းပြချက်မပေးဘဲ အလုပ်နားခိုင်း

CoverLogo
636 Views

ရန်ကုန် လှိုင်သာယာမြို့နယ် စက်မှုဇုန် ၁ မင်းသိဒ္ဓိကျော်စွာလမ်းမှာ ဖွင့်လှစ်ထားတဲ့ မြန်မာလူမျိုးပိုင်  HONE KONG  ကြာဆံစက်ရုံမှာ အလုပ်သမား ၁၀၀ ဝန်းကျင်နဲ့ လုပ်ငန်းလည်ပတ်နေတာဖြစ်ပြီး အလုပ်သမား ၅၀ ဦးကို မည်သည့်အကြောင်းပြချက်မှမပေးဘဲ ဒေးကြေး ထက်ဝက်ပေးမယ်လို့ဆိုကာ အလုပ်ရပ်နားစေပြီး အိမ်ပြန်ခိုင်းခဲ့တယ်လို့ ဆိုပါတယ်။

"ဇန်နဝါရီ ၁၈ ရက်နေ့ကပါ အလုပ်သမား ထက်ဝက်ကိုပေါ့နော် ဘာအကြောင်းပြချက်မှလဲ မပြောဘူး အစည်းအဝေးခေါ်ပြီးပြောတာ ဒေးကြေးထက်ဝက်ပေးမယ်ဆိုပြီး အိမ်ပြန်ခိုင်းတာ အခုဆို တပတ်ကျော်ပြီ ဘာမှလည်း မသိရတော့ဘူး အလုပ်ပြုတ်သလိုကြီးဖြစ်နေတာ"လို့ ရပ်နားခံရတဲ့ အလုပ်သမားက  Myanmar Labour News ကိုပြောပါတယ်။

အလုပ်ရှင်ဘက်က ပြောဆိုခဲ့တဲ့ ဒေးကြေးတစ်ဝက်ပေးမယ်ဆိုရာ မှာ ဘယ်နေ့ဘယ်အချိန် ဘာအကြောင်းကြောင့်ဆိုတာမျိုး အလုပ်သမားတွေကို ပွင့်ပွင့်လင်းလင်းပြောဆိုတာမရှိသလို စာရွက်စာတမ်းအထောက်အထားမရှိဘဲ အလုပ်သမားတွေနဲ့လဲ ညှိနှိုင်းဆောင်ရွက် ထားတာမျိုးလဲမရှိဘဲ အလုပ်သမား ၅၀ ကို အလုပ်ရပ်နားခိုင်းခဲ့တာလို့ သိရပါတယ်။

" အခု အနားခံရတဲ့ အလုပ်သမာတွေထဲမှာ လုပ်သက် ၇ နှစ် ၆ နှစ်တွေတောင်ပါတယ်။အနည်းဆုံးတောင် လုပ်သက် ၃ နှစ်ရှိပြီ။ ဘာအကြောင်းပြချက်မှ မပြောဘဲ အလုပ်မလာခိုင်းတာက ကျွန်တော်တို့ကို အလုပ်ထုတ်လိုက်တာလားလို့ သံသယရှိနေကြပါတယ်"လို့ စိုးရိမ်ပူပန်နေတဲ့ အလုပ်သမားတစ်ဦးက ပြောပါတယ်။

ကြာဆံစက်ရုံလုပ်ငန်းခွင်အတွင်း အလုပ်လုပ်ကိုင်နေစဉ်မှာပဲ အိမ်ပြန်နားခိုင်းတာ တပတ်ကျော်လာခဲ့ပြီ လို့ အလုပ်သမားတွေက ပြောဆိုပါတယ်။

လုပ်ငန်းခွင်ထဲမှာ လုပ်ကိုင်စဉ်ကလည်း လူမှုဖူလုံရေး ကြေး လစဉ် ၂၅၀၀ ကျပ်ထည့်ဝင်ရပေမယ့် ဖူလုံရေးကတ်မရတာ ခွင့်ရက်တွေခံစားခွင့်မရတာ တွေကြုံတွေ့ခံစားနေရပြီး အဆင်မပြေမှုတွေကို သွားရောက်ပြောဆိုရာမှာလည်း အလုပ်ထုတ်ခံရတာတွေရှိလို့ တိုင်ကြားရဲတာမရှိဘူးလို့လည်း အလုပ်သမားတွေထံကသိရပါတယ်။

"ကျွန်တော်တို့ကို အလုပ်ထုတ်လိုက်တာလားဆိုတာသိချင်ပါတယ်။ အခုချိန်မှာ အလိုချင်ဆုံးကအလုပ်ပါပဲ ။ တဖက်သက်ကြီးဆုံးဖြတ်ပြီးတော့ ဒေးကြေး တစ်ဝက်ဆိုတာလည်း အဆင်မပြေပါဘူး"လို့ အမည်မဖော်လိုတဲ့ အလုပ်သမားတစ်ဦးက ပြောဆိုပါတယ်။

#MyanmarLabourNews
 


Related posts

Cover
Myanmar Dihuali စက်ရုံ အလုပ်သမားများ သင်္ကြန်ပိတ်ရက် ရက်အစားလုပ်ကိုင်ပေးရသည့်အပြင် အချိန်ပိုအလုပ်ချိန်များမှ တရက်စာ ထပ်ဖြတ်ခံရ
Mar 27, 2024
Cover
လုပ်ငန်းခွင်အတွင်း စိတ်ပိုင်းဆိုင်ရာ အကြမ်းဖက်ခိုင်းစေနေဟုဆို
Mar 27, 2024
Cover
လုပ်ငန်းခွင်မှာ အထည်စံချိန်အလွန်အကျွံတောင်းခံ
Mar 24, 2024
Cover
လုပ်ငန်းခွင်ဆိုင်ရာ ခံစားခွင့်တွေ ခွင့်ပြုပေးဖို့ အလုပ်သမားတွေတောင်းဆို
Mar 23, 2024
Cover
တရုတ်နိုင်ငံ SHANGCHENG Garment မှ မြန်မာလုပ်သား ၂၀၀ ခန့် နေရပ်ပြန်
Mar 22, 2024
Cover
ခရီးသွားလာရာတွင် မှတ်ပုံတင်အပြင် တခြားထောက်ခံစာပါ တောင်းယူ
Mar 22, 2024
Cover
တရုတ်နိုင်ငံတွင် တောင်းဆိုမှုပြုလုပ်ခဲ့သည့် မြန်မာအထည်ချုပ် အလုပ်သမားများ ညှိနှိုင်းမှု မပြေလည်၊ လုပ်သားတချို့ နေရပ်ပြန်မည်
Mar 21, 2024
Cover
အထည်စံချိန်အဆမတန်ချုပ်ခိုင်းပြီး မရပါက ဥပဒေမဲ့အလုပ်ထုတ်နေ
Mar 20, 2024