NEWS

ပြည်ပရောက်မြန်မာလုပ်သားတွေ လစဥ်ပို့ရမယ့် ငွေပမာဏသတ်မှတ်ချက်ကြောင့် အေဂျင်စီတွေနဲ့သွားလာမှု လျှော့ကျနိုင်

CoverLogo
841 Views

ပြည်ပသို့ သွားရောက်လုပ်ကိုင်နေတဲ့ မြန်မာလုပ်သားအနေနဲ့ မိမိတို့လစာကို လစဥ်လွှဲ ပို့ရမယ်ဆိုတဲ့ သတ်မှတ်ချက်ဟာ ​လိုင်စင်ရ အေဂျင်စီတွေနဲ့လုပ်သားတွေအတွက် ပိုမိုခက်ခဲလာနိုင်တဲ့အတွက် အေဂျင်စီနဲ့ သွားလာဖို့ ခက်ခဲလာနိုင်တယ်လို့ ပြည်ပရောက် မြန်မာလုပ်သားတွေထံမှ သိရပါတယ်။

'' ခုလိုသတ်မှတ်ဖို့ရှိနေတယ်ဆိုတော့ အလုပ်သမားတွေက မကြိုက်ဘူး။ သူတို့ကမကြိုက်လို့ အေဂျင်စီတွေနဲ့မလုပ်ချင်လာရင် အေဂျင်စီတွေဘက်ကလည်း ခက်လာမှာပဲ ပြီးခဲ့တဲ့အစည်းအဝေးမှာ ဒီကိစ္စကိုညှိနှိုင်းထားတာ။ အခြေခံလစာရဲ့ ၃၅ ရာခိုင်နှုန်းလို့လည်းပြောတယ်  အဲ့ထက်ပိုလွှဲလည်းရတယ်။ ဘဏ်ရဲ့စည်းမျဥ်းစည်းကမ်းတွေအတိုင်းပဲ လုပ်သွားမှာပါ။ သူတို့ကတော့ပိုလွှဲလေပိုကြိုက်လေပေါ့ အလုပ်သမားကတော့ ဒါကိုသဘောမကျကြဘူး''လို့ လုပ်ငန်းရှင်တစ်ဦးကဆိုပါတယ်။

ပြည်ပအလုပ်အကိုင် ဝန်ဆောင်မှူလုပ်ငန်းရှင်များအဖွဲ့ချုပ် အသင်းဝင် လိုင်စင်ရအေဂျင်စီများရဲ့ စေလွှတ်ခွင့်ရနိုင်ငံများဆီသို့ စေလွှတ်ထားတဲ့သလုပ်သမားတွေရဲ့ လစာငွေများကို  စစ်ကောင်စီက ချယ်လှယ်သတ်မှတ်နေတာကြောင့် အလုပ်သမားတွေဟာ သဘောမကျတော့ဘဲ စာချုပ်ချုပ်ဖို့ကို စဥ်းစားလာကြတယ်လို့ ဆိုပါတယ်။

''ခုလိုအလုပ်သမားတွေလစာကို ဝင်စွက်ဖက်ရင်တော့ အလုပ်သမားတွေက စာချုပ်နဲ့လုပ်မှာမဟုတ်တော့ဘူး။ အကုန်လုံးက တရားမဝင်တဲ့နည်းကိုသုံးလာကြမယ်။ အေဂျင်စီတွေလည်း စာချုပ်ဖို့ခက်လာမှာပဲ''လို့ ထိုင်ရောက်အလုပ်သမားတစ်ဦးက ဆိုပါတယ်။

ပြည်ပရောက်အလုပ်သမားများရဲ့မိသားစုဝင်များထံသို့ လွှဲပို့ငွေများနဲ့ပတ်သက်၍လည်းကောင်း၊ ဘဏ်လုပ်ငန်းဆိုင်ရာကိစ္စများနဲ့ပတ်သက်၍ အရှေ့အလယ်ပိုင်းနိုင်ငံစေလွှတ်အေဂျင်စီများ၊ ထိုင်းနိုင်ငံနဲ့ စင်္ကာပူနိုင်ငံစေလွှတ်အေဂျင်စီများ၊ ဂျပန်နိုင်ငံစေလွှတ်အေဂျင်စီများအနေဖြင့့် ပြည်ပသို့သွားရောက်လုပ်ကိုင်မဲ့  မြန်မာလုပ်သားတွေအနေနဲ့ အလုပ်ရှင်အလုပ်သမား အလုပ်ခန့်ထားမှုဆိုင်ရာသဘောတူစာချုပ်၊  အေဂျင်စီနဲ့ စာချုပ် ချုပ်ဆိုချိန်မှာ အခြေခံ လစာရဲ့ ၃၅ ရာခိုင်နှုန်းသို့မဟုတ် ပိုမိုလွှဲပို့နိုင်မည့် အချက်ကို  ထည့်သွင်းရန်ညှိနှိုင်းထားတာဖြစ်တယ်လို့ ပြည်ပအလုပ်အကိုင်အေဂျင်စီတစ်ခုမှ သိရပါတယ်။

စစ်တပ် အာဏာသိမ်းပြီးနောက် နိုင်ငံခြား ရင်းနှီးမြုပ်နှံမှုတွေ ထွက်ခွာသွားတာ၊ ပြည်တွင်းက စီးပွားရေးလုပ်ငန်း အများစု ရပ်နားလာတာ၊ အလုပ်အကိုင် အခွင့်အလမ်းရှားပါးလာတာနဲ့ ပြည်တွင်းမှာ ကုန်ဈေးနှုန်းကြီးမြင့်ပြီး  လုပ်ခလစာ နည်းပါး နေတဲ့အတွက်ကြောင့် ပြည်ပထွက်ခွာ အလုပ်လုပ်ကိုင်မှုနှုန်း မြင့်တက်လာနေတာဖြစ်ပြီး ထိုင်း၊ မလေးရှား၊ စင်္ကာပူ၊ ဂျပန် စတဲ့နိုင်ငံတွေကို အများဆုံး သွားရောက်ကာ အလုပ်လုပ်ကိုင်နေကြတာဖြစ်တယ်လို့ ပြည်ပ အလုပ်အကိုင် အေဂျင်စီတွေထံကနေ သိရပါတယ်။
 

MyanmarLabourNews


Related posts

Cover
တရုတ်နိုင်ငံ SHANGCHENG Garment မှ မြန်မာလုပ်သား ၂၀၀ ခန့် နေရပ်ပြန်
Mar 22, 2024
Cover
EPS စာမေးပွဲမှတ်ပုံတင်ကြေးအတွက် ည ၆ နာရီ ကတည်းက တန်းစီရ
Mar 22, 2024
Cover
ခရီးသွားလာရာတွင် မှတ်ပုံတင်အပြင် တခြားထောက်ခံစာပါ တောင်းယူ
Mar 22, 2024
Cover
တရုတ်နိုင်ငံတွင် တောင်းဆိုမှုပြုလုပ်ခဲ့သည့် မြန်မာအထည်ချုပ် အလုပ်သမားများ ညှိနှိုင်းမှု မပြေလည်၊ လုပ်သားတချို့ နေရပ်ပြန်မည်
Mar 21, 2024
Cover
စစ်မှုထမ်းရန်ဆင့်ခေါ်စာပေးပို့မှုများကြောင့် သားယောက်ျားလေးရှင်မိဘတွေ စိုးရိမ်သောကရောက်နေရ
Mar 15, 2024
Cover
ItaIian Thai DeveIopment Public Co,Ltd အား မြန်မာ အလုပ်သမား အမှုဖွင့်
Mar 09, 2024
Cover
ထိုင်းရောက် MoUလုပ်သား ၅၀၀ လုပ်ခလစာမရလို့ ဆန္ဒပြတောင်းဆို
Mar 08, 2024
Cover
တရုတ်နိုင်ငံတွင် မြန်မာလုပ်သားများအား လစာလျှော့ချပြီး အလုပ်ထုတ်နေ
Mar 06, 2024