မြန်မာ့အခေါက်ရွှေစျေး တစ်ရက်အတွင်း ကျပ်တသိန်းကျော် ထပ်မံကျဆင်းခဲ့ပြီး ရွှေကိုလေလံဖြင့်ရောင်းချ

cover
profile
Sep 28, 2022

မြန်မာ့အခေါက်ရွှေစျေးဟာ ဒီကနေ့ စက်တင်ဘာ ၂၈ ရက်မှာတော့  တစ်ကျပ်သားကို ၂,၅၇၀,၀၀၀ ကျပ်ရှိခဲ့တာကြောင့်  တရက်အတွင်း ကျပ်တသိန်းကျော်အထိ ထပ်မံကျဆင်းခဲ့တယ်လို့ စျေးကွက်အရ သိရပါတယ်။

'' ဟုတ်တယ်။ တစ်ရက်အတွင်းမှာပဲတစ်သိန်းကျော်အထိကျသွားတာဆိုတော့ မနက်ဖြန်
ရွှေလေလံကစောင့်ကြည့်ရမယ်။ အရည်အသွေးမပြည့်လို့ဘယ်သူမှမဝယ်ကြဘူး။ ခရိုနီတွေမဝယ်မနေရဝယ်ရမယ်ဆိုတာတွေ လုပ်လာလိမ့်မယ်။ စောင့်ကြည့်ရမှာပဲ'' လို့ စီးပွားရေးလုပ်ငန်းရှင်တစ်ဦးက ဆိုပါတယ်။

စက်တင်ဘာ၂၇ရက်နေ့က ရန်ကုန်မြို့ရှိ ရွှေအရောင်းဆိုင်တွေရဲ့ စျေးနှုန်းဖော်ပြချက်အရ အခေါက်ရွှေတစ်ကျပ်သားကို ကျပ် ၂၇ သိန်းဝန်းကျင်မှာ စျေးပိတ်ခဲ့ပြီး ယနေ့စက်တင်ဘာ၂၈ရက်
နေ့ညနေပိုင်းမှာတော့ တကျပ်သားကို ၂၅သိန်းခုနှစ်သောင်းထိ ပြန်လည်ကျဆင်းခဲ့တာကြောင့် တစ်ရက်အတွင်းတစ်သိန်းကျော်အထိ ကျဆင်းခဲ့တာပါ။

ဒါ့အပြင် စက်တင်ဘာလ ၂၉ ရက် မွန်းလွဲ ၁ နာရီမှာ ရန်ကုန်တိုင်း ကမ္ဘာအေးဘုရားလမ်းမ မြန်မာ့ကျောက်မျက်ရနာပြတိုက်
နှင့် မန္တလေးမြို့၂၆လမ်းနဲ့၆၆လမ်းထောင့်ရှိ Star Mart Mandalay တို့မှာ ရွှေစင်တုံးနဲ့ရွှေခဲသုံးပိသာစီကို စျေးပြိုင်လေလံစနစ်ဖြင့် ရောင်းချပေးသွားမယ်လို့လည်း ရန်ကုန်တိုင်းရွှေလုပ်ငန်းရှင်များအသင်း YGEA မှ သိရပါတယ်။

အခုလိုရွှေစျေးကျဆင်းနေတာဟာ ကမ္ဘာ့ရွှေစျေးနဲ့ ပြင်ပဒေါ်လာပေါက်စျေး ဆက်တိုက်ကျဆင်းနေတာကြောင့် ပြည်တွင်းရွှေဈေး ထပ်မံကျဆင်းလာတာ ဖြစ်ရာ  ပြင်ပဒေါ်လာပေါက်စျေးဟာလည်း   မူလကတစ်ဒေါ်လာ ၃၁၅၀ ဝန်းကျင်ကနေ စက်တင်ဘာ ၂၈ ရက်ယနေ့မှာတော့ တဒေါ်လာကို  ကျပ် ၃,၀၀၀ သာ ရှိတာကြောင့် ယနေ့တစ်ရက်အတွင်း တစ်ဒေါ်လာကို မြန်မာငွေ ကျပ် ၁၀၀ ကျော်နဲ့  အခေါက်ရွှေ တစ်ကျပ်သားကို ကျပ်တသိန်းကျော် ပြန်လည်ကျဆင်းခဲ့တာပါ။

ကမ္ဘာ့ရွှေပေါက်စျေးဟာလည်း မနေ့က တအောင်စကို ၁,၆၃၄ ဒေါ်လာဖြစ်ပြီး စက်တင်ဘာ၂၈ရက် ယနေ့ ညနေပိုင်းမှာတော့ တအောင်စကို ၁,၆၁၉ ဒေါ်လာထိ ထပ်မံကျဆင်းလာခဲ့ပါတယ်။

ပြီးခဲ့တဲ့ သြဂုတ် ၃၁ ရက်ကတော့ အခေါက်ရွှေတကျပ်သားကို ကျပ် ၃၅ သိန်းအထက်ထိ သမိုင်းတလျှောက် အမြင့်ဆုံးရောက်ရှိခဲ့ပြီး ပြင်ပဒေါ်လာငွေလဲနှုန်းဟာလည်း  ကျပ်၄၆၀၀ ဝန်းကျင်အထိ စံချိန်တင်ခဲ့တာဖြစ်ပါတယ်။

MyanmarLabourNews

997 Views

Related News

cover
အပြည်ပြည်ဆိုင်ရာအလုပ်သမားသမဂ္ဂများအဖွဲ့ချုပ် ညီလာခံမှာ မြန်မာပြည်သူတွေသတ်ဖြတ်ခံနေ ရမှု၊ အလုပ်သမားတွေ သင်းပင်းဖွဲ့စည်းခွင့်ချိုးဖောက်ခံရမှုနဲ့ ဒီမိုကရေစီအင်အားစုတွေရဲ့  ပူး ပေါင်းတိုက် ပွဲဝင် နေတဲ့ အခြေအနေတွေ ဆွေးနွေးတင်ပြခဲ့
Nov 27, 2022
cover
တရားမ၀င်ဒေါ်လာအရောင်းအ၀ယ် ဂရုများကိုတရားစွဲဆိုမည်ဟု စစ်ကောင်စီဆို
Oct 18, 2022
cover
အော်ဒါမရှိတဲ့အကြောင်းပြချက်နဲ့ အလုပ်သမား ၂၀၀ ကျော် ကို အလုပ်ရပ်စဲရန်ကြိုးပမ်း ၊ ဥပဒေနဲ့အညီလုပ်ဆောင်ဖို့ အလုပ်သမားတွေ တောင်းဆို
Oct 7, 2022
cover
ပြည်ပရောက်မြန်မာလုပ်သားတွေ လစဥ်ပို့ရမယ့် ငွေပမာဏသတ်မှတ်ချက်ကြောင့် အေဂျင်စီတွေနဲ့သွားလာမှု လျှော့ကျနိုင်
Oct 4, 2022
cover
စားအုံးဆီပြင်ပဈေးနှုန်းတစ်ပိဿာကျပ် ၇၀၀၀ အောက်သို့ကျဆင်းလာ
Oct 4, 2022
cover
ကျူပင်ခုတ် ကျူငုတ်မကျန် ရှင်းလင်းခံနေရဆဲ အလုပ်သမားသမဂ္ဂများ။
Sep 30, 2022
cover
စစ်ကောင်စီက ဈေးပြိုင်တင်ဒါနဲ့ရောင်းချပေးတဲ့ ရွှေစင်တုံးနဲ့ရွှေစင်ခဲများ လေလံဆွဲ၊ ဝယ်ယူသူမရှိလို့လေလံပွဲပိတ်သိမ်းခဲ့ရ
Sep 29, 2022
cover
ကုမ္ပဏီလက်အောက်ခံ နေ့စားအလုပ်သမားတွေလည်း စားဝတ်နေရေးပိုမိုခက်ခဲလာ
Sep 29, 2022
cover
Myanmar Knitting သိုးမွှေး အထည်ချုပ်စက်ရုံတွင် အထည်စံချိန်များ အလွန်အကျူးတောင်းခံမှုများရှိနေ
Sep 29, 2022
cover
ယာယီပိတ်သိမ်းလိုက်တဲ့ Yi Cai အထည်ချုပ်စက်ရုံ အလုပ်သမားဥပဒေနှင့်အညီ ဆောင်ရွက်ခြင်းမရှိဟုဆို
Sep 28, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle