ရွှေဒင်္ဂါးပြားတကျပ်သား၂၉ သိန်းခွဲနဲ့စတင်ရောင်းချ YGEA သတ်မှတ်ဈေးနဲ့ ၉ သိန်းကျော်ကွာဟနေ

cover
profile
Sep 6, 2022

နေပြည်တော်ကျောက်မျက်ရတနာပြတိုက်မှာ ရွှေဒင်္ဂါးပြားတွေကို တစ်ကျပ်သား၂၉ သိန်းခွဲနဲ့ စက်တင်ဘာ ၅ ရက်နေ့မှာ  စတင်ရောင်းချပေးခဲ့ရာမှာ  YGEA သတ်မှတ်ဈေးနဲ့ ၉ သိန်းကျော်ကွာဟနေတယ်လို့ သိရပါတယ်။

ရန်ကုန်ရွှေလုပ်ငန်းရှင်များအသင်း(YGEA )က စက်တင်ဘာလ ၅ ရက်နေ့မှာ ထုတ်ပြန်တဲ့အခေါက်ရွှေဈေးက တကျပ်သားကိုမှ သိန်း ၂၀ နဲ့ ၆ ထောင်သာဖြစ်ပြီး စစ်ကောင်စီက ထုတ်ရောင်းတဲ့ ဒင်္ဂါးပြားတကျပ်သားဈေးနူန်း ၂၉သိန်းငါးသောင်းဟာ  ပြင်ပရွှေပေါက်ဈေးနဲ့ တူနေပြီး  YGEA ရဲ့  သတ်မှတ်ဈေးနဲ့ ၉ သိန်းကျာ်ကွာဟနေတာဖြစ်ပါတယ်။  

ဒင်္ဂါးရွှေတကျပ်သား ၂၉ သိန်း ၅ သောင်းဈေးနူန်းဟာ ကမ်ဘာ့ရွှေဈေးပေါ်အခြေခံပြီး တွက်ချက်ထားတာဖြစ်ပြီး  ဝယ်ယူသူ တစ်ဦးလျှင် ရွှေဒင်္ဂါးပြား တစ်ပြားနှုန်းဖြင့် မှတ်ပုံတင်မူရင်းပြသ၍ လွတ်လပ်စွာဝယ်ယူနိုင်ဖို့နဲ့  ပြည်သူလူထုလက်ထဲ အမှန်တကယ်ရောက်ဖို့ အရောင်းကောင်တာများ ဖွင့်လှစ်ရောင်းချပေးရန် စီစဉ်နေတယ်လို့ စကစ သတင်းပြန်ကြားရေးအဖွဲ့က ဆိုထားပါတယ်။

"သူက AC gold demand လျော့အောင်လုပ်တာ။ US dollar ထုတ်မသုံးဘူးထင်တယ်။ ဒင်္ဂါးကအရောင်ပြပါပဲ။ ဒင်္ဂါးက အရင်ကတည်းက၀ယ်ရခက်တဲ့ဟာပါ။ ကျွန်တော်လည်း ၂၀၁၉တုန်းက ကျောက်မျက်ကရောင်းလို့  ၀ယ်ထားတယ်။ မနည်းပြော၀ယ်ရတာပါ။ လူတိုင်းကိုမရောင်းပါဘူး။ တကယ့်RK သမားပုံစံဆိုရောင်းတယ်။ အဲ့တုန်းကအစောပိုင်းတန်းစီ၀ယ်ရတာ တန်းစီခကို ၃၀၀၀၀ ပေးရတယ်။ အရော့ထွက်နဲ့ဘူးဖိုးက ၂၅၀၀၀ ရွှေဈေးက ၁၁၈၃၀၀၀ ရှိတယ်။ အပြင်ရွှေဈေးထက်ပိုတာက အဲ့တုန်းကတည်းကပဲ။ ၂၀၁၉တုန်းကအခေါက်ရွှေဈေးက ၁၁၈၀၀၀၀ ရှိတယ်။  အဲ့ကတည်းကဈေးပိုတယ်။ ဒီအတိုင်းဆိုရွှေဈေးက အိအိလေးနဲ့ပြန်တက်လာနိုင်တယ်"လို့ ရွှေဈေးကွက်မှ  လုပ်ငန်းရှင်တစ်ဦးက ဆိုပါတယ်။

လက်ရှိမှာတော့  ရွှေတကျပ်သား၊ ငါးမူးသားနဲ့ တမတ်သား အလေးချိန်ရှိတဲ့ ရွှေဒင်္ဂါးပြားတွေကို နေပြည်တော်မှာစတင်ရောင်းချပေးနေတာဖြစ်ပြီး စတင်ရောင်းချတဲ့ ဒင်္ဂါးပြားတွေဟာ ၂၀၁၈ ခုနှစ်မှာ ထုတ်ဝေခဲ့တဲ့ ဗိုလ်ချုပ်အောင်ဆန်းပုံပါတဲ့  ဒင်္ဂါးပြားတွေဖြစ်တယ်လို့သိရပါတယ်။

ရွှေတကျပ်သား၊ ငါးမူးသားနဲ့ တမတ်သားအလေးချိန်ရှိတဲ့ ရွှေဒင်္ဂါးပြားတွေကို ရန်ကုန်၊ နေပြည်တော်၊ မန္တလေးမြို့မှာရှိတဲ့ မြန်မာ့ကျောက်မျက်ရတနာ အရောင်းပြခန်းတွေမှာ ရောင်းချပေးမယ်လို့ စက်တင်ဘာ ၁ ရက်နေ့မှာ စစ်ကောင်စီ က ထုတ်ပြန်ကြေညာထားတာ ဖြစ်ပြီး  အဆိုပါ ရွှေဒင်္ဂါး ရောင်းချခြင်း အစီအစဉ်အား  စက်တင်ဘာလ၆ရက်မှာ  ရန်ကုန်မြို့မှာ စတင်တင်ရောင်းချပေးသွားမည်ဟု ခန့်မှန်းထားကြောင်းသိရပါတယ်။

 

MyanmarLabourNews

 

3.3K Views

Related News

cover
တရားမ၀င်ဒေါ်လာအရောင်းအ၀ယ် ဂရုများကိုတရားစွဲဆိုမည်ဟု စစ်ကောင်စီဆို
Oct 18, 2022
cover
စားအုံးဆီပြင်ပဈေးနှုန်းတစ်ပိဿာကျပ် ၇၀၀၀ အောက်သို့ကျဆင်းလာ
Oct 4, 2022
cover
စစ်ကောင်စီက ဈေးပြိုင်တင်ဒါနဲ့ရောင်းချပေးတဲ့ ရွှေစင်တုံးနဲ့ရွှေစင်ခဲများ လေလံဆွဲ၊ ဝယ်ယူသူမရှိလို့လေလံပွဲပိတ်သိမ်းခဲ့ရ
Sep 29, 2022
cover
ကုမ္ပဏီလက်အောက်ခံ နေ့စားအလုပ်သမားတွေလည်း စားဝတ်နေရေးပိုမိုခက်ခဲလာ
Sep 29, 2022
cover
မြန်မာ့အခေါက်ရွှေစျေး တစ်ရက်အတွင်း ကျပ်တသိန်းကျော် ထပ်မံကျဆင်းခဲ့ပြီး ရွှေကိုလေလံဖြင့်ရောင်းချ
Sep 28, 2022
cover
ရန်ကုန်တိုင်းတွင် ဓာတ်ဆီတစ်လီတာကျပ် ၂၁၅ဝနှင့် ငြိမ်သက်ခဲ့ပြီး ဆက်လက်ကျဆင်း
Sep 27, 2022
cover
အင်းစိန်ထောင်အတွင်းရှိ အကျဉ်းသားများကိုဗစ်ကူးစက်မှုများပြားနေပြီး ထောင်ပြောင်းမှုတွေရှိနေ
Sep 27, 2022
cover
အိုတီကြေးမပေး၍ တောင်းဆိုသည့် အလုပ်သမား ၃၀ ကျော် ဖူဂျီဆပ်ပြာစက်ရုံအတွင်းက နှင်ထုတ်ခံရ
Sep 24, 2022
cover
ဒေါ်လာနဲ့ ရွှေဈေးအနည်းငယ်ပြန်ကျ အခြေခံစားသောက်ကုန် ဈေးနှုန်းတွေထပ်မံတက်လာနေ
Sep 22, 2022
cover
ပြည်တွင်းရွှေဈေးနှုန်း တစ်ကျပ်သားလျှင် ကျပ် ၂၆၂၈၀၀၀ အထိ စံချိန်တင်ကျဆင်းလာ
Sep 20, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle